Претходно
4-те хороскопски знаци што сакаат да имаат контрола над сите нешта во својот живот
Желбата за контрола кај некои хороскопски знаци изостанува, но кај други е доста изразена. Постојат претставници на неколку хороскопски знаци кои постојано се во обид да воспостават контрола врз сè што им се случува нив и околу нив. Сметаат дека само тие можат да ги водат нештата правилно, за посакуваниот исход да биде загарантиран, бидејќи само на тој начин во нивниот живот ќе постои рамнотежа.
Кај ваквите личности, нештата се секогаш „под конец“. На пример, доколку сте на забава кај нив, сите чаши, чинии, салфети и прибор ќе ги најдете во совршен ред, а не е исклучено и дека веќе точно ја имаат испланирано и листата со музика. Исто, многу е веројатно дека и нивниот дом е секогаш уреден, бидејќи тоа навистина ги прави многу среќни. Сепак, за да може да се балансира меѓу нив и оние кои се најопуштени во врска со сè околу нив, ваквите претставници на „фриковите за контрола“ секако ни се потребни. Еве на кои хороскопски знаци најчесто припаѓаат тие:
Овен
Тие се родени лидери и најдобро се чувствуваат кога се на должност. Секогаш сакаат нештата да се движат по нагорна линија и тоа отворено го признаваат. Не очекувајте да ги видите во таканаречената втора постава, бидејќи живеат за да бидат главни. Нивниот натпреварувачки дух ги прави мотивирани за сè што прават, да го завршат со најдобри резултати и што е најважно, никогаш не им е здодевно.
Лав
Нивното его е навистина до небото и само поради тоа тие сметаат дека нивниот начин на правење на нештата е единствен и најправилен. Преголемата самодоверба некогаш може да биде и доста нападна, но тоа секако им помага да бидат успешни лидери. Нивната желба за ред и контрола не потекнува од нив самите, туку од помислата дека сите останати ја имаат истата потреба. Одлични се кога треба да се изборат за нова работа, а без оглед на нивното его, кое избива од секоја пора, сепак се успешни во она што го работат.
Девица
Девиците се посветени на деталите и обрнуваат внимание на нешто што другите лесно би го занемариле. Нивната способност за перцепција прави да бидат луди по контролата. Ако нешто не е на свое место (она кое тие го замислиле), може целосно да ги исфрли од рамнотежа. Од останатите се разликуваат по тоа што нештата ги прават тивко, без да очекуваат награди – ним им е доволна само личната сатисфакција од она што го постигнале.
Јарец
Тие не сакаат да кршат правила и често се водат по однапред зададен тек на задачата. Имаат изразена смисла за правда и одговорност и поради тоа не е чудно што често ги гледаме во првите борбени линии кога треба нешто да биде исконтролирано. Поради тоа и се одлични шефови и менаџери и често може да го жртвуваат слободното време, ако тоа значи дека задачата ќе ја завршат така како што треба.
Прочитајте и како да ја вратите моќта и контролата врз вашиот живот.
