Category: Вага

Припадничките на овој хороскопски знак копнеат по искрено партнерство, кое нивното срце најмногу го посакува. Доколку сакате да ги задржите покрај себе, мора целосно да им се посветите и искрено да ги сакате.rnrnТоа е – Вага!rnrnrnrnНа Вагата ѝ е потребен простор и слобода да биде онаква каква што е. Припадничката на овој знак никогаш нема да ви даде критика, сè до оној момент додека вистинскиот спектар на зборови не зазвучи реално во нејзиното срце. Таа добро размислува пред да ги изговори зборовите. Немојте да се изненадите доколку ви напише писмо. Интензитетот на нејзините чувства е голем. Таа ги сака зборовите, магијата што ја поседуваат, начинот на коишто можат да ја ослободат.rnrnПоради тоа, доколку сакате да ја задржите жената Вага покрај вас, мора да прифатите дека зборовите ѝ се многу важни и ги користи како што сликарот ја користи четката за изразување на своите емоции на платното. Вагите не лажат и не се фалат, едноставно не се добри во тоа. Вашите зборови упатени кон неа никогаш не смеат да бидат празни. Тие презираат неисполнети ветувања.rnrnЖената Вага е уметник и за да опстане во реалниот свет, таа мора да го пронајде својот начин на изразување. Потребни ѝ се предмети и звуци, мириси и текстури, кои длабоко во неа поттикнуваат чувства поради кои може да каже „Да. Тоа е тоа, сега е сè како што треба“. Доколку сакате Вага треба да знаете дека таа има потреба од својата уметност, како што вие имате потреба од воздух.rnrnТаа го сака своето тело, но истовремено и го мрази. Но, вие мора да ја прифатите целосно, онаква каква што е. Гледајте ја во очи и смешкајте се. Вагите го обожуваат тој момент на интимност. Тргнете ѝ ја косата од лицето, за да можете подобро да ја погледнете. Морате да го допирате секој дел од нејзината кожа, како тоа да е прв пат. Таа копнее по вашите прегратки. Прегратките за неа се толку важни, како што е водата за цвеќето. Вагата сака романса. Нејзе ѝ се потребни бакнежи. Таа ќе одлета далеку за да го види светот, но потребен ѝ е топол дом за да има каде да се врати. Вагата често плаче, а вие нема да знаете што не е во ред. Разберете ја во тие моменти, кога едноставно солзите ѝ се слеваат по лицето поради наплив на тага предизвикана од тешкотијата на живеењето.rnrnТежината на нејзините стравови, нејзината љубопитност, нејзината емотивната страна, сето тоа на моменти ги поттикнува солзите да почнат да капат од нејзините очи. Вагите бараат време и простор за истражување и не постои ништо поубаво од жената Вага која го доживува светот. Таа гледа магија и во работите каде што никој друг не ја гледа. Верува дека постојат чуда и токму магијата ја води напред. Доколку сакате покрај себе жена Вага, морате да разговарате за љубовта, да дозволите таа да ве води, да ѝ дадете некаква форма, да ѝ дадете најголемо значење.rnrnТука лежи деликатната рамнотежа – вечната војна меѓу чувството на жестина против чувството на нежност. Вечниот обид за пронаоѓање на речиси невозможниот идеален баланс. За да го компензира недоволното себе познавање, таа ќе се обидува секогаш да им биде на услуга на другите. Таа секогаш дава сè од себе луѓето околу неа да се чувствуваат пријатно и секогаш се обидува да ги поправа ситуациите. Вагата, понекогаш знае да ги премине границите со нејзината грижа. Но, немојте да ѝ се лутите поради тоа, едноставно во нејзината природа е впишана потребата понекогаш да биде „жртва“ и да им угодува на другите.rnrnrnrnВие, како нејзин партнер, треба понекогаш да ја поттикнувате на грижа за себе, затоа што таа никогаш нема да биде свртена кон своите потреби, поради што ќе мора да ја научите на таа вештина. Морате да ја научите дека ставањето на нејзините потреби, пред потребите на другите не е исто со себичноста, затоа што таа ја презира себичноста. Самотијата ја плаши, а срцето често ѝ е скршено. Ќе се чувствува осамено и тажно заради многу работи во реалниот свет, но вие никогаш не треба да бидете тој кој ќе го скрши нејзиното срце. Вие сте тука како нејзина најголема утеха и поддршка.rnrnДоколку сакате да го освоите срцето на Вагата, тоа треба да биде засекогаш. Вагите се најпосветени и највнимателни партнерки. Мора да се прилагодите на нејзината променлива природа. Жената Вага понекогаш се чувствува изгубено, ќе ѝ биде потребна топла прекривка, црно – бел филм и тишина. Но, понекогаш сака друштво, забава, полноќни прошетки и длабоки, интимни разговори.rnrnУбаво би било често да ја потсетувате дека е убава, сакана и најважно – обожувана. Таа сака и авантури. Сака самотија, но не сака да биде оставена сама. Едноставно прифатете ги нејзините контрадикторности и засекогаш ќе развие доверба во вас.rnrnВагите имаат потреба од партнер кој го краси силна одлучност, затоа што најчесто тие не ја поседуваат оваа особина. Таа ќе ве изненади со спонтаноста, а вие ќе се воодушевувате на леснотијата со која се посветува на вас и на луѓето кои ги сака. Прифатете го фактот дека за Вагите не постои „очигледен избор“ и секогаш помагајте ѝ да го најде вистинскиот пат.rnrnДа се сака Вага, значи да се сака самата љубов. Таа сака сè што е поврзано со љубовта: врските, откритијата, болното срце, занесот, самата идеја за љубовта – сето тоа таа го става во еден кош и едноставно се препушта на магијата. Таа сака страст. Вагата пронаоѓа добри нешта во речиси секоја личност, но од партнерот бара интелигенција и хумор. За неа нема ништо попривлечно од паметни луѓе. Кога се расправате со Вага, бидете внимателни со зборовите. За неа секоја кавга е крај на светот, а тоа понекогаш ќе ја уништи. Но, тие недоразбирања можете да ги искористите на еден креативен начин. Секој конфликт можете да го гледате како можност за раст – тоа е почеток на нови нешта. Сепак бидете искрени кон неа. Кога вагата се расправа, вообичаено таа е во право, затоа што жената Вага по природа е праведна и фер.rnrnПотрудете се Вагата до вас секогаш да биде среќна и задоволна, затоа што кога таа е исполнета со позитивна енергија, за неа не постојат граници, таа може да го преземе светот во свои раце. Таа верува во добрината на луѓето, во магија и пред сè во среќа до крајот на животот. Доколку сакате Вага, мора да верувате во неа и во сето она што таа го носи со себе. Искреноста и љубовта се нејзините движечки сили.