Патниците на booking.com го изгласале градот Кирквол во Шкотска за најгостопримлив град во Велика Британија во 2023 година. Кирквол ја добил оваа престижна титула благодарение на извонредното гостопримство на неговите жители.rnrn
rnrnСтанува збор за најголемиот град на архипелагот Оркнеј во Шкотска, кој има околу 70 острови, а во градот живеат околу 9.000 жители.rnrnЖителите на Кирквол се навикнати на туристи. Во летните месеци овде застануваат многубројни крстосувачи за да можат патниците да ја истражуваат неговата богата историја. Кирквол, имено, бил дел од норвешкото кралство и бил основан од Викинзите пред илјада години. Во 15 век се нашол под шкотска власт, така што градот денес е спој од скандинавската и шкотската култура.rnrnПреку истражување на локалните археолошки локалитети ќе научите многу интересни факти за Викинзите, но и ќе уживате во природните убавини и прекрасните плажи. Иако некогаш тука имало зандани во кои се чувале жени за кои се сомневале дека се вештерки, денес градот е безбедно место за живеење и има многу ниска стапка на криминал.rnrnВо едно интервју за DailyMail, локален таксист изјавил дека ги оставил паричникот, телефонот и клучевите од автомобилот на совозачкото седиште во неговото незаклучено возило дури четири дена – и никој не го ограбил.rnrnЛуѓето од Кирквол не размислуваат како да повредат некого, туку како да му помогнат. Истиот човек го изгубил паричникот во кој имало 850 фунти во готовина на аеродром на островот. Кога сфатил дека го нема паричникот, се помирил со фактот дека парите се изгубени.rnrnНо, сепак се вратил на аеродромот, надевајќи се дека некој му го нашол паричникот и му ги оставил личните документи. На шалтерот го чекало изненадување – не само што бил пронајден паричникот туку и сите пари биле во него.rnrnОткако прочитавте за овој шкотски град, можеби ќе сакате да прочитате и за најопасните градови во светот.rnrnИзвор: punkufer.dnevnik.hr
Category: Патувања
-
Ова е еден од градовите во Европа со најниска стапка на криминал!
-
Есауира: Град кој треба да го посетите барем еднаш во животот!
Ако некогаш сте биле во Мароко, сигурно сте слушнале за Есауира, прекрасен град кој секој треба да го посети барем еднаш. Есауира нуди автентични марокански искуства со извонредна гастрономија која главно се состои од специјалитети од риба – сепак, се наоѓа веднаш до Атлантскиот Океан, на помалку од четири часа возење од Маракеш.rnrn
rnrnЗа разлика од Маракеш, Есаира им овозможува на туристите малку „поинтимно“ искуство, но сепак различните места, звуци и мириси веднаш ќе ве одведат во светот што никогаш не сте го доживеале. Мора да признаеме, Мароко веројатно не е за секого. Понекогаш се чини дека сè е премногу овде, од широк спектар на мириси, локални жители кои сакаат да ви продадат сè и сешто, горештина од која не знаете каде да се скриете, овци и други животни кои можат да ве прегазат… Се чини премногу. Но, од друга страна – токму тоа е шармот на Мароко.rnrnЕсауира се наоѓа на атлантскиот брег на Мароко, во регионот Маракеш-Асфи. Градот е оддалечен околу четири часа возење од Маракеш, а за да го доживеете шармот на овој уникатен крајбрежен град можете да отпатувате со авион од Будимпешта или Милано кон Агадир или Маракеш.rnrnДали вреди да поминувате време во Есауира? Апсолутно! Есауира е прекрасен жив град, каде што можете да најдете раздвижени рибарски пристаништа и ветровити плажи. Овде не недостасуваат активности – може да се запишете во училиште за сурфање, и ако сте повеќе по гастрономијата, тогаш мароканското училиште за готвење ќе биде одличен избор. Можете и да јавате камили или да уживате во долги прошетките на зајдисонце по плажите.rnrnЕсауира е навистина едно од оние места каде што патниците застануваат една или две ноќи, а потоа остануваат еден месец или подолго. Овде ќе најдете многу странци кои работат онлајн и кои токму тука го пронашле својот рај на земјата. Градот е дефинитивно најдобрата дестинација во Мароко за дигитални номади. Поевтин е од другите попопуларни дестинации во светот како Шпанија, Мексико или Тајланд и овозможува незаборавно искуство.rnrnОткако прочитавте за овој прекрасен град во Мароко, можеби ќе сакате да прочитате и за 6 фантастични дестинации за кои не ви е потребен голем буџет.rnrnИзвор: punkufer.dnevnik.hr -
