Пред Spotify, YouTube и плејлистите што ги имаме на еден клик, музиката ја слушавме на касети.
Касетофонот беше задолжителен дел од многу домови, а омилената касета се премотуваше безброј пати. Понекогаш со копче, а понекогаш и со молив – за да не се троши батеријата.
Нова песна не можеше веднаш да се пребара на интернет. Ја чекавме да ја пуштат на радио, па во вистинскиот момент го притискавме копчето „REC“ за да ја снимиме. А ако водителот почнеше да зборува пред да заврши песната – целата снимка беше „расипана“.
Си правевме сопствени микс-касети, ги позајмувавме на пријателите и внимателно ги чувавме омилените албуми.
Денес имаме милиони песни во џебот, но тешко е да се заборави чувството кога ќе ја ставевме омилената касета, ќе притисневме „PLAY“ и ќе започнеше добро познатата песна.
Еден мал производ што денес изгледа како далечно минато, а за многумина носи цела колекција спомени.