Претходно
Дали сексуалниот живот влијае врз успешноста на вашата кариера?
Активниот сексуален живот ги прави луѓето поздрави, посреќни, но и побогати, тврдат научниците од Универзитетот Кембриџ.
Тие, работејќи на едно истражување за германскиот институт за проучување на трудот во Бон, утврдиле дека оние луѓе кои имаат сексуални односи четири пати неделно, заработуваат повеќе пари од колегите кои го немаат тоа задоволство.
По една стара психолошка теорија, луѓето мораат да си ги исполнуваат своите основни потреби како оние за храна, вода и секс пред да се обидат да станат успешни во животот.
Луѓето имаат потреба да бидат сакани, сексуално и несексуално. Доколку чувствуваат недостаток на љубов, можат да станат склони на депресија, социјална напнатост и изолираност, а тоа може да влијае на нивното работење, велат истражувачите.
Тие велат дека истражувањето го започнале бидејќи голем број претходни истражувања покажале дека сексот го подобрува здравјето, а доброто здравје е поврзано и со поголема заработувачка. Затоа тие проучувале податоци собрани од 7.500 луѓе од Грција на возраст од 26 до 50 години.
Испитаниците одговарале на прашања поврзани со нивното здравје, сексуалниот живот и заработувачката. Се покажало дека оние луѓе кои имаат сексуални односи барем четири пати неделно, имаат за 5% поголема плата од останатите. Овој процент не се променил, дури ни кога од анализите биле исклучени фактори како образование и работна позиција.
Во истражувањето, научниците напоменуваат дека активниот сексуален живот го смалува ризикот од диајбетис, заболувања на срцето и артритис.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
