КАФЕ ПАУЗА

Category: Факти и сознанија

  • Тајната на совршеното домашно подготвено кафе

    Тајната на совршеното домашно подготвено кафе

    Консумирањето кафе и уживањето во овој пијалак е добро познат ритуал во Македонија. И за разлика од другите држави каде што се служи во мали шолји и се пие во една голтка, нашето кафе е многу повеќе од утринско или попладневно заблажување. Мирисот и вкусот што се кријат во омилените шолји во кујната нè следи во сите нови успеси, запознавања, пријателства и заеднички моменти на радост.rnrnrnrnСите ние сме пораснале учејќи како да направиме добро кафе. Уште од мали нозе секојдневно сме слушале изјави како „Уф, колку добро кафе испив денес“ или „Колку слабо кафе ми направија, исто како да не сум се напил/а денес“. Со текот на времето ние сме пробувале различни вкусови и комбинации, велејќи: „Направи ми без шеќер“, „Стави кафе сега, за да се олади додека дојдам“ или „Не дозволувај да зоврие до крај.“rnrnБез разлика на нашата работа, ние секојдневно подготвуваме свежо смелено кафе, притоа давајќи дел од нашето срце во него. Важно ни е пијалакот да биде совршен и ние да бидеме познати како кафе-мајстори. Па, доколку сакате да ги унапредите вашите вештини во подготовката на кафето и уживањето во неговиот вкус, тогаш погледнете ги следниве мали тајни за кои можеби не сте знаеле, а кои имаат моќ да ви го направат омилениот вкус уште подобар.rnrnИмено, пената во домашно подготвеното мелено кафе ја прави разликата помеѓу „доброто“ кафе и она што е „невешто“ сварено. Сепак, има и луѓе што сакаат да пијат кафе без пена – па секогаш прашувајте пред варењето. Покрај тоа што изгледа попримамливо, густата и обилна пена ја задржува топлината на кафето, го прави вкусот поинтензивен и подолго се задржува во устата.rnrnОд друга страна пак, покрај пената, важна е и температурата на кафето. За најдобар вкус, треба да почекате малку да се олади и да почнете да го пиете кога тоа ќе ја достигне температурата на телото. Исто така, пред првата голтка, затворете ги очите и длабоко вдишете го мирисот. Ова ќе ви ги отвори сите сетила и кога ќе почнете да го пиете кафето ќе чувствувате многу побогат вкус.rnrnКако кафето влијае на човекот: Природен чувар на расположението!

  • Што ќе се случи ако престанете да пиете кафе?

    Што ќе се случи ако престанете да пиете кафе?

    Доколку сте решиле да се откажете од кафето, во вашето тело ќе настанат некои сериозни промени. Некои се добри, а некои лоши, но секој организам е различен и на различен начин ќе справи со недостатокот од кафе. Во продолжение погледнете ги промените кои најверојатно ќе се појават откако цел месец нема да пиете кафе.rnrnШто ќе се случи ако престанете да пиете кафе?rn

    1. Ќе ослабите

    rnНаучниците откриле дека дневната доза кофеин што се наоѓа во шолја кафе, газираните пијалаци и чајот, може да го зголеми нивото на шеќер во крвта за 10%. Дури и ако не ставете шеќер или млеко во кафето, овој пијалак може да содржи и до 200 калории.rn

    2. Постојано ќе бидете гладни

    rnКафето го намалува апетитот. Доколку се откажете од кафето, редовно ќе појадувате, па вашето тело секое утро ќе ја добива потребната енергија. Само погрижете се наутро да јадете нешто солено, а не благо. Немојте да го заменувате кофеинот со слатки, без разлика колку мислите дека сакате.rn

    3. Ќе спиете подобро

    rnКога кофеинот ќе излезе од вашиот организам, ќе спиете без проблеми. Истовремено, будењето ќе ви биде полесно.rn

