Претходно
Основни правила за носење машки обувки
Датум: 10 јул 2013
Коментари: 0
Ако се прашувавте какви обувки во каква пригода и на кој начин се носат, во продолжение следуваат основните правила.
Елегантни чевли
Елегантните кожни чевли се неопходни за прилики во кои треба да покажете сериозност, како на пример бизнис состаноците, а задолжителни се и на свечени настани како коктели или свадби. Црните елегантни чевли можат да се носат со каков било костум. Ако, пак, сакате да ги носите со фармерки или каки панталони, тогаш најдобар избор се оние во кафеава боја.
Мокасини
Мокасините се единствената машка обувка која изгледа подеднакво добро и со костум и со кратки панталони. Особено добро изгледаат во комбинација со каки панталони и блејзер (или сако), или пак со кратки панталони и поло маица.
Апостолки
Кратко и јасно: апостолките се наменети за на плажа. Не се носат со ништо друго освен со шорцеви.
Спортски сандали
Тие имаат малку подебел ѓон затоа што се наменети за активности на отворено во летната сезона. Покрај со шорцеви, може да се комбинираат и со фармерки.
Елегантни сандали
Обично се изработени од кожа и во изгледот не се разликуваат премногу од спортските влечки. Нивниот дизајн им овозможува да се носат заедно со ленени костуми. Никако не се носат со чорапи!
Спортски чевли
Спортските чевли по дизајнот малку потсетуваат на оксфордки, но се разликуваат по спортскиот гумен ѓон. Се носат буквално со секаква секојдневна облека. Препорачливи се затоа што се носат во опуштена атмосфера, а делуваат поелегантно од обичните патики.
Бродски мокасини
Бродските чевли се варијанта на мокасините. Наменети се за топло време, така што може да се носат и без чорапи, во комбинација со шорцеви или ленени панталони.
Чизми до глужд
Тие се зимската верзија на елегантните чевли. Се комбинираат исто како нив.
Планинарски чевли
Самото име кажува дека служат за планинарење или за пешачење. Се подразбира дека се комбинираат со облеката наменета за тоа, но можат да се носат и со фармерки.
Каубојски и моторџиски чизми
Со моторџиските чизми се изразува сопствениот стил, така што делуваат убаво во моторџискиот кожен стил. Секако дека одговараат и на фармерки, исто како и каубојските чизми.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
