На околу 600 милји оддалеченост северозападно од Хонолулу, среде Тихиот Океан, можат да се забележат две островчиња. На повеќето набљудувачи, карпата со димензии околу 5 хектари позната како Пухахону, нема да им значи ништо, освен како место за одмор на уморните морски птици. Но, присуството на карпата укажува на нешто многу поголемо: според експертите, под карпата се крие најголемиот вулкан на Земјата.rnrnrnrnНајновото истражување на морското дно на Папаханаумокуакеа или попознат како Северозападен национален споменик на Хаваите, ја откри целосната големина на вулканот Пухахону. Мајкл Гарсија, вулканолог на хавајскиот универзитет во Маноа, открил дека вулканот содржи најмалку 35 кубни милји карпи. Тоа е приближно двојно поголем обем од оној на Мауна Лоа, претходниот рекордер за најголемиот заштитен вулкан на планетата.rnrnВо 1974 година постоело тврдење меѓу научниците дека Пухахону е најголемиот хавајски вулкан, но не било поткрепено со целосни докази како резултат на ограничените податоци од истражувањето. Сепак, најновото истражување покажало дека овој вулкан е најголемиот, а на второ место е Мауна Лоа. Оваа студија исто така покажала дека хавајските вулкани биле активни во период од милиони години при што ја исфрлале најжешката магма. Вообичаено, овие вулкани еруптираат на температура од околу 2.100 фаренхeјти, но со испитувањата на минералите што биле исфрлени од Пухахону било откриено дека температурата на лавата е околу 3.000 фаренхајти. Со тоа се докажува и дека лавата на вулканот е најжешката што еруптирала во последните 65 милиони години на Земјата.rnrnОткако откривте кој е најголемиот вулкан на светот и каде се наоѓа, можеби ќе ве интересира да прочитате и кој вулкан е една од најпопуларните планински дестинации во Индонезија.rnrnИзвор: discovermagazine.com
На сите нам ни е добро познат фактот дека Марија Кири (1867-1934) живеела во период кога повеќето жени немале пристап до науката и образованието. Сепак, тоа не ја спречило да биде првата жена која ќе ја добие Нобеловата награда и првата и единствена личност што ќе ја добие наградата за две науки.rnrnrnrnФранцуска физичарка со полско потекло, се стекнала со светска слава благодарение на нејзините истражувања во областа на радиоактивноста. Таа била чудо од дете и покажувала извонредни вештини уште на четиригодишна возраст кога научила да чита на руски и француски. Студирала хемија, математика и физика на Универзитетот „Сорбона“ каде открила два радиоактивни елемента: радиум и полониум. Овде го запознала и нејзиниот сопруг и партнер Пјер Кири. Во продолжение прочитајте повеќе занимливости за една од најпознатите научнички на сите времиња.rn
Марија Кири работела во скромна лабораторија
rnКога помислувате на научници, најверојатно првото нешто што ви паѓа на ум е добро опремена лабораторија. За жал, лабораторијата на Кири била далеку од тоа. Голем дел од нивните истражувања биле спроведени во мала, тесна барака.rn
Марија Кири била херој од Првата светска војна
rnКири помогнала да се спасат илјадници војници преку поставувањето бројни мобилни радиолошки единици кои биле користени на првите борбени линии од страна на армиските лекари. Оваа технологија им овозможила на лекарите полесно да прават рендгенски снимки на ранетите војници и да ги вршат неопходните операции.rn
Нобеловата награда била традиција во семејството
rnСемејството Кири се стекнало со пет Нобелови награди. Мари поседувала две, а сопругот Пјер една награда. Во 1935 година, ќерката Ирен Жолио – Кири по стапките на нејзините родители, заедно со сопругот Фредерик Жолио ја добиле Нобеловата награда како признание за нивното откритие во поглед на нови радиоактивни изотопи. Втората ќерка на Марија и Пјер Кири, Ева, се омажила за Хенри Ричардсон Лабуис, добитник на Нобеловата награда за мир како и претседател на УНИЦЕФ.rn
Алберт Ајнштајн бил голем фан на Марија Кири
rnОткако Пјер Кири го загубил својот живот во трагична сообраќајна несреќа, Мари морала да се соочи со тежок период на предрасуди и сексизам. Ајнштајн решил да ја охрабри во нејзината работа, па затоа ѝ пратил писмо во знак на поддршка. Во една прилика, таткото на модерната физика изјавил:rn
„Марија Кири е единствената од сите славни личности која не дозволила славата да ја подмити“.