Црно езеро кое се наоѓа на „покривот на светот“ и кое ја менува бојата во текот на денот
Езерото Каракул се наоѓа на надморска височина од четири илјади метри; лоцирано е на висок планински масив – Памир, кој се нарекува и покрив на светот. Старо е околу милиони години, а настанало откако на ова место удрил метеор.rnrn
rnrnПовисоко е од езерото Титикака, кое се издига на 3810 метри надморска височина на границата помеѓу Перу и Боливија.rnrnТаџикистан е рај за љубителите на планинарите; тука планините зафаќаат дури 93% од површината. Британските картографи го именувале како „Езерото Викторија“, додека Советите подоцна го прекрстиле во Каракул односно Црно езеро во чија близина се наоѓа истоименото село.rnrnСе протега на 33 километри од север кон југ и 24 километри од исток кон запад. Во текот на денот Црното езеро менува неколку нијанси, од тиркизно до кобалтно сино.rnrnНаслагите на сол што го опкружуваат сугерираат дека станува збор за еден од најсолените езера во Азија. Поради голема количина на сол во водата, овде преживуваат само одреден вид риби кои живеат на песочното дно на езерото. Но, мочуриштата и островите на езерото привлекуваат многу птици преселници како што се хималајските мршојадци.rnrnЗа време на Втората светска војна областа околу езерото служела како затворски логор за германските воени затвореници. Се верува дека поради тоа голем број од жителите се со посветла коса. Подоцна таму паселе овци и кози киргистанските номади кои во текот на летото се искачувале до езерото.rnrnЕдинствените преостанати локални жители се мал број Киргистанци. Тие организираат сместување за смелите посетители кои не се плашат од немилосрдните автопатишта на Памир ниту од роевите комарци кои се појавуваат во летото. Некогаш раскрсница на Централна Азија и станица на Патот на свилата, денес ова место е морничаво и празно.rnrnОткако прочитавте за карактеристиките на ова езеро, можеби ќе сакате да прочитате и каде се наоѓа најсмртоносното езеро во светот.rnrnИзвор: punkufer.dnevnik.hr -
Зошто барем еднаш во животот треба да го посетите градот Агра?
Иако градот Агра е најпознат по преубавиот мавзолеј Таџ Махал, овде се наоѓаат и други атракции кои вредат да бидат посетени. Од гробницата на на Акбар до тврдината Агра, ова место е дом на некои од најважните споменици во Индија кои ја раскажуваат приказната за неверојатната историја на земјата.rnrn
rnrnДом на една од најстарите цивилизации во светот, Индија е мозаик од мултикултурни искуства. Со богато наследство и безброј атракции, земјата е меѓу најпопуларните туристички дестинации во светот. Зафаќа површина од повеќе од милион квадратни километри и се протега од хималајските височини покриени со снег до тропските дождовни шуми на југ.rnrnКако седма по големина земја во светот, Индија се издвојува од остатокот на Азија, обележана со планини и мориња, кои ѝ даваат на земјата посебен географски ентитет. Додека патувате низ земјата, ве очекува еден голем шаренолик мозаик од гастрономија, религија, уметност, занаети, музика, природа, историја и авантуристички спортови. Индија е волшебен спој од старото и новото.rnrnТаџ Махал е икона на Индија и една од најголемите туристички атракции во светот која секоја година привлекува милиони посетители во градот Агра. Прекрасната градба датира од 17 век. Царот Шах Џахан го изградил мавзолејот во чест на неговата сакана сопруга Мумтаз Махал која починала при пораѓање. Изградбата траела повеќе од 20 години, а биле ангажирани околу 20 илјади работници.rnrnТаџ Махал не е единственото место заштитено од УНЕСКО во овој град бидејќи овде се наоѓа и тврдината Агра, тврдина од црвен песочник која некогаш била престолнина на Могулското Царство.rnrn