    4. Ќе имате главоболки

    rnНајчестата криза од недостаток на стимуланси на кои е навикнато телото резултира со јака главоболка. Кога ќе престанете да пиете кафе, го лишувате телото од адреналин и допамин – хормони кои ве држат будни. Наместо тоа, ќе почне да се лачи аденозин, хормон кој е одговорен за заморот.rn

    5. Ќе се разболите

    rnКога ќе престанете да пиете кафе, може да се појават депресија, раздразливост, главоболка, несоница, вртоглавица и симптоми на грип. Но оваа криза трае само два дена, додека телото да се ослободи од целиот кофеин.rn

    6. Поубава насмевка

    rnКафето е кисело, а неговата рН вредност ги уништува забите. Па, штом ќе престанете со пиење кафе, состојбата на вашите заби ќе се подобри.rn

    7. Ќе го намалите внесот на антиоксиданси

    rnКафето е еден од главните антиоксиданси. Бројни истражувања покажале дека 3 шолји кафе дневно спречуваат појава на рак, развивање Паркинсонова болест и разни проблеми со коските. Доколку се откажете од кафето, внесувајте повеќе чаеви, овошје и зеленчукrn

    8. Ќе ви се намали концентрацијата

    rnМногу луѓе кои престанале да пијат кафе забележале дека не можат да се концентрираат поради заморот. По една недела, овие симптоми исчезнуваат.rn

    9. Побавен метаболизам

    rnКафето е познат диуретик, па недостатокот може да предизвика констипација. За да го избегнете ова, вежбајте повеќе, пијте многу вода и консумирајте хранливи влакна.rn

    10. Ќе бидете посмирени

    rnСрцето ќе ви чука нормално, а мозокот ќе ви работи подобро. Доколку веќе некое време чувствувате нервоза и забрзано чукање на срцето, можеби треба да се откажете од кафето.rnrnДоколку сепак не можете да се откажете од кафето, погледнете кои се изненадувачките придобивки од овој пијалак.

  • Зошто италијанскиот е официјалниот јазик на кафето?

    Зошто италијанскиот е официјалниот јазик на кафето?

    Ако не можете да го започнете денот без шолја кафе, не сте единствените. Според Интернационалната организација за кафе, глобалниот извоз на кафе се зголемува за 4,2% секоја година.rnrnЗошто италијанскиот е официјалниот јазик на кафето?rnrnОчигледно кафето станало важен ритуал за многу луѓе, па веројатно се имате прашано зошто речиси сите имиња на видовите кафе се на италијански јазик. Од лате до макијато, сите користиме италијански термини кога порачуваме кафе. Па како дошло до ова? Сепак, кафето не ни потекнува од Италија.rnrnСпоред легендата, кафето потекнува од Етиопија и било откриено од козарот Калди. Кафето се проширило низ Арабискиот Полуостров, пред Европејците да дознаат за него во 17-тиот век. Холанѓаните се најзаслужни за глобалното прошарување на кафето, но повеќето пијалаци кои ни се познати денес навистина потекнуваат од Италија, а сè е поврзано со изумот на еспресо машината.rn

    Еспресо основа

    rnЕспресото не е посебен вид кафе, туку начин на подготовка и прв пат бил развиен во Италија во 19-тиот век. Бидејќи за да се подготви кафето потребни се околу 5 минути, љубителите побарале начин да го скратат тој период. Првите еспресо машини биле големи и тешки, но до крајот на 20-тиот век, Луис Безера од Милано направил машина која правела шолја кафе за неколку секунди. Било потребно некое време за машините да станат полесни за употреба .rnrnЕспресо машината навистина го револуционизираше кафето. Со оваа машина кафето се правело за неколку секунди и можело да се пие веднаш по служењето, најчесто стоејќи во бар.rnrnИталијанската култура за кафе почнала да расте и еспресото какво што ни е познато денес станало популарно во Италија и Франција во 1930-тите. Според авторот Марк Пендерграст, во 1950-тите започнало „лудилото за еспресо“ и во САД.rn

