КАФЕ ПАУЗА

Category: Љубов и секс

  • Која е разликата меѓу вистинската и токсичната љубов?

    Која е разликата меѓу вистинската и токсичната љубов?

    Луѓето ја бараат вистинската љубов, а кога ќе стапат во врска имаат чувство дека им се остварил сонот и дека ја пронашле вистинската сродна душа. Но, дали сè се одвива онака како што тие посакуваат? Постепено, личноста што ја сакате излегува дека е некоја што е сосема поинаква од онаа што првично ја запознавте. Ова е време кога „вистинската љубов“ добива форма на „токсична љубов“. Затоа, пред да стапите во врска, треба да ја знаете разликата меѓу вистинската и токсичната љубов.rnrnКоја е разликата меѓу вистинската и токсичната љубов?rn

    1. Љубовта кон себе наспроти важноста на врската

    rnВо вистинската љубов развојот на себе е најважен. Двете страни го посакуваат најдоброто една за друга. Во токсичната љубов примарниот фокус е на самата врска каде двете страни се „опседнати“ со начинот на кој се поврзуваат една со друга.rn

    2. Одделни интереси наспроти зависност

    rnВо вистинската љубов двајцата партнери имаат слобода да им се посветат на сопствените интереси. Така, тие можат да имаат свои пријатели и надвор од нивните романтични врски. Можат да ги следат интересите и идеите без страв од укор. Во токсичната љубов двајцата партнери се целосно вклучени во животот на еден на друг. Едниот не може да оди никаде без другиот.rn

    3. Слобода наспроти тенденција да го смените партнерот во друга личност

    rnВо вистинската љубов нема борба во прифаќањето на индивидуалноста на вашиот партнер бидејќи го прифаќате партнерот таков каков што е. Во токсичната љубов постои екстремен порив да го промените вашиот партнер во некој со кој повеќе би сакале да бидете наместо да го сакате онаков каков што е.rn

    4. Взаемна интимност наспроти принудна интимност

    rnВо вистинската љубов интимноста е резултат на длабоката љубов, грижа и наклонетост. Почитта доминира меѓу партнерите во вистинската љубов. Во токсичната љубов интимноста е нешто поради кое се чувствувате под притисок и тоа најчесто поради страв, несигурност од тоа како треба да се усогласите со сексуалните желби на вашиот партнер.rn

    5. Пријателски разговор наспроти расправија

    rnВо вистинската љубов разговорот е конструктивен. Секој партнер се обидува да ги разбере емоциите и чувствата на другиот. Партнерите се обидуваат да ги надминат разликите и недоразбирањата преку разговор и комуникација. Во токсичната љубов разговорите започнуваат со тривијални расправии кои на крајот се претвораат во префрлање на вината и манипулација.rnrnОткако прочитавте за разликата помеѓу вистинската и токсичната љубов, можеби ќе сакате да прочитате и кои 3 видови хемија се неопходни за да имате вистинска љубов.rnrnИзвор: themindsjournal.com

  • На кој начин ја саботираме љубовта во нашата врска?

    На кој начин ја саботираме љубовта во нашата врска?

    Многумина од нас ги саботираат љубовта и среќата без да бидат свесни за тоа. Таквото однесување може да се јави како резултат на одредени трауми од минатото и да послужи како одбранбен механизам во врската. Но, на кој начин ја саботираме љубовта во нашата врска?rnrnНа кој начин ја саботираме љубовта во нашата врска?rn

    1. Срамот ја попречува љубовта

    rnСрамот може да нè поттикне да веруваме дека не заслужуваме да бидеме сакани. Така, идеите и мислите кои се засноваат на срамот и кои ни велат дека ние не заслужуваме никаква љубов ниту добрина, можат значително да ја оддалечат љубовта од нас. Единственото нешто што можеме да го направиме во овој случај е да се прифатиме себеси онакви какви што сме, бидејќи, во спротивно, како би биле прифатливи за другите?rn

    2. Ниска самодоверба и осудување

    rnСрамот се претвора во внатрешен критичар кој остро нè осудува. Освен тоа, нашиот критичар им суди и на другите. Ние сме толку многу загрижени за тоа дали другите нè сакаат или не што дури и правиме лажни претпоставки и погрешно ги толкуваме позитивните повратни информации. На овој начин се зајакнува нашиот страв да бидеме отфрлени. Не е изненадувачки ниту фактот дека во зависност од тоа дали сме полни со самодоверба или не, можеме да предвидиме дали нашата врска ќе трае долго или ќе биде краткотрајна.rn