rn
Научна љубовна приказна
rnМари го запознала Пјер откако дипломирала на Универзитетот Сорбона, а нивната заедничка љубов кон науката придонела да станат не само партнери во животот туку и во истражувањата. Пјер инсистирал неговата сопруга да биде подеднакво признаена кога ѝ била доделена Нобеловата награда за нивните научни откритија.rnrnОткако ги прочитавте овие интересни факти за животот на Марија Кири, можеби ќе сакате да дознаете кои 5 жени го одбележале 19-тиот век.rnrnИзвор: discovermagazine.com
Фиренца, Прага и Лондон со нивните планетариуми, астрономски часовници и огромни библиотеки се совршен избор за патниците кои сакаат да продрат подлабоко во мистериите на астрономијата и потеклото на времето. Еден таков град, полн со научни откритија не е дел од листата на белосветски патници. Имено, се работи за гратчето Левен во Белгија. Овој универзитетски град е местото каде што во 1931 година отец Жорж Леметр, белгиски католички свештеник, ја напишал хипотезата за почетоците на универзумот. Со други зборови, Левен е местото каде била родена теоријата за Биг Бенг, или како што Леметр го нарекол својот концепт, „денот без вчера“.rnrnrn
Таткото на теоријата за Биг Бенг
rnВо 1930-тите теоријата на Леметр била едноставно незамислива за неговите современици, вклучувајќи го и Алберт Ајнштајн кој ја отфрлил неговата претпоставка дека универзумот се шири.rn
Во тоа време, физичарот му рекол: „Твојата математика е точна, но твојата физика е ужасна.“
rnСредба помеѓу Алберт Ајнштајн и Жорж Леметр во Калифорнија, 1933 година.rnrnРоден во 1894 година, Леметр уште на 9-годишна возраст знаел дека ќе биде свештеник и научник. Првин се обучил како градежен инженер, а потоа продолжил на студиите по математика на Католичкиот универзитет во Левен каде што на крајот станал професор. Додека ја идентификувал врската помеѓу теоријата на релативност на Ајнштајн и ширењето на универзумот, истовремено се подготвувал и да стапи во служба на епархиското свештенство. Подеднакво го интересирала вистината за човековото спасение, но и вистината од научен аспект. Неговата поврзаност со папата станала толку важна што Леметр бил избран од папата Пиј XI за член на Папската академија за науки во Ватикан, а во 1960 година станал нејзин претседател.rn
Во потрага по Леметр
rnЛикот на Леметр и не е толку популарен во белгиското гратче, па затоа оние кои сакаат да дознаат нешто повеќе за него, треба да знаат каде да бараат. Неговата извајана статуа се наоѓа во дворот на колеџот кој некогаш бил седиште на Институтот за физика на Католичкиот универзитет во Левен.rnrnrn
Наследството на Левен
rnПокрај Леметр, во ова мало гратче живееле и работеле и многу други научници кои дале значаен придонес во развојот на науката. Градоначалникот на Левен, Мохамед Ридујани, смета дека гратчето е поврзано со историјата преку долгата нишка на брилијантните умови кои живееле тука и нивната иновативност.rn
„Клучниот збор е иновацијата, а уште од средниот век Левен бил безбедно место каде научниците слободно ги изразувале своите идеи“, вели Ридујани. „Овде живеат околу 100.000 луѓе, но повеќе од 60.000 се студенти. Тоа остава голем простор за поттикнување на имагинацијата.“
Во екот на својата моќ, Римската Империја се протегала на територијата на Западна Азија, Северна Африка и голем дел од Европа, особено областа околу Средоземното Море. Во тоа време, Римјаните ја имале најсилната војска на светот и таа била основа за нивната моќ. Империјата оставила длабока трага врз модерната култура, законодавство, архитектура, уметност и наука.rnrnrnrnВе водиме на прошетка низ градовите кои биле темел на една од најмоќните империи во историјата на човештвото.rn
Рим