rnrnТврдината Агра е изградена од страна на могулскиот император Акбар во 1565 година. Опкружена со бедеми долги 2,5 километри, тврдината има облик на полумесечина, а нејзиниот источен ѕид се наоѓа на брегот на реката Јамуна.rnrnСе вели дека изградбата на тврдината првично ја започнал императорот Акбар, но ја завршил неговиот внук Шах Јахан, кој тука ги додал повеќето мермерни споменици. Тврдината Агра се смета за вистинско ремек-дело, а на секој турист што доаѓа во Агра му се советува да одвои барем еден ден за да ја истражи оваа импозантна тврдина.rnrnИако можеби ќе сакате да си отидете од градот веднаш штом ќе го посетите Таџ Махал, сепак добро би било да останете овде уште малку со оглед на тоа дека можете да најдете сместување за сечиј џеб. Покрај тоа, најлесен начин да стигнете до Агра е со воз или такси од Делхи, а возењето трае помалку од два часа.rnrnОткако прочитавте за градот Агра, можеби ќе сакате да прочитате и за 5-те волшебни дестинации во Индија привлекуваат најмногу туристи.rnrnИзвор: punkufer.dnevnik.hr -
Патување со трамвај до плажа: Доколку патот ве однесе накај овој остров
Жителите на Лисабон, Сан Франциско или Мелбурн знаат колкав шарм можат да му дадат на градот старите трамваи.rnrn
rnrnИако секој трамвај е посебен на свој начин, многумина ќе се согласат со тоа дека најневообичаениот се наоѓа во Маљорка, најголемиот остров во Шпанија и дел од архипелагот Балеарски Острови. Во градот Солер може да се прошетате со трамвај од морето до планината за половина час. Пуштен во употреба во 1913 година, трамвајот во Солер е повеќе од само атракција. Во минатото, жителите на гратчето патувале со трамвај до пристаништето и до плажите.rnrnМожете да го започнете патувањето со трамвај од станицата која го поврзува главниот плоштад со градскиот пазар или пак да го почекате трамвајот во сенката на чинарот, пред влезот во историската зграда на железничката станица. Возејќи низ градот, ќе поминете покрај многубројните плоштади, а ќе можете и да ги видите градското собрание и црквата посветена на Свети Вартоломеј.rnrnОткако прочитавте за трамвајот во ова мало гратче, можеби ќе сакате да прочитате и кои 6 шпански градови вреди да ги посетите барем еднаш во животот.rnrnИзвор: punkufer.dnevnik.hr -
Најдолгото патување со автобус во светот трае 56 дена!
Индиска компанија специјализирана за необични експедиции, Adventures Overland (Копнени авантури) го организира најдолгото патување со автобус во светот. Станува збор за 56-дневно патување за 30 патници кое започнува на 7 август годинава во Истанбул, а завршува на 1 октомври 2023 година во Лондон.rnrn
rnrnПатувањето од 12.000 километри ги носи патниците низ 22 земји – од Истанбул преку Балканот и Источна Европа, Скандинавија и Западна Европа до главниот град на Англија. Иако на прв поглед овој аранжман не изгледа толку атрактивен, Adventures Overland организира луксузна турнеја вредна околу два милиони индиски рупии или нешто помалку од 23.000 евра.rnrnЛуксузниот пакет вклучува појадок, 30 ручеци и вечери и сместување во хотел за време на патувањето во двокреветни соби. Во цената е вклучено и патување со ферибот на Финскиот залив и крстарење по норвешките фјордови.rnrnAdventures Overland тврди дека патниците ќе патуваат со специјален луксузен автобус кој е дизајниран за удобно патување на долги релации. Опремен е со прилагодливи седишта со доволно простор за нозете, послужавник за преклопување и држачи за шишиња и чаши. На секој патник му е дозволено да земе два големи куфери со себе.rnrnНајдолгото патување со автобус од Истанбул до Лондон е еден вид верзија на постар аранжман кој вклучувал патување од Индија до главниот град на Англија, а патувањето требало да се одвива низ земји како што се Кина, Мјанмар и Русија, кои во меѓувреме се затворени за посети. Затоа организаторите решиле да ја сменат рутата.rnrnСпоред Гинисовата книга на рекорди, моменталната титула за најдолго патување со автобус ја носи перуанската компанија Ormeño, која организира рута долга 6.200 километри помеѓу Лима, (Перу) и Рио де Жанеиро (Бразил). Патувањето со автобус трае 102 часа или нешто повеќе од четири дена.rnrnОткако прочитавте за најдолгото патување со автобус, можеби ќе сакате да прочитате и како еден британски пар создал прекрасен дом од лондонски автобус.rnrnИзвор: punkufer.dnevnik.hr -
ЕУ доделува 35 илјади бесплатни возни билети за патување низ Европа!