    3. Вина

    rnСрамот создава и вина. Вината е гнев кој е свртен против нас самите, а во љубовната врска може да ја блокира интимноста. Избегнуваме блискост со партнерот и не зборуваме за одредени теми за кои се плашиме да зборуваме или од кои се срамиме. Сето тоа се случува поради стравот дека ќе бидеме напуштени и отфрлени. Но, да не заборавиме дека сè додека не си простиме целосно, нема да се чувствуваме достојни за љубов.rn

    4. Совршенство

    rnОбидот да се постигне совршенството е неуспешен обид да се постигнат неразумни стандарди и очекувања. Ова најчесто води до анксиозност, раздразливост, страв од неуспех и несреќа. Перфекционизмот ги прикрива нашите вредности и нè тера да се фокусираме само на негативното. Со други зборови, барајќи го она што не е во ред, не можеме доволно да уживаме во нашите атрибути и достигнувања. Освен тоа, совршенството ја нарушува нашата способност да преземаме ризици и да бидеме ранливи, а сето тоа е неопходно во процесот на давање и примање љубов. Совршенството ја зголемува и самокритичноста. Така, станува тешко да се живее со перфекционистите, особено кога се критични кон другите и очекуваат и другите да бидат совршени.rnrnОткако прочитавте на кој начин ја саботираме љубовта во нашата врска, можеби ќе сакате да прочитате и како да ја подобрите вашата љубовна врска.rnrnИзвор: themindsjournal.com

  • 6 негативни мисли кои ве спречуваат да ја раскинете љубовната врска иако партнерот не ве заслужува

    6 негативни мисли кои ве спречуваат да ја раскинете љубовната врска иако партнерот не ве заслужува

    Дали некогаш во животот ви се случило да се плашите да раскинете со некого иако сте свесни дека партнерот не ве заслужува? Токму чувството на вина не ви дозволува да го направите тој чекор. Во еден момент сфаќате дека вашиот партнер воопшто не се грижи за вас и за вашата љубовна врска, а вие сте личноста која, всушност, ја одржува врската преку вашето страдање. Не заборавајте дека вие заслужувате да бидете среќни со некој кој ќе биде способен да ве сака и да ви возврати со истата (или речиси иста) доза на љубов. Прочитајте во продолжение кои мисли ве држат „заглавени“ во врска со личноста која не ве заслужува.rnrn6 негативни мисли кои ве спречуваат да ја раскинете љубовната врска иако партнерот не ве заслужуваrn

    1. Не сакате да го повредите партнерот

    rnМногупати луѓето остануваат во врска бидејќи нивниот партнер бил многу добар со нив и затоа не сакаат да го повредат. Но, доколку сфатите дека не постојат страст и љубов во вашата врска нема потреба да се чувствувате виновни поради тоа.rn

    2. Некогаш ја сакавте таа личност

    rnПомислата да ја напуштите личноста која некогаш сте ја сакале или која ве сакала, може да биде навистина болна. Но, не заборавајте дека работите се менуваат со текот на времето, па така и луѓето и ситуациите. Така, партнерот со кој сте биле во врска со години можеби се променил, можеби неговите чувства и однесување кон вас се промениле во меѓувреме. Имајте на ум дека освен љубовта, неопходни елементи за да опстане една врска се почитта и разбирањето.rn

    3. Се плашите дека нема да најдете подобра личност

    rnСекој го има овој страв во поглед на иднината: „Што ако не најдам подобар партнер? Што ако нема да пронајдам некој кој ќе ме сака?“. Но, дали некогаш сте помислиле дека токму овој страв ве спречува да живеете многу подобар живот од овој сегашниот? Можеби животот се обидува да ви даде уште една можност, а вие ја игнорирате токму поради вашите стравови!rn

    4. Уживате во начинот на живот што го споделувате со таа личност

    rnМожеби партнерот ви ги обезбедува сите поволности и привилегии што некогаш сте ги посакувале во животот. Но, доколку и на двајцата не ви е пријатно во врската, тогаш која е поентата да продолжите да ја одржувате?rn

    5. Немате храброст да се одлучите за иднина полна со неизвесност

    rnНикој не ги сака животните неизвесности, но тоа е животот. Затоа, искористете ги можностите кои ви се нудат секој ден и кои сигурно ќе ве однесат кон подобар живот. Пружете си самите себеси шанса за да ризикувате и ќе увидите дека вашиот ризик нема да биде залуден.rn