rnГлавниот град на Италија бил и главен град на античката империја. Неговото влијание било огромно и растело како што растела моќта на Римската Империја. Повеќе од 1000 години, Рим се сметал за еден од најмоќните и најзначајните градови во светот. За тоа придонеле и неговата географска положба, реката Тибар и близината на Медитеранот. Во денешен Рим ќе наидете на многу потсетници од таа славна доба. Најпознати се секако Колосеумот, Пантеонот и Римскиот форум.rnrnrn
Ефес
rnЕфес бил еден од најважните пристанишни и економски центри како и трет по големина град во Римската Империја. Згора на тоа, тој бил најголемото пристаниште на азиските провинции на империјата. Градот кој се наоѓа на територијата на денешна Турција, во минатото бил важен центар на христијанството.rnrnrn
Картагина
rnРимјаните ја окупирале Картагина за време на Пунските војни кога градот бил целосно уништен и запален, а потоа повторно изграден поради неговата геополитичка локација. Се наоѓал на територијата на денешен Тунис, а за историјата на градот сведочат многубројните остатоци од амфитеатарот, термалните бањи и бројните римски вили.rnrnrn
Александрија
rnОвој град се сметал за интелектуална престолнина на империјата и место каде биле собрани најпознатите филозофи, научници и математичари. Уште од времето на древниот Египет, Александрија била сметана за интелектуално најразвиен град во светот. За ова сведочат и остатоците од кралската александриска библиотека.rnrnrn
Константинопол
rnПрестолнината на Источното римско царство била дел од Патот на свилата и исклучително важен трговски центар. Градот бил замислен како „новиот Рим“ и поради неговото геополитичко значење набрзо се претворил во богата и моќна престолнина. Од руините на Константинопол денес се издига Истанбул, величествениот економски и културен центар на Турција кој изобилува со споменици од златната доба на Источното римско царство.rnrnrnrnОткако прочитавте кои биле најзначајните градови на Римската Империја, можеби ќе сакате да откриете и 16 неверојатни историски поклопувања.rnrnИзвор: punkufer.dnevnik.hr
Прекрасниот камен со боја на ултрамарин е симбол на мудроста од античките времиња, онаа мудрост која нè потсетува дека материјалните нешта во животот се минливи и ни помага да го сфатиме подобро човековото постоење.rnrnrnrnБојата на каменот го претставува почетокот на животот и будењето на емоциите. Во современите духовни толкувања, лапис лазули поради својата сина боја е камен на вербата. Најефективно дејствува кога сончевата енергија е заробена во зимските окови, па животот наоѓа начини да протече меѓу пукнатините (кон крајот на февруари и почетокот на март). Тоа е време кога ни е потребна верба во енергијата на природата дека ќе придонесе сè за повторно регенерирање на животот.rnrnЛапис лазули отсекогаш бил камен на кралевите и симбол на благородниците. Сините нијанси се и симбол на доблеста, честа и хуманоста. Каменот ни помага да бидеме љубезни кон другите, да се грижиме за луѓето што нè опкружуваат. Не е за чудење фактот дека во традиционалните култури на античкиот свет и на Блискиот Исток, овој камен се користел како амајлија што ја носеле бремените жени. Се верувало дека амајлијата им помагала на жените полесно да го издржат породувањето.rnrnЛапис лазули е и еден од најценетите камења во историјата на човештвото. Во античко време се нарекувал сафир, а неговото најстаро наоѓалиште лежи на планините во Североисточен Авганистан. Египетските фараони организирале големи трговски и воени експедиции во овој недостапен регион во потрагата по овој небесен камен. Длабоко сината боја останала симбол на боговите и моќта, духот и визијата.rnrnНека не ве чуди тоа што овој камен се носи околу грлото, на местото на третата чакра која помага