Category: Љубов и секс

Секој од нас посакува вистинска љубов во животот, но дали знаеме што претставува љубовта? Безусловната љубов е многу поразлична од љубовта што сме навикнати да ја примаме, па така повеќето од нас не знаат што таа навистина претставува.rnrnrnrnВсушност, концептот на љубовта во денешно време повеќе се сведува на различни форми на занес, страст, наклонетост или егоистичка потреба. Реалноста е дека вистинската љубов е толку ретка и скапоцена. Моментот кога ќе искусите вистинска, безусловна љубов е моментот кога ќе почувствувате дека другата личност ве разбира, ве прифаќа и што е најважно од сè, ве сака онакви какви што сте.rnrnЕве на кои начини можете да покажете безусловна љубов кон себе, но и кон другите:rn

1. Не отфрлајте ги емоциите кои не ви се допаѓаат туку научете да ги прифаќате

rnУште од детството сте научени да ги избегнувате и потиснувате „негативните“ емоции по секоја цена. Сепак, ова е знак дека не сте во состојба да се прифатите себеси и она што сте. Затоа, прифатете ги вашите чувства, наместо да се борите да ги запрете емоциите или да се преправате дека сè е во ред. Почитувајте ги вашите чувства такви какви што се, заедно со нивните пораки.rn

2. Воспоставете врска со вашето тело

rnКако се чувствува вашето тело додека ги искусувате негативните емоции? Дали сте болни, уморни, нервозни или напнати? Внимателно набљудувајте го телото без да носите заклучок однапред. Дишете длабоко и обидете се да се опуштите. Тоа ќе ви помогне и да дојдете до подлабоките нивоа на внатрешниот мир.rn

3. Прифатете ги вашите негативни мисли и навики

rnЗапомнете дека овие мисли и навики не ве дефинираат и затоа не мора да се идентификувате со нив. Прифатете ги негативните мисли, па дури и тенденцијата да се мразите себеси или другите. Дури и чувството на одвратност кон себе е начин на практикување безусловна љубов.rn

4. Запрашајте се дали го условувате на некој начин односот кон другите

rnБидете искрени. Дали нечие однесување или верување е главната причина поради која не можете да ја изразите љубовта? Во ред е во одреден момент да почувствувате лутина и тага кон друга личност, но искажувањето љубов е сосема друга приказна. Што можете да направите за да го отворите своето срце пред друга личност или група луѓе во вашиот живот?rn

5. Простете им на другите, но и себеси

rnПростувањето е вистински чин на самоослободување. Преку простувањето, вие се ослободувате од товарот на огорченоста од вашето срце. Размислете за сите незадоволства кои ги доживувате во моментот.rn

6. Сакајте се себеси, но сакајте ги и другите

rnБезусловната љубов значи прифаќање на своите, но и туѓите убави и грди карактеристики. Запомнете дека никој не е совршен, ниту пак некој ја има таа способност да постане совршен, затоа што животот е постојан процес на растење и учење.rnrnОткако прочитавте што претставува безусловната љубов, можеби ќе сакате да прочитате и 6 цитати за безусловната љубов кои целосно ќе ви го променат животот.rnrnИзвор: themindsjournal.com

Ако никогаш досега не сте биле во здрава врска, можно е да не знаете како функционира. Без разлика на причината зошто е тоа така, морате да ги препознаете разликите меѓу токсичните или нездрави врски и здравата функционална врска со позитивен романтичен партнер. Во продолжение прочитајте кои карактеристики ги имаат здравите, функционалните и просперитетните врски.rnrnrn

1. Доверба и искреност

rnДовербата е најважниот елемент во секоја врска. Треба да се осигурите дека партнерот ви мисли најдобро и дека нема да направи ништо за да ви наштети. Начинот на кој се однесуваат со вас треба да ви влее чувство на доверливост и искреност. Не треба да се грижите ако вие сте искрени и останете доследни на своите принципи бидејќи доколку се работи за здрава врска, нема да има никакви негативни последици.rn

2. Комуникација и волја за решавање на конфликтот

rnКомуникацијата треба да биде отворена, продуктивна и полна со почит, дури и за време на конфликт. Не треба да има никакви навреди, заплашувања или злоупотреба од ничија страна. Секогаш треба да се чувствувате безбедно за да ги споделите вашите грижи и сомнежи со партнерот.rn

3. Исти или слични вредности

rnВредностите се поважни од истите интереси. И двајцата треба да ги споделувате истите вредности и размислувања во поглед на меѓусебните односи, кариерата, семејството, стилот на живеење итн. Треба да уживате во времето кое го поминувате заедно, но секој од вас треба да се чувствува истовремено и слободен и да има и свој простор надвор од врската. Нема да бидете целосно среќни и опуштени доколку правите нешто што е спротивно на вашите основни вредности.rn