    6. Сметате дека не заслужувате подобро

    rnНе казнувајте се себеси со одлуката да останете во врска која ви предизвикува само болка и тага. Не дозволувајте зборовите на другите да ве натераат да се презирате себеси. Само вие знаете со какви предизвици сте се соочиле во животот и премрежињата низ кои сте поминале додека сте биле во оваа врска. Не дозволувајте оваа мисла да ја уништи вашата шанса за подобар живот!rnrnОткако ги прочитавте нашите совети, можеби ќе сакате да прочитате и зошто е тешко да ставите крај на нездравата љубовна врска.rnrnИзвор: themindsjournal.com

  • Кои 3 видови хемија се неопходни за да имате вистинска љубов?

    Кои 3 видови хемија се неопходни за да имате вистинска љубов?

    На сите нам ни е добро познато дека хемијата е клучниот елемент за секоја љубовна врска. Но, дали знаевте дека постојат 3 типа хемија кои се обележје на вистинската љубов? Проверете за кои видови хемија се работи во продолжение.rnrnКои 3 видови хемија се неопходни за да имате вистинска љубов?rn

    1. Физичка хемија

    rnСтанува збор за наједноставната хемија што може да постои меѓу двајца кои меѓусебно физички си се привлекуваат. Ова е неопходен елемент за да се развие љубовта, но не е доволен. Физичката хемија ги буди кај вас првичните искри на љубовта, ништо повеќе. Така, честопати го предизвикува и чувството на незадоволство кај вас бидејќи сметате дека има нешто што навистина вреди да го сакате, а во моментот ви е недостижно.rn

    2. Интелектуална хемија

    rnОваа хемија постои меѓу две индивидуи кои можат да разговараат со часови. Разговорот им тече природно и тие самите ментално се стимулираат и надополнуваат еден со друг. Длабоката интелектуална хемија се случува кога туѓиот ум ви постанува нов дом. Меѓу другото, вообичаено голем дел од комуникацијата е невербална и честопати премногу суптилна за да се одреди нејзината вистинска природа. Кога ќе пронајдете некој со кој имате интелектуална хемија разговорот си тече природно и дури и тишината е удобна.rn

    3. Спиритуална хемија

    rnСпиритуалната хемија е синоним за усогласување на карактерите на двете индивидуи. Таа ги надминува однапред поставените ставови и верувања и има трансцендентна природа. Се одвива кога и двајцата партнери ги ценат истите работи како добрина, лојалност, пријателство и дарежливост. Меѓу другото, овде нема простор за неизвесност бидејќи и двете индивидуи се сигурни во своите чувства и двајцата подеднакво ја ценат врската.rnrnОткако прочитавте за 3-те видови хемија кои се неопходни за вистинската љубов, можеби ќе сакате да прочитате и зошто повеќето луѓе не умеат вистински да сакаат и зен техники без кои не може да постои вистинска љубов.rnrnИзвор: themindsjournal.com

  • 6-те фази на закрепнување од токсичната љубовна врска

    6-те фази на закрепнување од токсичната љубовна врска

    Закрепнувањето од токсичната врска не е толку лесно како што повеќето луѓе сметаат дека е. Можеби сте го напуштиле партнерот кој ве повредувал и конечно сте избегале од „пеколот“ во кој сте биле, но не можете да им се спротивставите на траумата и болката кои веќе оставиле големи последици врз вас за кои вие и самите не сте свесни. За дел од психолозите, постојат 6 фази на закрепнување од психичко малтретирање или токсични врски. Проверете за кои фази станува збор во продолжение.rnrn6-те фази на закрепнување од токсичната љубовна врскаrn

    1. Сомнеж во себе

    rnОваа фаза се карактеризира со прашањето: „Дали сум луд/а?“. Станува збор за фаза во која сфаќате дека нешто нема смисла, но не знаете што или зошто. Понекогаш, оваа фаза настапува за време на врската или може да се случи по раскинувањето откако ќе почнете да сфаќате дека нешто не е во ред. Се прашувате дали заминувањето било вистинскиот избор и дали вие самите сте виновни за раскинувањето.rn

    2. Учење и истражување

    rnОва е фаза кога ги истражувате сите работи. Знаете дека нешто не е во ред со однесувањето на личноста, но преку истражување ги откривате научните термини кои би можеле да го опишат нејзиното однесување. Така, почнувате да се среќавате со зборови како „нарцисоидна злоупотреба“, „психолошка злоупотреба“ и „нарушување на личноста“.rn