да се изразат сопствените ставови, при што конфликтот се заменува со рамнотежа. Овој камен нè поврзува и со изворот на креативноста. Ја ослободува обновувачката сила на духот и ги разбива негативните мисли. Нè тера да ја бараме вистината, да се соочиме со неа, а со тоа и да ги прифатиме грешките и лекциите од минатото. Ја зајакнува способноста на умот, ја издигнува свеста на повисоко ниво и внесува јасност и објективност во нашите мисли. Се верува дека лапис лазули е симбол на верната љубов. Чакрата на грлото позната како трето око овозможува правилен и непречен проток на енергијата, насочувајќи ја кон шестата чакра, сместена во пределот на репродуктивните органи.rnrnЛапис на латински значи камен, а лазули доаѓа од арапски и значи небо, небеса. Лапис лазули е син, небесен камен што во човечката свест е засекогаш поврзан со божественото сино небо посипано со ѕвезди, една од безбројните тајни на универзумот што човекот и до ден денес не може да ја одгатне.rnrnОткако прочитавте за духовното значење на лапис лазули, можеби ќе сакате да прочитате и за моќта на драгоцените камења.rnrnИзвор: astrotarot.eu
Додека растевте, сигурно сте имале можност да сретнете луѓе во вашето непосредно опкружување што зборуваат на различен јазик од вашиот. Можеби тие биле претставници на еден или повеќе различни етникуми. Но, доколку сте ја посетиле светската престолнина на јазиците, тогаш постојано сте биле опкружени со стотици јазици…rnrnrnrnСпоред Алијансата за загрозени јазици (Endangered Language Alliance, ELA) во една област во Соединетите Американски Држави се зборуваат најмногу јазици од кое било друго место во светот. Во Њујорк се користат повеќе од 800 јазици, а само во округот Квинс се присутни околу 138 јазици.rnrnОкругот Квинс се протега на површина од 280 километри квадратни и е дом на многу култури и јазици. Зошто се среќаваат толку многу јазици на едно место? За овој факт пред сè e одговорен Њујорк затоа што најчесто овој град е првата станица за многумина доселеници кои го бараат својот нов дом во Америка.rnrnКои јазици може да ги слушнете овде? Еве само еден мал дел: англиски, германски, српски, хрватски, грчки, шпански, руски, литвански, кинески, јапонски, непалски, филипински, индонезиски и многу, многу други.rnrnДоколку сакате да станете полиглот, или барем да го збогатите својот фонд на јазици со барем уште еден јазик, тогаш Њујорк и Квинс се вистинската дестинација за вас затоа што сме сигурни дека ќе ви бидат вистинска инспирација за тоа.rnrnОткако дознавте во која област во светот се зборуваат најмногу јазици, можеби ќе сакате да дознаете и совети со чија помош ќе го совладате секој јазик.rnrnИзвор: nationalgeographic.rs
Предците на луѓето живееле на Земјата пред 6 милиони години, но кое е најстарото место што ги чува археолошките докази за нивното постоење? Научните истражувања укажуваат на два локалитета околу кои спорат експертите. Едниот е во Кенија, а другиот во Етиопија.rnrnrnrnДесетина експерти за археологија и антропологија дале различни мислења за научното списание Live Science. Затоа, логично се поставило и прашањето зошто и каде нивните мислења се разидуваат. Според Џонатан Сала, професор по археологија на Универзитетот во Кејп Таун, Јужна Африка, прашањето за најстариот археолошки локалитет во светот ја раздели археолошката заедница.rn
Ломекви 3 во Кенија
