Category: Совети

Познатиот персиски лекар, астролог, математичар, астролог и психолог, Авицена, велел: „Лекарот има три алатки во борбата против болеста – зборови, билки и нож“. Често забораваме колкава сила и моќ имаат нашите мисли и зборови, како и какво влијание тие можат да имаат врз нашето психофизичко здравје.rnrnrnrnВо една од париските болници, младиот психолог, Емили Ки, на сопствена одговорност, ги охрабрувала пациентите да ја повторуваат гласно оваа реченица 10 пати на ден – „Секој ден се чувствувам сè подобро и подобро“. Притоа, било особено важно пациентите да не ја повторуваат таа фраза механички, туку да размислат за неа, да ја усвојат и да ја повторат за да почнат да веруваат во неа. По еден месец, значително се подобрила состојбата на многу пациенти.rnrnНашето здравје е директна последица на нашите мисли. Никој не се сомнева дека постои директна врска помеѓу психичката и физичката состојба на луѓето. Еден од најважните психолошки закони вели: вербалното изразување на љубовта, покажувањето восхит кон она што другите го прават и емпатијата значително можат да ја зголемат виталната енергија на оној кој ги практикува. Од друга страна, негативните и нељубезни зборови ја намалуваат енергијата на оној кој ги изговара.rnrnПостојаното присуство на негативни мисли може да го зголеми ризикот од влошување на менталното и физичкото здравје. Затоа е важно секојдневно да ги „филтрирате“ мислите, да ги отфрлите негативните и да ги задржите оние што ви се позитивни, пријатни и оптимистички. Научете да уживате во животот, без разлика колку е тешко понекогаш.rnrnЗдравјето, животот и судбината на човекот директно зависат од неговите мисли. Добрите мисли ќе ви донесат добри работи во животот. Ако размислувате лошо, тоа може негативно да се одрази на вас.rnrnНегативните мисли не ви носат ништо добро, туку само страв и загриженост.rnrnЗатоа, престанете да се нервирате за оние мали безначајни работи, размислувајте позитивно, уживајте во секој момент и верувајте дека сè ќе биде добро!rnrnОткако прочитавте за поврзаноста меѓу психофизичкото здравје и негативните мисли, можеби ќе сакате да прочитате и кои 7 негативни мисли кои можат да го нарушат вашиот внатрешен мир.rnrnИзвор: sensa.mondo.rs

Денешниов современ свет се карактеризира со сè поголема социјална интеракција од кога било, и во живо и преку социјалните мрежи. Но, едно истражување покажало дека таквата состојба може да доведе до чувство на ментална исцрпеност и преоптовареност! Дури 74 проценти од испитаниците признале дека во одреден момент од нивниот живот се чувствувале преоптоварени од дружењето со нивните пријатели, односно дека го доживеале феноменот на „социјално исцрпување“.rnrnrnrnНеоспорен е фактот дека дружењето е клучно за нашето целокупно здравје и благосостојба, но од друга страна, социјалното исцрпување може да се појави кога премногу ја поттикнувате интеракцијата со другите луѓе.rnrnТака, симптомите на „социјално исцрпување“ вклучуваат чувство на емоционална и физичка исцрпеност, па дури и раздразливост. Во продолжение прочитајте како да ги избегнете овие симптоми:rn

1. Поставете разумни граници

rnЕден од клучните начини за справување со овој феномен е да се постават разумни граници кои ќе ви помогнат да ги зачувате вашите „енергетски батерии“. Така, на почетокот на секоја недела би било добро да ја погледнете вашата агенда, па дури и само вашите пораки и социјалните медиуми, а потоа да одлучите дали и како ќе ја ограничите интеракцијата со другите. Покрај социјалните обврски, размислете за приоритетите во текот на оваа недела, како што се работата и домашните обврски. Освен тоа, можете да размислите и со кои луѓе сакате да се сретнете и колку енергија и труд бара секој од нив.rn

2. Како, кога и колку се дружите со другите?

rnНаместо да чувствувате притисок да останете цела забава, не заборавајте дека не сте принудени да останете таму цела вечер. Можете исто така да се обидете да ги прилагодите вашите постоечки планови со оние на пријателите. На пример, ако вечерате со пријателите секој петок навечер, но ви треба време за одмор од напорната работна недела, обидете се да ја преместите средбата во сабота или да ја прескокнете таа недела.rn

3. Бидете јасни и искрени

rnАко забележите симптоми на „социјално исцрпување“ , споделете им на вашите пријатели дека ви треба одмор. Бидете искрени докрај и оставете им до знаење дека сте уморни во последно време, па затоа би сакале да ја фокусирате сета енергија кон грижата за себе.rnrnОткако прочитавте како да се справите со симптомите на „социјална исцрпеност“, можеби ќе сакате да прочитате и што претставува емоционална исцрпеност.rnrnИзвор: sensa.mondo.rs

