Дали ви се случило да сакате да го проверите времето на вашиот мобилен телефон па гледате дека е 11:11 часот? Брзате на состанок, а во одреден момент се појавува автобусот број 11? Вашите погледи се свртени кон регистрацијата на автомобилот пред вас, а во него се наоѓаат броевите 1111? Дали се обидувате да ја пронајдете компанијата во која одите на интервју за работа, а се наоѓа во зградата број 111?rnrn
rnrnПојавувањето и забележувањето на бројот 1 во низи не е случајно. Бројот 1111 се нарекува ангелски број и го означува нашето „духовно будење“. Некои тврдат дека оваа појава почнуваме да ја забележуваме кога сме на емоционална пресвртница и кога интуицијата ни е поостра, а ние сме почувствителни на енергијата околу нас и подобро ги забележуваме деталите.rnrnНа почетокот може да изгледа како случајност што гледаме низи единици насекаде, но тие се јасен знак за нов почеток. Забележувањето на оваа појава укажува дека сме на прагот на големи промени, а експертите советуваат дека токму тоа е моментот кога мислите треба да ги свртиме кон позитивност за да привлечеме добри промени во нашите животи.rnrnОдлучноста, самодовербата и храброста се само дел од карактеристиките поврзани со бројот 1. Овој број, особено кога се појавува во серија, нè поттикнува да размислуваме за нови можности, почетоци и проекти и да визуелизираме позитивен исход.rnrnОваа појава на законот за привлекување ни помага да останеме присутни и свесни за нашите мисли и чувства во ова време на космичка промена на Земјата. Тоа може да послужи како потсетник дека постои некаква сила во универзумот од која можеме да бараме водство и мудрост секогаш кога чувствуваме дека животот е тежок, кога сме исплашени или изгубени. Токму во тој момент добиваме длабока духовна порака од нашите духовни водичи и ангели.rnrnЗабележувањето броеви кои се повторуваат, особено 11:11, значи дека треба да се фокусирате на позитивните мисли во тој момент, бидејќи вашите ангели најверојатно ќе ве наградат со манифестирањето на таа намера. Античкиот грчки филозоф Питагора бил првиот кој тврдел дека броевите содржат вибрациски својства. Тој сметал дека целиот универзум е математички прецизен.rnrnОсвен тоа, многу исцелители и духовни водачи на Земјата веруваат дека овој значаен збир на бројки носи порака од големите исцелители кои ни укажуваат на потребата да ја обновиме нашата врска со земјата и одново да ја воспоставиме рамнотежата.rnrnВо ова време на промени, можеби универзумот ни испраќа феномени како што е забележувањето на бројот 11:11 за да ни послужат како потсетник да бидеме присутни и да испратиме позитивни мисли во универзумот за поголемо добро на сите живи суштества. Така, колку повеќе почнуваме да забележуваме такви случаи, толку повеќе позитивни вибрации можеме да испраќаме назад во универзумот. Никола Тесла рекол: „Ако сакате да ги откриете тајните на универзумот, размислувајте во однос на енергијата, фреквенцијата и вибрациите“.rnrnОткако прочитавте за нумеролошкото значење на бројот 11, можеби ќе сакате да ја прочитате и нумеролошката прогноза за следните 3 месеци.rnrnИзвор: atma.hr
Category: Добро е да се знае
-
Денес во 11:11 часот замислете желба и испратете позитивна мисла во универзумот!
-
Во Африка ќе се гради ултрамодерен зелен град!
Најголемиот одржлив град во Африка без автомобили и отпад, вреден повеќе од 20 милијарди евра, треба да почне да се гради до 2025 година на југот на континентот. Градот со 150.000 жители, наречен The Parks, треба да биде целосно самоодржлив, односно да ја произведува целата своја енергија, вода и храна.rnrn
rnrnИнвеститорот URB изјави дека The Parks ќе им обезбеди на жителите највисок светски стандард за одржливо живеење на површина од 17 квадратни километри во источниот регион на Јужноафриканската република каде ќе можат да се сместат 40 илјади домови во 12 станбени квартови.rnrnОвде повеќето работни места се очекува да бидат поврзани со зелената технологија. За сè да биде на највисоко ниво, при планирањето, изградбата и функционирањето на градот ќе се отворат 40.000 работни места.rn„Пејзажот е дизајниран со цел да поттикне на социјална одржливост и активен животен стил. Некои од овие карактеристики вклучуваат фитнес, спортски терени на отворено, патеки за џогирање и велосипедизам, јавен уметнички простор и концерти на отворено“, рече извршниот директор на URB, Baharash Bagherian, кој досега дизајнирал неколку одржливи градови, вклучувајќи ги Xzero, AlNama и Nexgen.