rnЕден од двата локалитети е Ломекви 3 што се наоѓа на низок рид во Западна Туркана во Кенија. Во студија објавена во списанието Nature во 2015 година, истражувачите изјавија дека преку датирање на седиментот во кој се пронајдени артефактите (коски и алати) ја процениле староста на локалитетот на околу 3,3 милиони години. Според научниците, алатките биле најверојатно изработени од Australopithecus afarensis, хоминини кои го населувале регионот во тоа време. Локалитетот е сместен на мал рид недалеку од езерото Туркана. Тимот научници дошол до заклучок дека племето сочинето од Australopithecus afarensis користеле камени алатки за кршење ореви.rnНекои од научниците не се убедени во староста на овие алатки и тврдат дека дел од нив се пронајдени во контекст во кој не може да се одреди нивната старост. Со други зборови, тие не можат да бидат датирани од исто време како и седиментот во кој се пронајдени.rnrnrn
Гона во Етиопија
rnСала е еден од археолозите што не се согласува со тврдењето дека артефактите пронајдени во Ломекви датираат од пред 3,3 милиони години. За него, најстарите археолошки артефакти се камените алатки што се пронајдени во Гона покрај реката Када Гона во Афар, Етиопија, и се стари околу 2,6 милиони години. Камените алатки најверојатно биле изработени од Australopithecus garhi, човечки предок кој живеел во Источна Африка пред околу 2,5 милиони години. Фосили од тој вид се пронајдени во близина на камените алатки и можеби токму тие биле меѓу првите човечки предци кои ја усовршиле техниката за изработка на камено оружје.rnrnrnrnОд друга страна, дел од научниците сметаат дека локалитетот во Ломекви е постар од оној во Гона со образложение дека камените артефакти пронајдени во Ломекви се погруби од оние пронајдени во Гона и можеби воопшто не биле користени како алатки.rnrnСепак, дури и ако се докаже дека артефактите од Ломекви не се користеле како алатки, тие се сметаат за едни од најраните траги на нашите предци.rnrnОткако прочитавте за најстарите археолошки наоѓалишта во светот, можеби ќе сакате да дознаете повеќе и за неверојатните сличности помеѓу нас и праисториските луѓе.
Потребата да чуваме маче или куче силно влијае врз нашата човечка психологија, но има и длабоко космичко значење. Зошто е тоа така?rnrnrnrnМногубројни истражувања покажале дека постои невидлив контакт помеѓу животните и луѓето. Се смета дека за време на интеракцијата, човечкото биолошко поле резонира со полето на животната сила на здраво животно. И бидејќи структурата на внатрешните органи кај цицачите е слична со онаа на луѓето, тие можат да ја „цицаат“ лошата енергија од нашите органи.rnrnДосега многу е напишано за позитивното влијание на енергијата помеѓу човекот и животните. Многумина од вас сигурно имаат забележано дека мачката може да осети кога нејзиниот сопственик е тажен. Мачката е мистериозно животно и има речиси магични способности да ја отстрани негативната енергија. Кога ќе почувствува негативна вибрација околу сопственикот, таа ја враќа виталноста и ја лечи енергијата. Седи близу до сопственикот сè додека не почувствува дека е „полна“ со негативна енергија, а потоа тивко се повлекува.rnrnМачката е единствениот цицач што може нормално да функционира по исцелувањето на вибрациите. Тоа значи дека никогаш не смеете да ја запрете мачката да го напушти местото покрај вас ако таа одлучила така бидејќи тоа значи само едно – таа веќе ја презела вашата негативна енергија и сега и самата треба да се наполни со нова енергија.rnrnКучињата најчесто ја имаат улогата на наши ангели-чувари и нè штитат како во добро, така и во лошо. Тие честопати дејствуваат како сунѓери, па така секоја негативна енергија насочена кон сопственикот – завист, страст, омраза, гнев и слично, сите овие работи ги апсорбира кучето. Тоа е чувар и заштитник во вистинска смисла.rnrnКучињата имаат вграден механизам на висок отпор кон „енергетската прашина“, но ако кучето е болно цело време или покажува знак на депресија, треба добро да размислите дали воопшто да чувате куче или не. Тие се многу усогласени со енергијата на сопственикот.rnПотребата да чуваме маче или куче влијае и врз нашата психологија. Кое е духовното значење зад сето тоа?rn