    3. Јасност

    rnОва е моментот кога се намалува интензитетот на истражувањето, а жртвата и покрај сета болка, тага и незадоволство, почнува да ги разбира своите искуства. Овој миг може да биде смирувачки и ослободувачки бидејќи жртвата е свесна за потребата да ја разјасни збунувачката ситуација. Клучниот елемент на оваа фаза е спознанието на жртвата дека имало нешто надвор од нејзина контрола, но дека таа самата била немоќна да го промени тоа.rn

    4. Ослободување

    rnОва е фазата кога жртвата почнува да презема чекори за физички и емоционално да се дистанцира од поранешниот партнер. За некои оваа фаза настапува на почетокот, понекогаш дури и пред да сфатат со каков тип на личност си имаат работа. За други, пак, ослободувањето се настапува откако ќе сфатат дека треба да заминат за да останат здрави и безбедни.rn

    5. Исцелување

    rnВо текот на оваа фаза жртвата почнува да сфаќа дека единствениот начин да закрепне е да покаже љубов и грижа кон себе. Освен тоа, во оваа фаза жртвите бараат помош и од своите најблиски и пријателите. Тие почнуваат да сфаќаат дека е во ред да се биде несовршен во врската и дека сосема е нормално да се прават грешки, но тоа не значи дека тие самите се виновни за ова трауматично искуство.rn

    6. Прифаќање

    rnЗа многумина експерти, учењето од сопствените искуства и нивното прифаќање е суштински дел од процесот на лекување бидејќи им помага на жртвите да ги избегнат таквите луѓе во иднина. Така, со тек на време тие одново ја преземаат контролата врз сопствениот живот и продолжуваат да се движат напред.rnrnОткако прочитавте за 6-те фази во процесот на закрепнување од токсичната врска, можеби ќе сакате да прочитате и кои 4 штетни лаги си ги кажуваат жените кога се заглавени во токсична врска.rnrnИзвор: themindsjournal.com

  • 6 вистини за љубовта кои морате да ги прифатите

    6 вистини за љубовта кои морате да ги прифатите

    Секој сака да има вистинска љубов во животот, но колкумина всушност имаат можност да ја искусат? Таа може да биде убава работа, но може и да биде пропратена со болка и тага. Во продолжение прочитајте ги суровите вистини за љубовта кои морате да ги прифатите.rnrn6 вистини за љубовта кои морате да ги прифатитеrn

    1. Верувајте им на другите кога ќе ви кажат дека не сакаат да бидат во врска

    rnДоколку ви одговорат дека не можат да излезат со вас поради одредени причини, најверојатно учтиво се обидуваат да кажат дека не се заинтересирани за нешто сериозно со вас.rn

    2. Само затоа што вие не си играте игри не значи дека другите не играат

    rnКога станува збор за запознавање, најдобрите од нас го практикуваат правилото – однесувајте се со луѓето како што вие сакате да се однесуваат со вас. Сепак, тоа не значи дека луѓето ќе ве третираат со подеднаква учтивост како што вие ги третирате нив.rn

    3. Колку побрзо сфатите што чувствувате кон одредена личност, толку побрзо ќе знаете како да постапите во врска со тоа

    rnМожете да ги игнорирате вашите чувства, но кога-тогаш тие ќе излезат на површина. Сепак, иако не треба секогаш да се раководите според нив, од голема важност е да бидете искрени со самите себе.rn

    4. Секогаш ќе сакате одредена личност иако таа не го „заслужува“ тоа

    rnДали љубовта е избор или не? Ова е прашање на кое е тешко да одговориме со сигурност. Секако, на крајот вие самите одлучувате со кого сакате да бидете, под претпоставка дека и другата страна ќе ве избере вас.rn

    5. Можете да ја запознаете „совршената личност“, но таа сепак не може да биде „подготвена“ за вас

    rnВо овој случај не станува збор за тоа дали ѕвездите ви се наклонети или не, едноставно другата личност не е подготвена да се жртвува за вас во моментов, а вие морате да го прифатите тоа. Сепак, не е добра идеја да ја „чекате“ личноста бидејќи некои луѓе никогаш нема да бидат подготвени за вас.rn

    6. Ако е навистина тешко на почетокот не значи дека понатаму ќе биде полесно

    rnДобрите филмови и книгите нè убедуваат дека мора да ги надминеме тешките работи за да бидеме со некого. Сепак, во реалноста и не е баш така. Ова не значи дека не треба да вложите труд, но доколку увидите дека е потребен поголем труд од вообичаено, можеби би било подобро да се откажете уште од почетокот.rnrnOткако ги прочитавте суровите вистини за љубовта, можеби ќе сакате да прочитате и кои 5 романтични филмови ја прикажуваат љубовта каква што е навистина.rnrnИзвор: themindsjournal.com

  • Како да ја подобрите вашата љубовна врска?

