Јелена Карлеуша се појави во впечатлива црна комбинација на прес-конференцијата по повод најавата за нејзиниот голем концерт во скопската арена „Јане Сандански“. Со спој на елеганција и смели детали, пејачката остана доследна на својот препознатлив моден стил.
За оваа пригода, Карлеуша избра припиен црн фустан со долги ракави и странични отвори во пределот на половината. Едноставната линија на фустанот ја надополни со највпечатливиот детаљ во комбинацијата — црна шапка со исклучително широк обод, која му даде драматичен изглед на целото издание.
Стајлингот го заокружи со големи црни очила за сонце, чевли на висока потпетица со ремчиња околу глуждовите и црна чанта со метални детали во златна боја. Накитот во златни тонови и долгата, рамна руса коса внесоа контраст во целосно црната комбинација.
Изданието беше ефектно токму поради изборот на силни детали: фустан со нагласена силуета, впечатлива шапка и внимателно усогласени додатоци.
Поводот за нејзиното појавување беше најавата за големиот концерт во „Јане Сандански“ на 17 октомври, но фотографиите од оваа пригода го ставаат во преден план и нејзиниот моден избор. Карлеуша ја започна концертната најава со изглед што лесно се памети.
Концертот е скоро пред распродавање на 17 октомври во арената „Јане Сандански“, влезници може да набавите на продажната мрежа на www.vleznica.mk.
Фото: Кафе Пауза медија.