Духовното значење на поседувањето мачка
rnАстролошки гледано, мачката ја претставува благоста на месечината. Месечината како природен сателит зрачи ментална мекост, добрина и ги претставува тајните на светот. Децата или возрасните сакаат да имаат мачка кога се чини дека сè во нивниот живот е надвор од рамнотежа.rnrnМачките се многу добро организирани и можат да ни бидат пример за тоа како и ние самите да се организираме подобро. Кога детето копнее за маче, тоа може да има бројни значења, но најчеста причина е тоа што детето сака да почувствува космичка блискост со друго суштество.rnrnДецата од 2 до 3 години се длабоко поврзани со космичката енергија и копнежот по мачка значи дека сакаат да ја одржат оваа врска силна, дури и откако ќе пораснат и ќе ги преземат сите улоги што треба да ги играат во своето тогашно човечко тело.rnrnПонекогаш може да значи дека на детето му недостига емоционална храна во рамките на семејството и му е потребна емоционална поддршка, па така мачката би била една од најдобрите можни решенија.rnrnrnrnКај возрасните, копнежот по мачка може да се појави во различни ситуации кога се чувствуваат емоционално празни или кога им треба силно духовно присуство околу нив.rn
Духовното значење на поседувањето куче
rnКучето ја претставува енергијата на сонцето.rnrnКога детето копнее по куче, тоа е знак дека е подготвено за животот и дека ќе ги подобри своите креативни способности. Тоа значи дека детето го крие уметникот во себе и чека можност да го ослободи. Детето кое сонува за кученце сака да биде забележано и чувствува потреба да ги развие своите таленти со цел да ги изненади и воодушеви другите. Ако возрасно лице сонува да има куче, тогаш е време да го промени својот живот.rnrnrnrnСонцето е енергија во која сакаме да се претопиме кога ни се чини дека сè е лошо и кога немаме ниту најмала желба да продолжиме понатаму. Толку е голема усогласеноста меѓу кучето и човекот што и двете страни можат да се разберат на најдлабок можен начин.rnrnОткако откривте како присуството на домашни миленици влијае врз човечката психологија, ви препорачуваме да ги погледнете овие фотографии кои ја прикажуваат неверојатната врска помеѓу животните и луѓето.
Волнестите мамути и египетските пирамиди, Мачу Пикчу и Сикстинската капела, укинувањето на ропството и пронаоѓањето на iPod-от… и уште 13 работи за кои воопшто не би помислиле дека се случиле речиси истовремено.rnrnМартин Лутер Кинг и Ана Франкrn
1. Ана Франк и Мартин Лутер Кинг
rnАна Франк и Мартин Лутер Кинг се херои и историски симболи. И двајцата се родени во 1929 година.rn
2. Последното погубување со гилотина и „Војна на ѕвездите“
rnПоследното погубување со гилотина во Франција се случило по премиерата на првиот филм „Војна на ѕвездите“ со наслов – Епизода IV: Нова надеж.rnrnВоведена за време на владеењето на Луј IV, гилотината останала во употреба речиси два века по неговото владеење, па така за последен пат била употребена на 10 септември 1977 година, речиси четири месеци по проектирањето на првиот филм од серијалот „Војна на ѕвездите“ во киносалите.rn
3. Оксфордскиот универзитет и царството на Ацтеките
rnЕден од најпознатите универзитети во светот, универзитетот во Оксфорд датира од 1096 година, но во 1231 година бил официјално прогласен за универзитет. Царството на Ацтеките на кое често му се придодава епитетот древно, било основано околу 1430 година, речиси 200 години откако Оксфорд официјално станал универзитет.rn
4. Фашистичка Шпанија и Мајкрософт
rnОд октомври 1936 до ноември 1975 година со Шпанија владеел фашистичкиот диктатор Франциско Франко. Во мај 1975 година во Ново Мексико, САД, Бил Гејтс и Пол Ален ја основале една од најважните светски компании, Мајкрософт.rn
