Претходно
Унгарски рецепт за супа со печурки: Брза и вкусна!
Унгарската кујна е позната во цел свет со разновидните супи и гулаши чии рецепти биле пишувани со векови наназад. Денес ви споделуваме еден од тие рецепти за вкусна, кремаста супа со печурки.
Потребни состојки:
- 900 грама печурки (вргањ, шампињони, лисичарки или друг вид печурки по избор)
- 500 милилитри млеко
- 250 милилитри бело вино
- 125 милилитри кисела павлака
- 90 грама путер
- 5 лажици брашно
- 4 супени лажици сок од лимон
- 4 лажички пипер
- 3 лажички сушен копар
- 3 лажички мајчина душичка
- 2 главици кромид
- 1 литар пилешка супа
- сол и бибер по вкус
- свеж магдонос
Начин на подготовка:
1. Исчистете го кромидот, излупете го и исечете го на помали парчиња.
2. Во поголемо тенџере стопете го путерот, додадете ги кромидот и печурките и пржете додека не омекнат.
3. Додадете ја пилешката супа и виното. Додадете копар, мајчина душица и пипер. Оставете ја супата да се готви околу 10 минути.
4. Ставете млеко во посебен сад, додадете брашно и мешајте сè додека смесата не се изедначи. Истурете ја смесата врз супата и варете уште 10 минути. Додадете сол и бибер по желба.
5. Откако ќе биде готова супата, додајте лимонов сок и кисела павлака. Послужете ја супата додека е топла со парче леб. На здравје!
Откако го прочитавте нашиот предлог за вашето денешно мени, можеби ќе сакате да го прочитате и рецептот за супа со кнедли од сирење.
Извор: punkufer.dnevnik.hr