Ако имате 18 години и сакате да ја истражувате Европа, ова може да биде среќно лето за вас, бидејќи Европската Унија подарува 35.000 бесплатни билети за воз за патување низ Европа.rnrn
rnrnСтанува збор за проектот наречен DiscoverEU, кој е отворен за сите оние кои на 1 јули ќе наполнат 18 години, односно за оние кои се родени помеѓу 1 јули 2004 година и 30 јуни 2005 година.rnrnДополнително, апликантот мора да биде жител на земја-членка на ЕУ или земја во програмата Еразмус, која ги вклучува нашата земја, Србија, Исланд, Лихтенштајн, Норвешка и Турција.rnrnСè што треба да направите е да се регистрирате овде до 29 март, да ги пополните податоците за вашата возраст и националност и да одговорите на пет прашања со повеќекратен избор за ЕУ.rnrnДополнително, треба да напишете и како планирате да го искористите бесплатниот билет доколку го добиете, како и дали имате намера да патувате сами или претпочитате да патувате со пријателите.rnrnОние кои ќе бидат ибрани, ќе добијат билети за воз со кои ќе можат да патуваат седум дена во месецот во периодот од 15.06.2023 до 30.09.2024 година, а ќе добијат и Европска младинска картичка, која овозможува бројни попусти за сместување, превоз, храна и културни активности.rnrnПобедниците ќе бидат избрани врз основа на одговорите во апликацијата, а доколку има повеќе пријавени отколку што има места, приоритет ќе имаат оние кои се пријавиле порано.rnrnОткако прочитавте за оваа иницијатива на Европската Унија, можеби ќе сакате да прочитате и за 4-те дестинации во Европа кои се идеални за патување со воз.rnrnИзвор: timeout.com -
Вистински пловечки спектакл: Пазар на вода во Индонезија
Индонезискиот град Бањармасин кој се наоѓа на островот Борнео е познат како град на илјада реки. Се протега на источната страна на реката Барито, а реката со генерации е дел од општествениот, економскиот и културниот живот на градот.rnrn
rnrnПодигнати куќи на столбови, водни рути наместо патишта претставуваат живописно сведоштво за живот покрај реката каде се врши и трговија. Овде се наоѓаат три познати пловечки пазари, Муара Куин, Серинг и најголемиот и најатрактивниот – Лок Баинтан.rnrnПловечкиот пазар Лок Баинтан кој постои уште од 18 век, денес е фасцинантна можност да се запознаете со локалната култура и да пробате дел од локалната гастрономија во исто време. Секое утро пред 6 часот традиционални чамци се упатуваат кон местото Лок Баинтан, од каде сите продолжуваат да се движат заедно неколку километри. Се тргува пловејќи сè до 9:30 часот.rnrnТрговците со нивните преполни чамци доаѓаат кај клиентите со празни чамци. Производите што ги нудат се зеленчук, риба, овошје, традиционални колачиња и грицки. Овде сè уште доминира размената на производи како начин на плаќање, а и ценкањето е неминовен дел.rnrnОсвен самата река, која има кафена боја, сè друго е неверојатно живописно. Шарените овошја и зеленчуци кои се менуваат со сезоната, чамците обоени во живи бои и шареноликата облека на трговците го претвораат овој пазар во пловечки спектакл.rnПокрај тргувањето, жителите готват на чамците, па затоа не смеете да го пропуштите појадокот на реката. Заедно со кафе или чај, ќе имате можност да пробате и вкусни традиционални закуски како што се свежо пржени банани или печива полни со различен зеленчук. До пловечкиот пазар Лок Баинтан можете да стигнете од центарот на градот со брод, што трае само околу половина час. Пазарот е позната туристичка атракција, омилена меѓу туристите и особено меѓу оние кои се занимаваат со фотографирање.rnrnОткако прочитавте за овој индонезиски пазар, можеби ќе сакате да прочитате и за 5-те дестинации во Југоисточна Азија кои се вистински чуда на природата.rnrnИзвор: punkufer.dnevnik.hr -
„Змејска порта“: Неверојатни карпи со илјадници пештери каде се пронајдени рецепти за долговечност!