5. Укинување на ропството и првиот iPod
rnСтив Џобс во 2001 година го промени светот кога ја дизајнираше првата верзија на iPod. Со меморија доволна за 1.000 до 2.000 песни и батерија која траеше 10 часа, првата генерација на iPod сега се наоѓа во историските музеи. Пет години подоцна, во исто време кога беше пуштена во продажба шестата генерација iPod, беше укинато ропството во Мавританија, последната земја во светот каде што ропството сè уште беше законско во 21 век.rn
6. Волнестите мамути и египетските пирамиди
rnПирамидите во Гиза се една од најголемите мистерии во светот – која е тајната што се крие зад прецизниот начин на градење?rnrnПирамидите биле изградени помеѓу 2550 и 2490 п.н.е., и тоа во период кога праисториските волнести мамути сè уште биле присутни на Земјата. Последниот животински вид од периодот на ледената доба изумрел околу 1650 година п.н.е., околу 900 години по изградбата на пирамидите.rn
7. Династијата Јуан и битката кај Креси
rnСклони сме кон тоа да го замислуваме развојот на оружјето во линеарна насока, ама историјата покажува дека не е така. Најстариот бронзен пиштол што користел барут е пронајден за време на кинеската династија Јуан околу 1332 година.rnПо десет години, во битката кај Креси помеѓу француската и англиската војска која завршила во 1346 година се користел самострел како оружје.rn
8. Падот на Римското Царство и откривањето на Америка
rnИсточното Римско Царство (познато како Византија) пропаднало во 1453 година кога било освоено од страна на отоманските Турци. Четириесет години подоцна, во 1492 година, Кристофер Колумбо се вкотвил на северноамериканското копно. Тоа значи дека многумина од луѓето кои се сметале себеси за Римјани (една од најстарите цивилизации во светот) слушнале дека бил откриен нов континент.rnrnПродолжува на следната страница…rnrn
Дека жените можат да го прават она што го прават мажите, многупати и многу подобро, сведочат жените лидерки на оваа листа. Ова се само дел од жените кои ја имаат променето историјата.rn
Најплатениот извршен директор на компанијата Apple
rnАнгела Арентс е најплатениот извршен директор на американската мултинационална компанија за технологија, Apple. Пет години беше шеф на малопродажниот оддел на Apple, а претходно работела како извршен директор на британската луксузна модна куќа – Burberri.rnrnrn
Првата жена канцеларка на Германија
rnВо 2005 година, Ангела Меркел постана првата жена канцеларка на Германија. Меркел е прогласена за жена на годината од списанието Time во 2015. Таа е прва жена која ја добила наградата од 1986 година наваму и прва личност од Германија која успеала во тоа по 1970 година.rnrnrn
Првата министерка за финансии на Франција
rnКристин Легард беше првата министерка за финансии на Франција во периодот 2007-2011 година. Исто така, таа е првата жена извршен директор на Меѓународниот монетарен фонд од 2011 до 2019 година, и претседател на Европската централна банка од 2019 година до денес.rnrnrn
Првата жена претседател во Африка
rnЕлен Џонсон Сирлиф е првата жена претседател во Африка. На својата прва кандидатура изгуби од противкандидатот кој потоа беше осуден за воени злосторства. Потоа во 2006 година победи на претседателските избори, а во 2011 година беше реизбрана.rnrnВо 2011 година, заедно со Лимах Гуве и Тавакул Карман, доби Нобелова награда за мир – за нивната ненасилна борба за безбедноста и правата на жената.rnrnrn
Жената која била затворана 13 пати
rnЕмелин Панкхерст постана позната во светот по тоа што била затворана 13 пати. Таа била основач на Женскиот општествен и политички сојуз во кампањата за женско парламентарно гласање во Едвардијанската ера во Британија. Како моќен говорник за општествени реформи, има покренато масовно движење за женските демократски права.rnrnrn