    Како да ја подобрите вашата љубовна врска?

    Секоја љубовна врска се соочува со подеми и падови. Тоа е сосема нормално, но и неизбежно, особено доколку станува збор за продлабочување на љубовната врска. Сепак, во оние моменти кога ни се чини дека врската не функционира, наместо да размислуваме како можеме да придонесеме и да ја подобриме, ние се фокусираме само на однесувањето на партнерот. Во продолжение прочитајте на кој начин можете да ја подобрите љубовната врска.rnrnКако да ја подобрите вашата љубовна врска?rn

    Не занемарувајте ги вашите чувства и искуства

    rnКога односите во врската се влошуваат, честопати со денови размислувате за недостатоците на вашиот партнер и се чувствувате „заглавени“ во мислите и однапред оформените мислења и ставови за вашата врска. Наместо тоа, обидете се да им се препуштите на моменталните чувства. Запрашајте се што е тоа што го чувствувате во овој момент, што чувствувате секогаш кога вашиот партнер ќе каже или ќе направи одредена работа? На тој начин, станувате посвесни за проблемите во врската, наместо да реагирате како што многумина прават, со обвинување и судење. Токму спознавањето на чувствата како тага, срам или страв се појдовна точка за продуктивен разговор. Така, поверојатно е дека вашиот партнер ќе ве ислуша докрај без да се одбрани доколку му оставите до знаење како се чувствувате, наместо да го осудувате или критикувате.rn

    Бидете храбри да погледнете внатре во себе

    rnСекогаш е полесно да верувате дека за конфликтите и тешкотиите е виновен некој друг и дека вие немате никаков удел во тоа. Затоа, обидете се да се запрашате на кој начин и вие придонесувате за тие проблеми во врската. Секако, потребна е голема храброст за да си ги признаете сопствените грешки, особено доколку на нив гледате како на своја слабост.rn

    Комуницирајте така што ќе го споделите својот внатрешен свет

    rnНенасилната комуникација ви помага да ги споделите чувствата и потребите и на тој начин полесно да го допрете срцето на партнерот, наместо да упатувате критики и осуди. Така, следниот пат наместо да кажете: „Мислиш само за себе! Ти си егоцентричен/а!“ можеби и ќе најдете храброст да кажете: „Се чувствувам осамено и тажно. Сакам да поминуваме повеќе време заедно затоа што ми значи твоето присуство“.rnrnОткако прочитавте на кој начин можете да ја подобрите љубовната врска, можеби ќе сакате да прочитате и како да се справите со траумата од претходната љубовна врска.rnrnИзвор: themindsjournal.com

  • 3 лекции за љубовта кои жените мораат да ги научат

    3 лекции за љубовта кои жените мораат да ги научат

    Дали некогаш ви се случило да ги доведете во прашање вашата вредност или вашата самопочит, а притоа сте биле заљубени? Постојат неколку лекции што жените мора да ги научат за љубовта, а оние кои имаат тенденција да ги игнорираат се соочуваат со ризикот да бидат повредени и тажни.rnrn3 лекции кои жените мора да ги научат за љубовтаrn

    Ако вие самите не се сакате, нема да ве сака ниту партнерот

    rnМногумина сметаат дека само доколку стапат во врска и се поврзат со другата личност ќе дознаат кои се тие самите. Тоа е погрешно размислување. Доколку знаете кои сте, кои се вашите верувања и вредности, што е тоа што ви значи тогаш ќе зрачите со самодоверба и ќе можете да ја привлечете личноста што ве заслужува.rn

    Обидот за наметнување може да заврши лошо

    rnНајлошо нешто што може да го направи една жена е да се „прилепи“ за партнерот. Причините за наметнување можат да бидат разноразни, но најчесто се јавуваат како резултат на љубомора, несигурност, страв од непознатото и посесивност. Затоа е важно да бидете свои, искрени и да бидете сигурни во чувствата на партнерот кон вас.rn