Помалку од дваесет километри јужно од градот Луојанг, во кинеската провинција Хенан, се наоѓа неверојатен комплекс од пештерски храмови Лонгмен што во буквален превод значи „змејска порта“.rnrn
rnrnБиле потребни околу 400 години за комплексот во должина од два километри карпи да ги добие контурите што ги гледаме денес, на бреговите на реката Луо, во источниот дел на централна Кина.rnrnИзградбата на 2.300 варовнички пештери со приближно 110.000 вешто изработени камени скулптури, 2.500 стели со натписи и околу 60 пагоди започнала за време на династијата Северна Веи, која владеела во IV и V век.rnrnНајголемата статуа е повисока од 20 метри, а најмалата е само 2,5 сантиметри. Имено, токму ова место се смета за лулка на будизмот во Кина. Наводно, тука живеела голема будистичка заедница со одредени правила, кои со текот на времето почнале да се шират во остатокот од земјата.rnrnВо подоцнежната фаза од изградбата на овој фасцинантен комплекс, Бодисатвите биле накитени со скапоцен накит, круни и ѓердани нарачани од богатите. Во една од пештерите пронајдени се и 140 упатства за лекување на разни болести и тегоби.rnrnПештерите, статуите и натписите се совршено сочувани и убаво се вклопуваат во пејзажот што го опкружува комплексот. Тие се дел и од светското наследство на УНЕСКО.rnrnОткако прочитавте за змејската порта, можеби ќе сакате да прочитате и за овие прекрасни пештери во кои влегувањето е забрането.rnrnИзвор: punkufer.dnevnik.hr -
Полн со магија и шарм: Најпознатите атракции во Бремен кои нема да ве остават рамнодушни!
Бремен, град и пристаниште во северозападниот дел на Германија, е еден од најпознатите културни, трговски, индустриски и сообраќајни центри во државата.rnrn
rnrnТој е еден од ретките градови чиј аеродром е на само десет минути возење, па веројатно ова е причината поради која секоја година го посетуваат многубројни туристи. Доколку го посетите не смеете да ги пропуштите неговите многубројни атракции како катедралата Св. Петар, историскиот кварт, градското собрание со ренесансна фасада и статуата на Роланд кој е заштитен знак на Бремен.rnrnРоланд, симбол на правдата, слободата и независноста, го чува градот повеќе од 600 години, а легендата вели дека Бремен ќе биде независен сè додека е под негова заштита. Со оглед на тоа што влогот е толку голем, наводно, има и резервна статуа. За секој случај.rnrnМодерен Бремен е универзитетски град, но и град на науката и технологијата, тука е изградена Меѓународната вселенска станица, а неодамна беше отворен и најголемиот европски вселенски центар, а дури и најпосетуваниот музеј во Бремен е Музејот на науката.rnrnТука ќе ја најдете и „Куќата на Робинсон Крусо“ инспирирана од истоимениот роман на Даниел Дефо, а не заборавајте и да се сликате со скулптурата на четирите животни протагонисти од приказната на браќата Грим за бременските градски музиканти.rnrn
rnrnМожете да го истражувате Бремен со денови и да ја откривате неговата историја и култура, да се опуштите во парковите, да одите на шопинг и да ја пробате вкусната храна.rnrnСекако, не пропуштајте го и историскиот кварт кој за миг ќе ве пренесе во бајките и каде најверојатно можете да ги најдете најкреативните сувенири на светот.rnrn
rnrnОткако прочитавте за Бремен, можеби ќе сакате да прочитате и за Менинген, малиот бисер на Баварија.rnrnИзвор: punkufer.dnevnik.hr