rnСо повеќе од 32 километри патеки за џогирање, велосипедизам и јавање, градот ќе ги обезбеди и најбезбедните начини на активен транспорт. Опкружен со природен резерват, еколошко одморалиште со пет ѕвезди и еко-колиби, овој град би можел да стане и привлечно место за туристите.rnrnОткако прочитавте за најновите урбанистички достигнувања во Африка, можеби ќе сакате да прочитате и за изградбата на скијачки центар во пустина.rnrnИзвор: punkufer.dnevnik.hr
-
Необично, но вистинито: Во ова село кобрите се сметаат за домашни миленици!
Скротувачите на змии кои седат на индиските улици и ги хипнотизираат кобрите со дувачки инструмент наречен пунги се вообичаена глетка во големите градови во Индија. Но, дури и во селата може да се види поврзаноста на локалното население со змиите кои имаат посебен статус во Индија.rnrn
rnrnВо Махараштра, индиската сојузна држава на западот на земјата, која се наоѓа на брегот на Арапското Море, жителите на селото Шетфал чуваат змии како домашни миленици. И тоа не било која змија, туку застрашувачката индиска кобра. Кобрите се меѓу најотровните змии во светот, а нивниот отров е смртоносен: го парализира нервниот систем, дишењето и и ја попречува работата на мускулите.rnrnВо ова село секоја куќа има своја змија и ја третира практично како член на семејството. Тие лазат насекаде, по куќите и улиците и можете да ги сретнете на секој чекор. Покрај змиите кои живеат во куќите, во Шетфал има и многу „залутани“ кобри кои селаните ги хранат. Во село каде што има повеќе змии отколку луѓе, вообичаена глетка е да се видат деца како си играат со кобри. А во куќите и змиите имаат свое катче, мал храм наречен девастан. Во него змиите јадат, спијат и се кријат од силното сонце.rnrnВо Индија змиите се свети животни, тие имаат култен статус и духовно значење. Тие претставуваат повторно раѓање, смрт и смртност, бидејќи ја отфрлаат кожата и на тој начин „повторно се раѓаат“. Змиите се обожуваат во светилиштата, а Индијците им оставаат храна и цвеќиња како подарок пред статуите. Обожувањето на змиите вклучува и ритуали за кои се подготвуваат посебна храна од вода, млеко, ориз во прав и куркума. Еден од религиозните фестивали, Наг Панчами, е посветен на божествата на змиите и е посебен ден за кобрите кога Индијците им нудат млеко и им посветуваат посебно внимание.rnrnОткако прочитавте за ова необично индиско село, можеби ќе сакате да прочитате и за 10-те егзотични места во Индија кои мора да ги посетите со вашата девојка.rnrnИзвор: punkufer.dnevnik.hr -
Откријте ја духовната симболика на желките!