    Не е крај на светот ако раскинете

    rnОва е нешто кое многумина не можат да го прифатат со оглед на тоа дека светот функционира само како „место за парови“ и дека фактот да се биде сам е речиси неприфатлив. Прекрасно е да се доживуваат убави моменти заедно со личноста што ни значи, но да бидете покрај само поради тоа што сметате дека не можете да бидете сами не е воопшто прекрасно. Затоа, размислете дали сакате да бидете со некој кој не ве сака и не ве почитува. Размислете дали тоа нема да ви предизвикува болка секој ден… Одговорот е сосема јасен.rnrnОткако ги прочитавте нашите лекции за љубовта, можеби ќе сакате да прочитате и зошто љубовта не е доволна во љубовната врска.rnrnИзвор: themindsjournal.com

  • 3 работи кои не смеете никогаш да му ги кажете на партнерот

    3 работи кои не смеете никогаш да му ги кажете на партнерот

    Подемите и падовите се карактеристични за секоја здрава и стабилна врска. Така, расправиите и недоразбирањата се неизоставен дел од секојдневието на една љубовна врска. Сепак, колку и да му сте лути на партнерот во одреден момент, никогаш не смеете да му ги кажете овие 3 нешта.rnrn3 работи кои не смеете никогаш да му ги кажете на партнеротrn

    „Да ме сакаше, ти би…“

    rnОна што му го оставате до знаење на партнерот во овој момент е дека навистина сакате вашиот партнер да каже или да направи нешто. Проблемот е во тоа што вашиот партнер може да ви одговори: „Па, доколку ти ме сакаше мене, не би побарал/а од мене да…“. Наместо тоа, следниот пат можете да се обидете со: „Тешко ми е да сфатам што е она те спречува да го сториш тоа. Најверојатно и не ти значам толку“.rn

    „Зошто ништо меѓу нас не е исто како порано?“

    rnКога го велите ова, вие всушност покажувате дека не можете да се соочите со реалноста дека љубовта се менува со текот на времето. Не заборавајте дека начинот на кој сте се чувствувале во првата година од врската нема да биде ист како што се чувствувате во седмата година. Затоа, побарајте го она што го сакате сега, овде, во овој момент: „Сакам да одиме на состаноци како што правевме порано“ или „сакам масажа како порано“. Овој начин на споделување на вашите потреби ќе ви помогне полесно да го добиете она што го посакувате.rn

    „Се однесуваш како мајка ти/татко ти!“

    rnВаквиот коментар дефинитивно ќе предизвика одбранбен став кај вашиот партнер. Наместо да се служите со ваква изјава, следниот пат обидете се да го опишете специфичното однесување на партнерот и разговарајте како тоа влијае врз вас. На пример: „Го повишуваш гласот во овој момент, а тоа прави да се чувствувам затворено и фрустрирано“.rnrnОткако прочитавте кои работи не смеете никогаш да му ги кажете на партнерот, можеби ќе сакате да прочитате и зошто треба да им ставите крај на малите лаги во љубовната врска.rnrnИзвор: themindsjournal.com

  • Зошто љубовта не е доволна во љубовната врска?

    Зошто љубовта не е доволна во љубовната врска?

    За жал, честопати постои јаз помеѓу љубовта што ја чувствувате кон некого и емоционалната интимност што ја доживувате со некого. Така, може да се случи да се заљубите во некого, а притоа да почувствувате недостаток на доверба и безбедност. Токму овие елементи се неопходни за понатамошен развој на врската.rnrnЗошто љубовта не е доволна во љубовната врска?rnrnКога се чувствувате безбедни со некого, тоа ви помага да се опуштите и да бидете слободни, без да се плашите дека ќе се засрамете или ќе бидете критикувани.rnrnОсвен тоа, кога не се чувствувате безбедни несвесно правите сè за да се заштитите, како на пример го сведувате на минимум контактот со партнерот. Од друга страна, кога се чувствувате безбедни, довербата и интимноста се продлабочуваат. Верувате дека партнерот има желба и волја да ве слуша и да ја разбере вашата вистинска природа.rnrnБезбедноста во врската ви ја дава и слободата да бидете свои. Тоа значи дека партнерот ве прифаќа онакви какви што сте. Но, безбедноста во врската се заснова и на вистината бидејќи не можете да се чувствувате безбедни доколку некој ве мами или доколку не прави ништо за да го докаже тоа што го ветува. Со други зборови, отворената комуникација е клучот за воспоставување интимност и безбедност во врската.rnrnОткако прочитавте зошто љубовта не е доволна во љубовната врска, можеби ќе сакате да прочитате и како да се справите со траумата од претходната љубовна врска.rnrnИзвор: themindsjournal.com