    „На почетокот на движењето на кафето, автентичноста значела италијанско. Во 1880-тите многу, ако не и сите кафетерии, имаа италијански имиња и ставаа што е можно повеќе италијански во нивните кафиња и менија“, изјавил Мајк Фергусон.

    rnПијалаците од кафе што се служеле биле направени со еспресо. Имињата ги добивале според она што му се додава на еспресото. На пример, зборот макијато значи валкано, па името потекнува од дамките млеко кои го „валкаат“ еспресото.rnrnЕспресото е директно поврзано со Италија како пијалак и на некој начин е дел од нивната култура. Денес се транспортира ширум целиот свет и се прават многу разни верзии.rn

    Сè е во името

    rnПијалаците со италијански имиња имаат основа од еспресо и обично се додава некој вид млеко. На пример, латето е направено од еспресо, млеко и пена.rnrnРазликата помеѓу еспресото и вареното кафе е важна. На пример, кафето американо е крстено по Американците во Италија кои барале пијалак сличен на вареното или филтрирано кафе што го пиеле дома. Бидејќи и ова кафе се прави со додавање вода на еспресо, си го задржало италијанското име.rnrnДоколку сте биле во Старбакс, можеби сте забележале дека големините на порциите се исто со италијански зборови, како на пример гранде или венти. Големините кратко, долго и гранде прв пат биле претставени во 1986-та година, a зборот венти се појавил во 1990-тите. Il Giornale било името на кафетеријата што ги прославила овие зборови и била отворена од страна на претседателот на Старбакс, Емериутс Хауард Шулц.rnrnШулц бил восхитен од италијанските кафетерии и сакал оваа традиција да ја однесе во Америка, па ја купил Старбакс во 1987-ма година. Користењето на „италијански“ имиња продолжило и кога компанијата го создала пијалакот фрапучино. Интересно е што ова име е заштитено и всушност не е италијански збор.rnrnПрочитајте ги и овие факти за кафето што секој љубител би требало да ги знае.

  • 6-те грешки со коишто го поништувате позитивното дејство на кафето

    6-те грешки со коишто го поништувате позитивното дејство на кафето

    На некој начин, кафето е навистина магичен пијалак. Многу истражувања ги покажале здравствените придобивки од него – од намалување на ризикот од деменција, па сè до забрзување на метаболизмот. Се разбира, на повеќето од нас најважна ни е енергијата што ја добиваме од него. Но несвесно правите неколку грешки со кои го намалувате позитивното дејство на кафето, а во продолжение погледнете кои.rnrn6-те грешки со коишто го поништувате позитивното дејство на кафетоrn

    1. Купувате мелено кафе

    rnМожеби е потребно малу повеќе труд за да го смелете вашето кафе, но едно истражување покажало дека купечкото мелено кафе содржи многу повеќе слободни радикали кои можат да предизвикаат оксидативен стрес и воспалителни процеси во вашето тело.rn

    2. Го чувате кафето во кесата во којашто сте го купиле

    rnНаместо во кеса, зрната кафе чувајте ги во херметички затворен сад. Друго истражување покажало дека нивото на слободни радикали во кафето се зголемува кога е изложено на воздух. Во овој случај корисните антиоксиданси од кафето се „трошат“ за да се неутрализираат слободните радикали. На тој начин остануваат помалку антиоксиданси за вас.rn

    3. Пиете кафе рано наутро

    rnПиењето кафе во 7 часот наутро нема да има големо влијание на вашето ниво на енергија. Причината е што нивото на хормони на стрес е највисоко откако ќе се разбудите и имате природна залиха на енергија. Експертите се согласуваат дека најдобриот период за пиење кафе е помеѓу 10 и 12 часот, односно кога нивото на хормонот кортизол почнува да се намалува. На овој начин ќе ја искористите природната енергија, а кофеинот ќе го зачувате за подоцна.rn

    4. Пиете премногу кафе

    rnПовеќе не е секогаш подобро. Здравствените придобивки од кафето исчезнуваат по 5-6 шолји од по 230 милилитри, што е отприлика 400 милиграма кофеин. Консумирањето премногу кафе нема да ви помогне, туку напротив, може да предизвика штета.rn