Негативната енергија најчесто се создава како резултат на вашите сопствени мисли, зборови и дела и од вас зависи дали ќе ја прифатите како дел од вашиот живот или ќе ја отфрлите. Замената на негативна енергија со позитивна значи да ги замените лошите мисли со позитивни. И тука не е важно само што мислите, туку и што кажувате. Затоа, добро би било да размислите дали одредени зборови кои често ги изговарате привлекуваат лоши вибрации или не.rnrnrnrnНегативната енергија ја носат зборовите кои предизвикуваат лоши емоции кај нас или кај другите – лутина, страв, незадоволство… Тоа не значи дека треба да се плашите да кажувате зборови кои имаат негативна конотација, туку дека треба да се фокусирате на тоа колку често ги изговарате, под каков емотивен набој и какво влијание имаат тие врз вас. Еве кои 4 изрази можат да привлечат негативна енергија доколку постојано ги изговарате:rn

1. „Тоа е невозможно!“

rnОва го велите кога сметате дека е невозможно да направите нешто и кога не верувате дека ќе се случат некои добри работи и промени. На овој начин самите си ги поставувате пречки и си ги ограничувате можностите.rn

2. „Нема да успеам“

rnАко постојано повторувате „нема да успеам“, можно е навистина да не успеете. Наместо да повторувате дека нема да успеете, дури и кога навистина ќе доживеете пораз, користете зборови кои можат да ве мотивираат да преземете акција.rn

3. „Проблем“

rnПодобро би било да го замените овој збор со „ситуација“ или „предизвик“. На тој начин можете да размислувате попозитивно и побрзо да се справите со ситуацијата која не ви се допаѓа.rn

4. „Омраза“

rnОва е тежок и токсичен збор што не треба да биде во нашите животи, мисли и срца. Наместо омраза, подобро е да се каже: „Загрижен/а сум, ајде заедно да ја решиме оваа ситуација“.rnrnОткако прочитавте кои четири изрази и зборови привлекуваат негативна енергија, можеби ќе сакате да прочитате и кои 5 знаци ќе ви укажат дека несвесно ширите негативна енергија.rnrnИзвор: sensa.mondo.rs

Често забележуваме токсично однесување кај другите луѓе, но дали сме доволно свесни да го забележиме тоа и кај нас? Важно е да знаеме што е тоа што треба да промениме кај нас, дали нешто лошо влијае врз нас или врз другите луѓе, со кого да се збогуваме, а кому да му простиме…rnrnrnrnТоксичното однесување може да се стекне уште од детството, а понекогаш и не сте свесни дека одредени ваши однесувања се токсични. Еве кои се најчестите однесувања поради кои другите ве одбегнуваат.rn

1. „Јас сум подобар/а од тебе“

rnМногу луѓе, кога ќе запознаат некого, почнуваат да се споредуваат со таа личност. Повисок сум, понизок, во подобра или полоша форма, побогат, посиромашен, посреќен и на крајот… подобар. Нашето его е тоа што нè тера да се фокусираме на она кое мислиме дека нè прави супериорни во однос на другата личност, освен ако тоа не е некој на кој навистина му се восхитуваме и сакаме да ја имитираме таа личност, да научиме нешто од неа. За да престанете да се споредувате, оставете ги настрана разликите и наместо тоа фокусирајте се на заедничките работи и сличностите.rn

2. „Не те осудувам, но, всушност, те осудувам“

rnОва е ситуација кога цврсто се држите за вашите ставови и верувања, или она што го налага општеството, а потоа ја гледате таа личност низ тие очила на илузија – без да размислувате што има внатре. Тоа се ситуации кога коментирате за туѓиот изглед, изборот на облека, автомобилот, образованието, начинот на комуникација, животниот избор. Решението за ваквата токсична реакција е да застанете пред огледалото и да се потсетите како изгледа кога некој ве осудува, како се чувствувате, дали е тоа пријатно искуство… Едно од најважните правила на животот е да не им го правите на другите она што тие не би сакале да ви го прават вам.rn

3. „Не ти обраќам внимание“

rn„Премногу си самобендисан/а“; „Не ме слушаш“; „Не ми обраќаш внимание“… Дали често сте добивале вакви реакции од други луѓе? Дали мислите дека сè што ќе кажете, правите, мислите или планирате е поважно од она што другиот го споделува со вас во тој момент? Ова токсично однесување е особено видливо во романтичните врски. Ги отфрламе оние со кои сме блиски и за кои тврдиме дека ги почитуваме, бидејќи не ги третираме нивните мисли, идеи или потреби како подеднакво важни или вредни со нашите. Еден начин да престанете да го правите ова е да размислите за сите моменти кога другата личност покажала вистински интерес за вас. Потсетете се дека е важно да слушате и да сфатите дека љубовта е меѓусебно почитување и разбирање.rnrnОткако прочитавте за најчестите токсични однесувања поради кои луѓето ве одбегнуваат, можеби ќе сакате да прочитате и за 10-те типови луѓе кои токсично влијаат на вас и вашиот живот.rnrnИзвор: sensa.mondo.rs