Желките се дел од најстарите живи суштества на планетата. Така, не е за чудење фактот дека тие имаат духовна симболика во културите на многу народи и се сметаат за моќни животински тотеми. Станува збор за мистични суштества кои носат езотерично знаење и пораки од духовното царство во физичкиот свет. Дали знаевте дека секоја случајна средба со желките навестува длабоко духовно значење за вашиот иден животен пат? Прочитајте во продолжение за што конкретно станува збор.rnrn
rn1. Дуалистичка енергија
rnАко внимателно размислите, ќе сфатите дека целиот свет е создаден од две сили кои се со спротивна природа, но, сепак, тие не се спротивставуваат меѓусебно. Така, постојат светлина и темнина, јин и јанг, божествено женско и божествено машко и сите тие ја претставуваат дуалистичката природа на универзумот. Оваа дуалистичка енергија лежи и во основата на нашите нематеријални способности и физички манифестации. Доколку сакаме да ги материјализираме нашите соништа, треба да ја прифатиме оваа двојност и да направиме простор и за емоциите и за логиката; и за вербата и за скептицизмот; и за интуицијата и за акцијата. Желките, кои се движат и во вода и во земја, на совршен начин ја отелотворуваат оваа дуалистичка енергија. Тие нè потсетуваат дека има време да им се препуштиме на емоциите и имагинацијата, но и дека има време да работиме на нашата цел.rn
2. Хармонија и рамнотежа
rnНашите интуитивни и духовни навики мора да бидат синхронизирани со нашите постапки и дејствувања. Така, желбата е симбол на рамнотежата помеѓу машката енергија на дејствување и женската енергија на интуицијата.rn
3. Упорност и трпение
rnЖелките се и симбол на упорноста, истрајноста, решителноста и трпението. Тие ни носат порака дека секој од нас треба да се стреми со решителен ум кон сопствената цел, без разлика колку долго може да трае патувањето, колку тежок може да биде товарот или со колку пречки морате да се справите на патот кон успехот. Желките ја преставуваат силата на умот преку која можеме да ги материјализираме нашите визии и соништа во конкретна реалност, наспроти сите предизвици.rn
4. Безбедност и заштита
rnКолку што е неопходно директно да се соочите со вашите предизвици, подеднакво важно е и да знаете кога треба да направите чекор назад. Во тој случај, желката претставува и мудрост која ни е неопходна за да процениме дали треба да се повлечеме (како што желката се повлекува во својот оклоп кога се соочува со опасност) или да преземеме ризик и да продолжиме напред.rn
5. Интроспекција
rnНашата внатрешна мудрост е една од најважните алатки која ни помага да се справиме со сите предизвици во животот. Единствениот начин за усовршување на оваа алатка е преку медитација и интроспекција. Од тука произлегува и дека духовното значење на желката се состои во тоа да се „повлекуваме во себе“ одвреме-навреме за подобро да се спознаеме себеси.rn
6. Издржливост
rnДолговечноста е несомнено најважното духовно значење на желката. Нивниот животен век трае со децении, а некои живеат и до 100 години! Освен тоа, тие поднесуваат секакви неволји како напади од предатори и лоши климатски услови.rnrnОткако прочитавте за духовната симболика на желките, можеби ќе сакате да ги прочитате и 34-те позитивни афирмации кои ќе го поддржат вашето духовно созревање.rnrnИзвор: themindsjournal.com
-
Археолозите пронашле сирење старо 2600 години во египетските гробници!
Проучувањето на гробовите на античките луѓе се вистинско богатство за археолозите бидејќи не само што им даваат вредни информации за погребните традиции кои се практикувале во минатото туку и даваат увид во тоа како се хранеле луѓето.rnrn
rnrnВо случајот со древните Египќани, археолозите честопати наоѓаат траги од храна во садовите подготвени за покојникот кои би му послужиле за задгробниот живот.rnrnИстражувачите од египетското Министерство за туризам и антиквитети пронашле сирење старо 2600 години што многу наликува на денешното сирење. Освен сирење откриени се и предмети со натписи со демотско писмо – варијанта на хиероглифското писмо – кои припаѓаат на 26-та и 27-та династија.rnrnИмено, сирењето наликува на сирењето халуми кое потекнува од Кипар и традиционално се приготвува со козјо и овчо млеко. Сепак, овој вид сирење не е најстарото сирење кое што е откриено во египетските гробници. Во 2008 година египетските археолози пронашле сирење старо 3200 години во гробницата на еден висок египетски функционер по име Птахмес.rnrnОткако прочитавте за ова археолошко откритие, можеби ќе сакате да прочитате и за 10-те нерешени мистерии од древен Египет.rnrnИзвор: nationalgeographic.rs -