    5. Користите премногу додатоци за кафе

    rnЕден од најдобрите „несакани“ ефекти на кафето е намалување на шеќерот во крвта и намалување на ризикот од дијабетес. Но што кога во кафето ќе ставите шеќер? Истражувањата на оваа тема се поделени – некои се согласуваат дека со додавањето малку шеќер сепак можете да го намалите ризикот од дијабетес, додека други тврдат дека ова е невозможно. Па, обидете се да се држите до препорачаното дневно количество шеќер и во кафето ставајте многу малку.rn

    6. Предолго ја пиете шолјата кафе

    rnВеројатно ви е позната оваа ситуација – сте направиле шолја кафе, сте испиле неколку голтки, а потоа сте го заборавиле неколку часа. Доколку често ви ве случува ова, имајте на ум дека со текот на времето киселоста на кафето се зголемува. Ова не преставува голем ризик, но вишокот киселина може да предизвика проблеми со варењето. Исто така кафето кое стоело долго има помалку антиоксиданси, па немојте да го пиете подолго од 20 минути.rnrnДознајте и кои се предностите од секојдневното пиење кафе.

  • 4 ситуации во коишто никако не смеете да пиете кафе

    4 ситуации во коишто никако не смеете да пиете кафе

    Слободно можеме да кажеме дека кафето е единствениот порок што е добар за нашето здравје. Голем број истражувања го поврзуваат кафето со намалување на ризикот од деменција, забрзување на метаболизмот и намалување на ризикот од развивање рак. Имајќи го ова на ум, како и со сè друго во животот, така и со кафето треба да се има мера, доколку сакате да ги искусите само позитивните аспекти.rnrnrnrnПокрај здравствените придобивките, кафето ни дава и многу енергија, притоа помагајќи ни да го поминеме секој ден подобро. Но, ако не внимавате, тоа може да има и негативни ефекти на вашиот организам, па затоа во одредени ситуации подобро е да го избегнувате. На тој начин, ќе го намалите ризикот да ви биде лошо и да се чувствувате уште поуморно.rn

    1. Ако кафето е претопло

    rnПочекајте кафето барем малку да се олади пред да почнете да го пиете. Според новите истражувања, пиењето пијалак што е потопол од 65 степени го зголемува ризикот од рак на хранопроводот.rn

    2. Ако страдате од анксиозност

    rnАко се чувствувате како да сте „на работ“ по пиењето само една шолја кафе, тогаш кофеинот може негативно да влијае на вашата анксиозност. Кофеинот има стимулативно влијание на нервниот систем бидејќи поттикнува лачење на кортизол (хормон на стрес) што може да ви го зголеми чувството на тегобите и проблемите со спиење што се најизразени кај личности што патат од напад на паники и имаат социјална фобија. За да го намалите влијанието на кофеинот, обидете се да го намалите количеството на кафе што го пиете, и последната шолја кафе испијте ја најмалку 6 часа пред спиење.rn

    3. Ако не сте спиеле цела ноќ

    rnКафето може да ви изгледа како идеално решение доколку сте се разбудиле ненаспани, но тоа може да ви помогне само до одредена граница. Кофеинот престанува да биде ефективен ако три дена по ред сте спиеле помалку од пет часа. Причината е тоа што недостатокот на сон влијае на пад на вашите ментални способности што ниту една количина кофеин не може да ја поправи. Ако не успеете да отспиете барем 7 часа во текот на ноќта, подобро целосно прескокнете го кафето и ако навистина ви треба енергија, пробајте да дремнете 20-тина минути.rn

    4. Ако сè уште не сте расонети

    rnПиењето кафе во 7 часот наутро нема многу да влијае на нивото на вашата енергија. Причината е во тоа што вашите хормони на стрес се на највисоко ниво веднаш по будењето поради што и природно добивате наплив на енергија. Експертите се согласуваат дека најдоброто време за консумирање кафе е некаде помеѓу 10 и 12 часот, кога нивото на кортизол почнува да опаѓа.rnrnПогледнете ги и овие 8 неочекувани придобивки од секојдневното пиење кафе.

