Category: Добро е да се знае

Впечатливи на прв поглед, а сепак опасни – ова е нашата листа на озлогласени езера во светот.rnrnrn

1. Езеро Натрон

rnЕзерото Натрон се наоѓа во северниот дел на Танзанија и ако можеби се чини привлечно на прв поглед, сепак се работи за едно од најстрашните езера ширум светот. Водата е многу солена, па така сè што доаѓа во допир со неа може да се „скамени“, како некакво проклетство. Високото ниво на алкалност се должи токму на присуството на сол и минерали, па така езерото и го добило името. Покрај тоа, водата достигнува и температура до 60 степени Целзиусови. Неколку ендемични алги, па дури и неколку видови риби успеале да преживеат во такви екстремни услови. Вреди да се спомене дека околу езерото живеат фламинго птиците кои имаат дебела кожа на нозете, па така можат да ја издржат температурата на водата.rnrnrn

2. Езеро Моно

rnЕзерото Моно во Калифорнија е едно од најстарите и најотровните американски езера. Езерото е полно со отровен арсен, три пати посолено од океанот и е преполно со камени кули, но вреди да го посетите доколку ви се пружи можност затоа што нуди неверојатна глетка. Доказ за тоа дека езерото е опасно е токму промената на биохемискиот состав на микроорганизмите кои го населуваат со цел да преживеат.rnrnrn

3. Карачајско Езеро

rnОва мало руско езеро денес е прогласено за едно од најзагадените места во светот со оглед на тоа дека некогаш било депонија за складирање на радиоактивен отпад од фабрика во рамките на Советскиот Сојуз. Се проценува дека отпадниот талог на дното е дебел дури 3 метри. Зрачењето околу пределот на езерото е толку големо што изложеноста од само еден час може да биде смртоносна.rnrnrn

4. Новосибирски Малдиви

rnКристално сината боја е таа што му донесе популарност на езерото особено по социјалните мрежи при што го доби прекарот „Новосибирски Малдиви“. Каква тајна се крие зад неговата впечатлива, хипнотизирачка боја и тропска атмосфера на ваква неочекувана локација? Езерото е токсично бидејќи во него се испуштаат отпад и хемикалии од блиската електрана и затоа им е забрането на туристите да се капат во него. Сепак, постојат и такви кои и покрај предупредувањата пливаат во езерото.rnrnrnrnОткако прочитавте за најопасните езера во светот, можеби ќе сакате да прочитате и кои се 10-те најопасни води во светот.rnrnИзвор: punkufer.dnevnik.hr

Некогаш, трговските патишта се користеле за поврзување на најоддалечените делови во светот. Оние кои патувале не носеле само материјални добра со себе туку и нови технологии како и нови погледи кон животот. Во продолжение прочитајте кои 5 древни трговски патишта ја промениле историјата на човечката цивилизација.rnrnrn

Патот на чајот и коњите

rnТрговскиот пат познат како Јужен пат на свилата се протегал во должина од 2.200 километри од кинеските провинции Сечуан и Јунан преку Тибетската Висорамнина сè до Ласа. Оваа мрежа од патишта била создадена во 7 век кога жителите на „покривот на светот“ се заљубиле во чајот. Тибетанците го разменувале чајот со коњи кои му биле потребни на кинескиот император за новите воени походи. Со текот на времето, потребата за коњи се намалила, па така почнале да се нуди други производи за размена – од сребро и злато до тибетски пијалаци и мудри совети.rn

Трансахарски пат

rnГолем дел од трговските патишта во минатото минувале низ Сахара. Антички Египет градел трговски односи со Нубија, а Либија била главната „порта“ на Рим кон Црниот континент. Во 5 век од нашата ера, Берберите и Туарезите почнале да користат камили што во значителна мера го олеснило транспортот на стоки. За време на златната доба на трансахарската трговија, се тргувало со најразновидни стоки вклучувајќи слонова коска, животинска кожа, злато, пердуви од ној, ореви, но и робови.rn