Една од најопасните плажи во светот: Илјадници туристи и покрај црната статистика
Има ли некој кој не би посакал летен одмор на Хаваи? Но, дали знаевте дека овде се наоѓа една од најопасните плажи на светот?rnrn
rnrnСе работи за плажата Ханакапиаи која се наоѓа во прекрасниот парк На Пали. Рајската песочна плажа изгледа особено привлечна во лето, но на туристите не им се препорачува да пливаат овде. Зошто? Бидејќи е една од најопасните плажи во светот.rnrnТоа се должи на дивите морски струи, особено во текот на зимата кога надоаѓаат огромни бранови и го „проголтуваат“ целиот брег. Освен тоа, најблиската безбедна крајбрежна област е оддалечена речиси 10 километри така што шансите за преживување на секој кој ќе биде однесен од морските струи се многу мали.rnrnНајмалку 15 жртви кои се удавиле на ова место не се пронајдени, а статистиката вели дека секоја година овде животот го губат околу десетина луѓе. Се претпоставува дека над 80 луѓе се удавиле почнувајќи од 2014 година. Дури и локацијата на самата плажа е исто толку опасна колку што е и примамлива.rnrnСепак, тоа не ги спречува туристите да уживаат овде, особено за време на летниот одмор кога плажата се претвора во одлична локација за пикник, па дури и за капење. Плажата се наоѓа недалеку од патеката Калалау, една од најпознатите планинарски пешачки патеки на Хаваите. Долга е 18 километри и ја поврзува плажата со долината Калалау. Се смета за една од најубавите патеки не само на Хаваите туку и на целото подрачје на САД.rnrnОткако прочитавте за плажата Ханакапиаи, можеби ќе сакате да го прочитате нашиот список на најопасните плажи во светот.rnrnИзвор: punkufer.dnevnik.hr -
Зошто луѓето во минатото носеле перики?
Во минатото мажите носеле перики за кои плаќале големи суми и кои биле вообичаени за богатата класа во Европа. Како и зошто започнал овој тренд?rnrn
rnrnКако и многу други приказни од средниот век, приказната за периките започнува со сифилисот. Во 1850 година жителите на Европа морале да се соочат со пандемија на сифилис која се ширела со неверојатна брзина.rnrnБез антибиотици, жртвите морале да се соочат со тешки последици како слепило, осип, деменција, отворени рани и опаѓање на косата.rnВо тоа време губењето на косата се сметало за понижувачки чин, а долгата коса била популарен статусен симбол. Кога брат му се разболел од сифилис, англискиот политичар Семјуел Пепис во својот дневник напишал: „Ако брат ми преживее, нема да може да ја покаже главата во јавност, а тоа ќе биде голем срам за мене“.rnrnТака, со појавата на сифилисот почнал да се развива бизнисот со перики. Болните ги криеле крастите и ќелавите глави со перики кои биле изработувани од човечка коса, но и од коњски и козешки влакна. За да се отстранат непријатните мириси, се користеле прашоци со мирис на лаванда и портокал, поради што се родил терминот „напудрени перики“.rnrnВо тоа време иако истакнати благородници носеле перики, сепак тие не биле толку популарни. Тоа се променило кога кралот на Франција во 1655 година почнал да ја губи косата. Францускиот крал Луј XIV имал само 14 години кога косата почнала да му се проретчува. Загрижен дека тоа ќе му го наруши угледот, кралот обезбедил дури 48 перики за да си го спаси угледот.rnrnТака, носењето перика станало вистински тренд. Најобичната перика чинела 25 шилинзи, што била неделна плата на граѓаните од средната класа, а за посложени перики се плаќало дури и до 800 шилинзи. Но, овој тренд почнал да изумира кон крајот на 18 век и тоа почнувајќи од периодот на Француската револуција.rnrnОткако прочитавте за овој тренд, можеби ќе сакате да прочитате и за 7 -те стандарди за убавина од минатото кои изгледаат навистина бизарно денес.rnrnИзвор: nationalgeographic.rsrnrn -
Страв и трепет за сите живи суштества: Пронајден рептил кој бил поопасен дури и од Тираносауросот!