  • Зошто луѓето пијат кафе кога тоа има горчлив вкус?

    Зошто луѓето пијат кафе кога тоа има горчлив вкус?

    Можеби звучи чудно, но луѓето кои се почувствителни на горчливиот вкус на кафето, всушност пијат повеќе од него. Барем така покажале резултатите од едно ново истражување.rnrnЗошто луѓето пијат кафе кога тоа има горчлив вкус?rnrnОваа чувствителност не е поврзана само со вкусот, туку има влијание и од генетиката на личноста.rn

    „Би очекувале луѓето кои се почувствителни на горчливоста на кофеинот поретко да пијат кафе. Спротивните резултати од нашето истражување покажаа дека корисниците го бараат горчливиот вкус поради наученото позитивно влијание на кофеинот“, изјавил Мерлин Корнелис, еден од истражувачите.

    rnСо други зборови, луѓето кои имаат поголема способност да ја вкусат горчливоста на кафето, особено вкусот на кофеинот, учат да го поврзуваат со добри работи. Ова откритие е изненадувачко бидејќи горчливоста често е како механизам за предупредување што ги тера луѓето да ги плукнат штетните супстанци.rnrnИстражувачите го спровеле истражувањето со цел да разберат како генетиката влијае на консумирањето чај, кафе и алкохол, кои често имаат горчлив вкус.rn

    „Додека сите горчливи вкусови можеби делуваат исто, различно ја доживуваме горчливоста на кељот, чајот и кафето. Степенот до кој ви горчат овие вкусови зависи од вашите гени“, изјавил главниот истражувач, Џуе Шенг Онг.

    rnЗа истражувањето, научниците ги следеле гените и дневното консумирање на горчливи продукти на над 400.000 луѓе од Велика Британија. Со помош на гените поврзани со способноста да се вкуси горчливоста, научниците можеле да откријат и дали оние кои повеќе ја чувствуваат горчливоста повеќе сакаат чај или кафе.rnrnРезултатите покажале дека луѓето со гени за вкусување на горчливост од зеленчук почесто сакале чај отколку кафе. Луѓето кои биле почувствителни на горчливоста од зелениот зеленчук настојувале да го избегнуваат кафето.rnrnИстовремено, луѓето кои биле чувствителни на горчливоста кај кељот поретко пиеле алкохол, особено црвено вино, за разлика од другите. Научниците се надеваат дека со ова може дополнително да се истражува и зависноста.rnrnВо кафето не било додавано ништо, ниту млеко ниту шеќер. Постојат многу фактори што влијаат на вкусот на кафето и многу луѓе пијат различни видови кафе. Истражувачите само сакале да откријат како гените имаат влијание на консумирањето горчливи нешта. Резултатите покажале дека можеби сите видови кафе имаат слична горчливост.rnrnДознајте и кои се предностите од секојдневното консумирање кафе.

  • Kако изгледаат утринските кафиња во различни држави?

    Kако изгледаат утринските кафиња во различни држави?

    Секое утро, милиони луѓе ширум светот го започнуваат својот ден со шолја кафе. Но, скоро секоја држава и култура има свој уникатен начин на подготовка. Направивме мало истражување и одбравме дел од најинтересните кафиња ширум светот. Уживајте!rn

    Кафе со јајце (Виетнам)

    rnrnrnОсновните состојки се жолчка од јајце, кондензирано млеко, шеќер и топло кафе.rn

    Кафе лапланд (Финска)

    rnrnrnЛокално сирење се става во шолја пред да се прекрие со кафе.rn

    Еспресо (Италија)

    rnrnrnСтанува збор за класичен рецепт за еспресо, но со додадено парче лимон.rn

    Млеко со кафе (Аргентина)

    rnrnrnАргентинците уживаат во млеко со пена, со само неколку капки силно кафе.rn

    Кафе бонбон (Шпанија)

    rnrnrnОвој рецепт содржи само две состојки – еспресо и кондензирано млеко.rn

    Зачинето кафе (Мароко)

    rnrnrnМароканците мешаат сосема обични зрна кафе со сусам, бибер и морско оревче и добиваат необичен, но силен пијалак.rn