4. Заемно споделување на животните приказни

rnИ двајцата треба да ги споделите своите животни приказни – и добрите и лошите искуства. Споделете ги искуствата и работите што ви се случиле во минатото, но и она што ви се случува во моментот. Не кријте ги вашите стравови, проблеми, желби и вашата семејна историја. Споделувањето треба да се одвива постепено и одмерено. Не занемарувајте ја реакцијата од страна на партнерот. Дали секогаш наидува на емпатија и сочувство тоа што сте го споделиле? Ако одговорот е позитивен, тогаш ќе знаете дека покрај вас се наоѓа вистинската личност.rn

5. Емпатија

rnДвајцата треба да бидете грижливи и љубезни еден кон друг. Бидете си поддршка и потпора еден на друг. Еден од најважните елементи во здравата врска е меѓусебната почит, особено во поглед на поединечните мислења и верувања. Тоа значи дека и двајцата се чувствувате еднакви во врската. Можете да ги разберете размислувањата на партнерот за одредена ситуација дури и ако се спротивставуваат со вашите.rn

6. Физичка интимност

rnВо романтичната врска, покрај емоционалната подеднакво важно е да биде развиена и физичката интимност и наклонетост. Секако, најважно е врската да се одвива со удобно темпо така што ниту еден од вас нема да врши притисок врз другиот во поглед на прерана физичка интимност и посветеност.rnrnОткако прочитавте кои се карактеристиките на здравата романтична врска, можеби ќе сакате да прочитате и како да му покажете на партнерот дека сте заинтересирани за сериозна врска.rnrnИзвор: themindsjournal.com

Дали некогаш сте размислувале колку пати досега сте се заљубиле? Кога сте вљубени во некого мислата дека тоа нема да трае вечно, станува неподнослива. Но, сигурно досега сте почувствувале љубовно разочарување, или пак, вие сте биле причината за нечие скршено срце. Сепак, колку и да се чини бесмислен нашиот живот по раскинувањето, ние продолжуваме понатаму и одново се заљубуваме. Некои порано ја наоѓаат својата сродна душа, некои подоцна, но пред да се сретнеме со вистинската личност најверојатно ќе треба да поминеме низ неколку разочарувања. На крајот на краиштата, колку пати можеме да се заљубиме во текот на животот? Иако сечиј живот е приказна за себе, сепак, ако погледнеме внимателно ќе сфатиме дека сите се заљубуваме во 3 луѓе во текот на нашиот живот.rnrnrn

Првиот пат кога се заљубуваме: Љубовта која се чини правилна

rnПрвиот пат кога се заљубуваме е кога сме средношколци, а понекогаш дури и помали. Станува збор за идеалистичка љубов која се сведува на она што сме го прочитале за љубовта воопшто како деца. Кога за прв пат ќе нè погоди стрелата на Купидон, сметаме дека не може да постои друга ваква љубов како нашата, дека таа е единствена. Имаме тенденција да веруваме дека тоа е најправилното нешто што сме го направиле и дека ќе трае вечно, а истовремено се обидуваме да се избориме со притисокот од нашите врсници и семејството. Во оваа фаза од животот, подготвени сме сè да жртвуваме за нашата љубов да функционира бидејќи веруваме во нејзиниот кредибилитет. Не сфаќаме дека нашата прва љубов нè прави наивни и безнадежно оптимисти.rn

Вториот пат кога се заљубуваме: Љубовта која нè учи за животот

rnОвој тип на љубов, најчесто преку болка ни помага да сфатиме кои сме и што сакаме од животот. Токму оваа љубов ги руши претходно создадените илузии. Сепак, иако сметаме дека сме веќе сме научиле многу за животот, ние одново се навраќаме на истиот тип на врска и го правиме истиот погрешен избор. Погрешниот избор пак, нè води до погрешните луѓе и така се вртиме во круг. Свесни сме за менталната, физичката и емоционалната злоупотреба, но не сакаме да ставиме крај на нездравата врска. Со сите сили се обидуваме да направиме да трае колку што е можно подолго и посакуваме оваа љубов да беше вистинската, иако сме свесни дека не е.rn

Третиот пат кога се заљубуваме: Љубовта која трае

rnОвој тип на љубов ги руши сите наши замисли за љубовта. Во овој тип на љубов, ние само ја запознаваме личноста и ни се чини дека сè си доаѓа на свое место, дури и не можеме да си ја објасниме врската што нè поврзува со другата личност. Тоа е така бидејќи во овој вид на врска, ние сме прифатени онакви какви што сме и нема потреба да се преправаме. Тука не важи ниту едно од правилата за кои сметавме порано дека ќе ни бидат од помош. Нема потреба да правиме компромиси во поглед на нас самите, бидејќи партнерот го прифаќа нашето автентично „јас“. На крајот ни се чини дека оваа љубов е најдобриот избор што сме го направиле досега.rnrnОткако прочитавте за трите видови љубов во поглед на романтичните врски, можеби ќе сакате да прочитате и кои се 5-те причини зошто се заљубуваме во луѓе кои не ни ја возвраќаат љубовта.rnrnИзвор: themindsjournal.com