Патот на темјанот

rnКако што вели и самото име, овој трговски пат бил наменет за транспорт на темјанот и миро (миризлива смола) кои најмногу се одгледувале во јужните делови на Арапскиот Полуостров (на територијата на денешен Јемен и Оман). Темјанот и мирото се добиваат како продукт од сокот од дрвото од родот Boswellia што се суши на сонце. Добиените грутки потоа се палат или се користат како парфем. Тие биле популарни и при погребните ритуали, особено при балсамирање на телото и биле користени од страна на Египќаните, Римјаните и Грците. Постои легенда дека императорот Нерон запалил едногодишна залиха на темјан за погребот на својата сакана љубовница.rn

Патот на зачините

rnБиберот, циметот, кардамонот, ѓумбирот и куркумата се сметале за скапоцени зачини во античко време, а нивниот увоз од далечните егзотични земји бил особено развиен во Антички Рим. Во 1 век од нашата ера, овој увоз ја чинел државата околу 50 милиони сестерци – на што се жалел Плиниј Постариот. Кога пак, визиготскиот крал Аларик I го опседнал Рим во 410 година, покрај злато и ткаенина тој побарал повеќе од еден тон бибер како откуп.rn

Патот на свилата

rnКинеската династија Хан започнала трговија со Западот во 130 п.н.е., а егзотичните богатства од „Средното кралство“ патувале до Блискиот Исток, Црното Море и Медитеранот сè до 16 век. Караваните поаѓале од тогашниот главен град на Кина, денешен Шјиан. Покрај свила, се пренесувале и производи од порцелан, хартија, барут, уметнички дела, скапоцени камења, благородни метали, ориз, чај и егзотични животни.rnrnОткако прочитавте за најважните трговски патишта во историјата на човештвото, можеби ќе сакате да ја прочитате и  нашата листа со 6 моќни градови за кои некогаш се патувало со години.rnrnИзвор: nationalgeographic.rs

Тихиот Океан е најголемиот и најдлабокиот океан на Земјата. Зафаќа површина од 179 милиони км2 од Америка до Азија и покрива 49.8% од морското пространство на Земјата.rnrnrnrnДоколку замислите дека сите делови од Земјата се споени во една целина, сепак океанот би зафаќал поголема површина. За време на патувањата во 1520 година, на Фернандо Магелан му се причинило дека Тихиот Океан е многу мирен, по што и го добил името. Но, подоцна било откриено дека океанот и не е секогаш мирен поради бројните вулкански ерупции, земјотреси и тајфуни.rnrnОкеанот сè уште не е истражен докрај. Најдлабоката точка на океанот била откриена во 1951 година од страна на британскиот истражувачки брод Челинџер, а длабочината од 11.033 метри подоцна била измерена од страна на руски истражувачки брод со помош на сонарен систем. Станува збор за Маријанскиот ров кој се наоѓа во западниот дел на океанот, источно од Филипините. Името го добил по Маријанските Острови.rnrnТихиот Океан е веројатно најстарото море на Земјата. Сепак, не може да се одреди дали неговото дно припаѓа на подлабокиот дел од Земјината кора токму поради дебелиот слој на седименти што го покриваат морското дно.rnrnОд друга страна, импресивните факти можат да ни помогнат да сфатиме колку е голем Тихиот Океан. Океанот има неколку антиподи или дијаметрално спротивни точки на површината на Земјата. Доколку би замислиле линија што ги поврзува, таа би покривала половина од планетата. Растојанието на океанот од Индонезија до Колумбија е 19.800 километри, растојание кое може да го покрие пречникот од не само една туку пет месечини и пак би останало простор.rnrnОткако ги прочитавте занимливите факти за Тихиот Океан, можеби ќе сакате да прочитате и за најголемиот вулкан на светот кој е скриен под океанот.rnrnИзвор: punkufer.dnevnik.hr