    Кафе со чај (Хонг Конг)

    rnrnrnЗа овој рецепт ќе ви бидат потребни црн чај, кондензирано млеко и кафе.rn

    Фрапе (Грција)

    rnrnrnКафе, сладолед, кондензирано млеко и малку ледена вода – највкусното фрапе што сте го пробале.rn

    Фаризиер (Германија)

    rnrnrnОвој пијалак бил измислен во Германија со цел да се скрие присуството на алкохол на семејните собири. Тие додаваат рум во кафе со шлаг пена.rn

    Кафе туба (Сенегал)

    rnrnrnЗа време на процесот на печење на зрната кафе, се додава бибер гвинеја и потоа се подготвува како обично кафе.rn

    Кафе со лук и мед (Турција)

    rnrnrnОва е популарна комбинација во Турција, што некогаш се нарекува и Стариот рецепт на Мур.rn

    Кафе со портокал (Јамајка)

    rnrnrnПокрај парче портокал, кафето од Јамајка вклучува и доза рум.rnrnПогледнете го и нашиот водич низ светот за зависниците од кафе.

  • Истражување: Колку повеќе кафе пиете, толку подолго ќе живеете

    Истражување: Колку повеќе кафе пиете, толку подолго ќе живеете

    Дали се шегуваат на ваша сметка бидејќи пиете многу кафе? Дали не можете да останете будни без шолја кафе? Ако сте се соочиле со ова, немојте да се грижите. Многу луѓе навистина не можат да го започнат нивниот ден без шолја кафе, па дури им се намалува и продуктивноста ако не се напијат во текот на денот.rnrnИстражување: Колку повеќе кафе пиете, толку подолго ќе живеетеrnrnКофеинот е состојката што го прави кафето еден вид енергетски пијалак. Интересно е што кафето е пијалак што се консумира низ целиот свет. Бидејќи се консумира премногу, постојат навистина големи плантажи за одгледување кафе од кои зависат некои од најголемите корпорации во светот.rnrnДобрите вести за љубителите на кафето се тоа што едно истражување покажало дека кафето всушност може да ви го продолжи животот. Во овој случај, колку повеќе кафе пиете, толку подобро за вас.rnrnНационалниот институт за рак, Националниот институт за здравје и медицинското училиште Феинберг неодамна анализирале податоци за консумирање кафе од долготрајно истражување во кое учествувале половина милион луѓе од Велика Британија на возраст од 38 до 74 години.rnrnУмереното пиење кафе е добро за здравјето, но пиењето повеќе кафе од вообичаено всушност може да ве направи уште поздрави. Истражувањето не му го припишува доброто здравје само на почестото пиење кафе, туку земени се предвид и други фактори. На пример, богатите луѓе можат да си овозможат поквалитетно кафе. Покрај тоа, можат да си дозволат подобра медицинска нега, што можеби има влијание на тоа што живеат подолго.rnrnИстражувањето открило поврзаност помеѓу пиењето кафе и намалување на ризикот од одредени болести, како на пример ракот. Научниците дошле до следниве заклучоци:rn

      rn 011

    • 20% намален ризик од рак

      • rn 011

    • 20% намален ризик од дијабетес тип 2

      • rn 011

    • 30% намален ризик од Паркинсонова болест

      • rn 011

    • 5% намален ризик од срцеви заболувања

      • rn

    rnПа, останува прашањето: За колку кафе станува збор? Истражувањето покажало дека лимитот би бил околу 8 шолји кафе дневно, што е навистина многу.rnrnСепак, важно е да внимавате. Кафето не е препорачливо за бремените жени бидејќи адитивите во преработеното кафе можат да предизвикаат одредени проблеми. Покрај тоа без разлика на придобивките, многу кафе сепак има и лоши последици. Очигледно е дека кафето ја намалува потребата за спиење, па ако консумирате многу на подолг период, можно е да си предизвикате несоница. Обидете се да набавите свежо и природно кафе и немојте да пиете повеќе од 4 шолји дневно.rnrnДознајте и нешто повеќе за предностите и недостатоците од пиењето кафе.

