Category: Дом и семејство

Потекнува од Африка, но калата расте и во други тропски подрачја. Ова растение цвета во различни бои, од бела до розова и бордо. Станува збор за цвет кој трае долго, дури и кога ќе се отсече, па затоа често е дел од цветните аранжмани, особено кога станува збор за свадби. Калата во вазна ќе го украсува вашиот дом со денови, но треба повремено да ѝ ги отсекувате врвовите.rnrnrnrnФактот што ќе воодушеви многумина е дека калата се одгледува многу лесно. Ова растение не бара многу внимание. Правилното садење и местоположбата на калата се единствените важни работи на коишто треба да внимавате.rnrnКалата сака сончеви места или полусенка во потопло подрачја.rnrnrnrnАко одлучите да го одгледувате овој цвет, треба да го засадите напролет. Ова цвеќе расте умерено брзо и честопати цвета на почетокот или на средината на летото. Калата цвета во текот на целата сезона, до рана есен. Пред садењето, важно е да почекате да помине опасноста од мраз и почвата да се затопли доволно.rnrnКога ја засадувате, почвата треба добро да се наводни. Калите сакаат влажна почва и да ги прихранувате со ѓубриво во текот на сезоната на растење.rnrnrnrnПо садењето, не претерувајте со наводнување. Откако ќе се создадат ризомите, наводнувајте ја калата еднаш неделно или почесто ако е многу жешко. Ако растението е во затворена просторија во саксија, постојано ќе му треба влага.rnrnКога станува збор за калата, треба да знаете дека таа може да биде отровна за домашните миленици. Цветот на калата содржи рафиди кои можат да предизвикаат здравствени проблеми кај домашните миленици.rnrnПогледнете ги овие пет балконски убавици што повеќе сакаат сенка отколку сонце.

Ранункулус или лутиче е цвеќе што ќе ве маѓепса со својата убавина и со цветовите што изгледаат како да се направени од најмеката хартија.rnrnrnrnПостојат неколку стотици видови цвеќиња ранункулус, а повеќето од нив цветаат во средината на пролетта или во доцна пролет. Овој цвет плени со своите живописни бои, а поради убавината, се споредува со розата и со божурот.rnrnСлоевите тенки ливчиња можеби изгледаат кревко, но ранункулусот е многу цврст цвет. Ставете го во вазна и овој цвет ќе остане свеж со денови. Секој ден ќе ве воодушевува со отворањето на своите ливчиња и со богатството на бои скриени во него.rnrnПоради раното цветање, ранункулусот може да се сади во саксии и да се чува во затворен простор. Во тој период е најдобро да го ставите на прозорец свртен кон југ или запад, а температурата од околу 13 Целзиусови степени ќе биде идеална за него. Во рана пролет, ова растение постепено се приспособува на надворешните услови, така што можете да го чувате надвор подолго и подолго секој ден и да го внесете внатре пред да падне мрак. Ова цвеќе се сади на отворено во средината на мај.rnrnЗа успешно засадување на ранункулусот, важно е да ја збогатите земјата со хумус или со купена почва и да обрнете внимание на наводнувањето – почвата треба да биде влажна, но не премногу.rnrnrnrnrnrnrnrnrnrnrnrnrnrnrnrnrnrnПогледнете ја оваа точкеста бегонија што ќе ве освои на прв поглед.

Велигденскиот и божиќниот кактус се дел од семејството кактуси и се хибриди на бразилскиот шумски кактус. Имињата ги добиле по празниците, поради периодот од годината во кој цветаат.rnrnrnrnКоја е разликата помеѓу овие две растенија? Божиќниот кактус потекнува од бразилските дождовните шуми, додека велигденскиот кактус потекнува од сувите шуми. Велигденскиот кактус цвета на крајот на зимата и во рана пролет, а божиќниот кактус за време на зимските празници.rnrnСе разбира, има разлика и во изгледот. За разлика од божиќниот, велигденскиот кактус има ливчиња распоредени во совршен венец. Цветовите можат да бидат во разни бои.rnrnОва растение треба да се чува на силна, но не на директна сончева светлина. За разлика од пустинските кактуси, тоа сака пониски температури, дури и преку ден.rnrnПочвата треба да биде малку влажна и да ја оставите да се исуши пред повторно да го наводнувате кактусот. Квалитетната грижа за велигденскиот кактус вклучува и пресадување на растението на секои две години, во пролет. Потоа, заменете ја почвата, но вратете го растението во истата саксија.rnrnАко вашиот дом е сув, обезбедете му влага ставајќи го на чинија наполнета со камчиња и со малку вода. Испарувањето ќе го навлажни воздухот околу растението.rnrnАко добро се грижите за растението, ќе имате здрав зелен кактус. За да процвета, потребни се ниски температури и долги ноќи. Ако сакате да видите цветови, мора да бидете малку груби кон растението, односно пожелно е малку да го запоставите во постудените месеци. Прво престанете да го храните кактусот, а потоа преместете го на темно место по 12-14 часа во текот на денот. Пупките се формираат најдобро кога температурата е околу 10 Целзиусови степени.rnrnОд октомври до ноември, наводнувајте го растението поретко. Во декември, можете да го преместите на потопло место каде што температурите се движат од 16 до 18 Целзиусови степени. Растението може да почне да цвета веќе во февруари, но циклусот на цветање обично започнува во март, а растението може да ве наградува со убави цвеќиња до мај.rnrnrnrnrnrnrnrnrnrnrnrnrnrnПрочитајте и за глоксинијата – цвет што ќе ве воодушеви на најубавиот можен начин.