Жената зад првото женско списание
rnГлорија Стејнем била коосновач на првото феминистичко списание – Ms. Magazine. Ова списание е и прво кое е креирано и уредувано од жени. Стејнем во 1963 година работела како тајна зајачица, како резултат на што ги разоткрила лошите плати и услови за работа во њујоршкиот Плејбој Клуб. Години подоцна, во 2013 година, Американскиот претседател Барак Обама, ѝ доделил претседателски медал на слободата.rnrnrn
Првата жена која ја водеше компанијата Pepsi
rnИндра Ноји е деловна жена која во 2001 година стана петтиот претседател и извршен директор во дотогашното 42-годишно постоење на брендот Pepsi. Воедно, во тоа време таа била една од 11-те жени извршни директорки на компанија од Fortune 500.rnrnrn
rnrnНајновото истражување на морското дно на Папаханаумокуакеа или попознат како Северозападен национален споменик на Хаваите, ја откри целосната големина на вулканот Пухахону. Мајкл Гарсија, вулканолог на хавајскиот универзитет во Маноа, открил дека вулканот содржи најмалку 35 кубни милји карпи. Тоа е приближно двојно поголем обем од оној на Мауна Лоа, претходниот рекордер за најголемиот заштитен вулкан на планетата.rnrnВо 1974 година постоело тврдење меѓу научниците дека Пухахону е најголемиот хавајски вулкан, но не било поткрепено со целосни докази како резултат на ограничените податоци од истражувањето. Сепак, најновото истражување покажало дека овој вулкан е најголемиот, а на второ место е Мауна Лоа. Оваа студија исто така покажала дека хавајските вулкани биле активни во период од милиони години при што ја исфрлале најжешката магма. Вообичаено, овие вулкани еруптираат на температура од околу 2.100 фаренхeјти, но со испитувањата на минералите што биле исфрлени од Пухахону било откриено дека температурата на лавата е околу 3.000 фаренхајти. Со тоа се докажува и дека лавата на вулканот е најжешката што еруптирала во последните 65 милиони години на Земјата.rnrnОткако откривте кој е најголемиот вулкан на светот и каде се наоѓа, можеби ќе ве интересира да прочитате и кој вулкан е една од најпопуларните планински дестинации во Индонезија.rnrnИзвор: discovermagazine.com
rn
rn
rn
rn
rn
rnrnОткако прочитавте кои биле најзначајните градови на Римската Империја, можеби ќе сакате да откриете и 16 неверојатни историски поклопувања.rnrnИзвор: punkufer.dnevnik.hr
rn
rnrnОд друга страна, дел од научниците сметаат дека локалитетот во Ломекви е постар од оној во Гона со образложение дека камените артефакти пронајдени во Ломекви се погруби од оние пронајдени во Гона и можеби воопшто не биле користени како алатки.rnrnСепак, дури и ако се докаже дека артефактите од Ломекви не се користеле како алатки, тие се сметаат за едни од најраните траги на нашите предци.rnrnОткако прочитавте за најстарите археолошки наоѓалишта во светот, можеби ќе сакате да дознаете повеќе и за неверојатните сличности помеѓу нас и праисториските луѓе.
rnrnКај возрасните, копнежот по мачка може да се појави во различни ситуации кога се чувствуваат емоционално празни или кога им треба силно духовно присуство околу нив.rn
rnrnСонцето е енергија во која сакаме да се претопиме кога ни се чини дека сè е лошо и кога немаме ниту најмала желба да продолжиме понатаму. Толку е голема усогласеноста меѓу кучето и човекот што и двете страни можат да се разберат на најдлабок можен начин.rnrnОткако откривте како присуството на домашни миленици влијае врз човечката психологија, ви препорачуваме да ги погледнете овие фотографии кои ја прикажуваат неверојатната врска помеѓу животните и луѓето.
rn
rn
rn
rn
rn
rn
rn