  • 27 неверојатни факти за кафето што секој љубител би требало да ги знае

    27 неверојатни факти за кафето што секој љубител би требало да ги знае

    Кафето прв пат било претставено во 15-тиот век и до ден денес го задржува својот статус како еден од најпознатите пијалаци ширум светот. Кафето се прави од зрна кои се берат, преработуваат и сушат. Штом ќе се исушат, зрната кафе се печат и мелат и го добиваме добро познатиот пијалак. Низ вековите кафето се претворило во мулти-милијардерска индустрија и е важен дел од нашиот животен стил. Но колку факти всушност знаете за вашиот омилен пијалак? Можеби во продолжение ќе откриете некој нов.rnrn30 неверојатни факти за кафето што секој љубител би требало да ги знаеrnrn1. Мачорот што го држи рекордот за најстар мачор на светот, 38-годишниот Крем Паф, секое утро пиел кафе во текот на целиот негов живот.rnrn2. Луѓето што работат на Универзитетот Кембриџ толку добро биле запознаени со наоѓањето празен бокал за кафе, што ја измислиле првата Интернет камера само за да проверуваат дали бокалот е полн.rnrn3. И покрај тоа што кафето е благ диуретик, кога го пиете не губите повеќе течност од она што го внесувате со него, па не може да ве дехидрира.rnrn4. Финска е држава во којашто се консумира најмногу кафе во светот.rnrn5. Зрната кафе всушност ѝ припаѓаат на фамилијата бобинки.rnrn30 неверојатни факти за кафето што секој љубител би требало да ги знаеrnrn6. Се верува дека кафето е откриено од козар кој забележал дека неговите кози станувале особено енергични откако јаделе одредени бобинки.rnrn7. Пред кафето да стане достапно за речиси секого, популарен пијалак за појадок било пивото.rnrn8. Капучиното било именувано по калуѓерите Капучин бидејќи бојата на кафето посетувала на бојата на нивните наметки.rnrn9. Најголемиот дел од кафето се произведува во Бразил, односно 40% од целокупното производство во светот.rnrn10. Научниците успешно го претвориле кафето во биогориво, па еден ден можно е да возиме автомобили напојувани на кафе. Секако, ова се прави од остатокот од кафето, па вие би продолжиле и да уживате во неговиот вкус.rnrn30 неверојатни факти за кафето што секој љубител би требало да ги знаеrnrn11. Од редовното пиење кафе има здравствени придобивки како намалени ризици од рак, некои видови срцеви заболувања и Алцхајмерова болест.rnrn12. Во 1932-ра година Бразил немал доволно пари да испрати натпреварувачи на Олимписките игри, па тие самите ги заработувале парите продавајќи кафе.rnrn13. Пред луѓето да научат да прават кафе, племињата од источна Африка ги мешале зрната кафе со животинско сало и ги консумирале како храна.rnrn14. Постојат два главни вида кафе – робуста и арабика. Кафето робуста има покисел и посилен вкус, како и повисоко ниво кофеин. Арабика е познато по деликатниот вкус и пониската киселост.rnrn15. Секојдневно, низ целиот свет се консумираат околу 2,25 милијарди шолји кафе.rnrn30 неверојатни факти за кафето што секој љубител би требало да ги знаеrnrn16. Кафето останува потопло уште 20% подолго ако му додадете млеко.rnrn17. Кафето е најефективно ако го пиете помеѓу 9:30 и 11:30 часот.rnrn18. Истражувањата покажале дека кафето може да го намали ризикот од депресија.rnrn19. Спротивно на популарното верување, темното и светлото кафе имаат речиси исто количество кофеин.rnrn20. Просечната возраст на шанкер во Италија е 48 години.rnrn30 неверојатни факти за кафето што секој љубител би требало да ги знаеrnrn21. Најскапото кафе во светот е кафето познато како „Црна слонова коска“. Може да чини и до 1.000 евра од килограм. Кафето е направено од делумно дигестирани зрна кафе изедени и исфрлени од таи слонови.rnrn22. Во една шолја филтер кафе има повеќе кофеин отколку во една шолја еспресо.rnrn23. Пресметано е дека приближно 80-100 шолји кафе се смртоносната доза за возрасна личност.rnrn24. Безкофеинското кафе не е целосно без кофеин. Процесот на отстранување на кофеинот обично отстранува од 94% до 98%.rnrn25. Самиот мирис на кафе може да ве разбуди наутро.rnrn30 неверојатни факти за кафето што секој љубител би требало да ги знаеrnrn26. Северна Кореја го држи рекордот за најголемото ладно кафе. Во шолјата имало 14.228 литри ладно кафе американо.rnrn27. Зборот „кафе“ потекнува од арапскиот збор „qahwah“ кој се однесува на вид вино.rnrnПрочитајте нешто повеќе за предностите и недостатоците од пиењето кафе.