Во Мароко, недалеку од Казабланка, е откриен нов вид мозасаур, џиновски морски рептил од ерата на диносаурусите што на научниците им овозможило да дојдат до нови сознанија за живиот свет од периодот на Креда. Остатоците кои се пронајдени во провинцијата Курибга покажуваат дека станува збор за вид кој може да порасне и до 12 метри.rnrn
rnrnСпоред палеонтолозите, станува збор за предатор кој живеел непосредно пред ударот на астероидот и за кој се верува дека ги уништил диносаурусите и многу други живи суштества на планетата.rnrnЏиновскиот рептил наречен Таласотитан атрокс е далечен роднина на игуаните и гуштерите. Со огромни вилици и заби слични на китовите убијци, перки наместо нозе и опашка налик на ајкула, Таласотитан бил страв и трепет за другите морски рептили како што се морските желки и плезиосарусите.rnrnФосилите пронајдени во Мароко нудат увид во палеобиолошката разновидност кон крајот на периодот Креда, а новооткриениот рептил кој владеел со океаните пред околу 66 милиони години, е само едно делче од еволутивната загатка.rnrnОткако прочитавте за ова откритие, можеби ќе сакате да ги прочитате и 13-те митови за диносаурусите кои не се точни.rnrnИзвор: punkufer.dnevnik.hr -
Која била првата личност која открила комета со помош на телескоп?
Покрај тоа што таа била првата личност која открила комета со помош на телескоп, таа била и првата жена која работела како професионален астроном во САД…rnrn
rnrnВо 19 век жителите на Нантакет, Масачусетс, биле познати по нивните телескопи насочени кон морето во исчекување на локалните риболовци и китоловци. Сепак, Марија Мичел го користела својот телескоп да ги набљудува ѕвездите.rnrnДодека растела, таа му помагала на нејзиниот татко, аматер во астрономијата, да прави сложени навигациски пресметки за капетаните на бродовите, да го одреди времето на затемнувањето на Месечината и Сонцето, како и да го сними движењето на небесните тела.rnrnТака, во 22:30 часот на 1 октомври во 1847 година, 29-годишната Марија била на покривот од нејзината куќа каде што нејзиниот татко изградил опсерваторија. Таа открила нешто што го немало на нејзините астрономски карти: комета.rnrnШеснаесет години претходно, данскиот крал Фредерик VI понудил златен медал за првиот човек кој ќе открие комета преку телескоп. Наградата ѝ припаднала на Мичел. Благодарение на нејзиното откритие таа постанала првата жена професионален астроном во САД. По една година, таа била избрана за првата жена член на Американската академија за уметност и наука.rnrnОвие достигнувања ѝ помогнале на Мичел јавно да се залага за учество на жените во науката, за укинување на ропството и за правото на глас на жените.rnrnКометата 1847-VI, која таа ја открила, станала позната како комета на Мис Мичел. Освен тоа, еден од кратерите на Месечината е именуван по неа. Една година пред нејзината смрт, во 1888 година, нејзиниот брат океанограф, Хенри Мичел, бил дел од групата научници кои го основале Националното географско друштво.rnrnОткако прочитавте нешто повеќе за првата жена професионален астроном во САД, можеби ќе сакате да прочитате и кои 10 пречки треба да ги надминат астронаутите на патот до Марс.rnrnИзвор: nationalgeographic.rs -
Ние го најдовме совршеното место за работа од далечина!
Доколку сте од оние кои им припаѓаат на дигиталните номади и не знаете од кој град би сакале да работите на далечина, можеби би сакале да прочитате за ова шпанско гратче кое ги нуди сите поволности.rnrn
rnrnШпанија има голем проблем со жителите кои ги напуштаат руралните области и се преселуваат во градовите. Во изминатите 50 години населението во шпанските села се намалило за околу 30 проценти. Станува збор за сериозен проблем што дури и има име за таквите области – „la Espana vacia” или „празна Шпанија“.rnrnВо обид да го запре ваквиот тренд, општина во Јужна Шпанија презеде нови мерки. Така, општината Летур во провинцијата Албасете наскоро ќе почне да нуди поволни цени за изнајмување со цел да привлече нови жители. Цените се движат околу 300 евра месечно, а ќе бидат достапни околу 10 куќи со две или три спални соби.rnrnУбавината на живеењето во Летур е тоа што ќе бидете опкружени со природа, а ова место се одликува и со богата историја и култура. Освен тоа, ќе имате и ниски комунални трошоци како и ниски цени на производите за широка потрошувачка.rnrnСе очекува куќите да бидат завршени во следните месеци и да бидат достапни не само за шпанските туку и за странските државјани кои имаат право да живеат и работат во Шпанија или поседуваат шпанска работна виза.rnrnОткако прочитавте за ова мало место, можеби ќе сакате да прочитате и зошто луѓето кои работат од дома се посреќни.rnrnИзвор: punkufer.dnevnik.hr