  • 8 знаци дека полека, но сигурно станувате зависни од кафе

    8 знаци дека полека, но сигурно станувате зависни од кафе

    Голем дел од човештвото не може ни да си го замисли денот без омилената шолја кафе. Но, понекогаш, поради брзиот начин на живот, може да паднеме во искушение да ја зголемуваме дневната доза со цел да го „преживееме“ денот побудно и пофокусирано. Ова може да доведе до појава на зависност, што потоа може да има негативно влијание на вашето здравје. Па, ако сте големи љубители на кафето и се сомневате дека можеби вашата љубов преминува во зависност, тогаш погледнете ги следниве знаци коишто откриваат дека е време да ја намалите вашата дневна доза кофеин.rnrnrn

    1. Главоболка

    rnИстражувањата покажале дека над 50% од луѓето што редовно пијат кафе имаат умерена до силна главоболка ако пропуштат да се напијат кафе само еден ден.rn

    2. Срцебиење

    rnАко срцето брзо ви чука и почнува да ви „прескокнува“ ритам откако ќе се напиете кафе, голема е шансата дека веќе сте ја надминале безбедната граница кофеин за вашето тело.rn

    3. Немир

    rnАко чувствувате необјасниви немир, нервоза и анксиозност во текот на денот, особено по пиењето кафе, тогаш можеби сте се „предозирале“ до тој степен што вашето тело веќе почнува да го отфрла кофеинот.rn

    4. Лошо расположение

    rnСте забележале ли дека сте многу избувливи доколку не се напиете кафе наутро? Кофеинот е стимуланс што дава енергија и позитивни чувства, па ако сте „заборавиле“ како да бидете среќни без него, тогаш без сомнение сте развиле зависност.rn

    5. Несоница

    rnКофеинот го поттикнува адреналинот, па затоа и се чувствувате енергично и будно. Ако го пиете рано наутро, тоа нема да ви го наруши сонот. Но, ако пиете претерано и во текот на целиот ден, вашето спиење ќе страда.rn

    6. Имунитет

    rnАко пиете едно кафе на ден, особено наутро, вие постојано ќе ги чувствувате неговите придобивки. Но, ако претерувате, ќе станете имуни на ефектите, а можеби дури и негативно ќе ви влијаат така што ќе ве успива наместо да ве расонува.rn

    7. Глад

    rnПретераното консумирање кафе може да доведе до зголемен апетит, бидејќи кофеинот го поттикнува хормонот што се лачи при појава на чувството за глад.rn

    8. Не можете без кафе

    rnАко и самото размислување да се откажете од кафе ви предизвикува нервоза и благ напад на паника, тоа е знак дека веќе сте развиле зависност.rnrnЗнаете дека сте зависници од кафе и кога…