Претходно
Рецепт за највкусната и најбрзата чоколадна торта
Денес ви споделуваме рецепт за традиционален шведски десерт – крцкава чоколадна торта која се топи во уста. Станува збор за вкусна торта со крцкава кора однадвор, но мека и сочна однатре, која е готова за околу половина час.
Потребни состојки:
- 135 грама путер + за подмачкување на калапот
- 55 грама какао во прав
- 350 грама шеќер
- 2 лажички ванилин шеќер
- 2 лажици шеќер во прав
- 130 грама обично брашно + за посипување на калапот
- 3 јајца
- прстофат сол
Начин на подготовка:
1. Загрејте ја рерната на 180 степени целзиусови. Намачкајте го калапот со путер и посипете малку брашно.
2. Растопете го путерот во тенџере на тивок оган. Тргнете го од оган и измешајте ги останатите состојки. Мешајте додека не исчезнат грутчињата за да добиете еднолична смеса.
3. Истурете ја смесата во подмачканиот калап и печете 35 минути. Проверете ја тортата по 20 минути. Готовата торта мора да биде крцкава однадвор, но мека однатре.
4. Декорирајте со шеќер во прав и послужете додека е топла. На здравје!
Откако го прочитавте овој рецепт, можеби ќе сакате да го прочитате и рецептот за чоколадна торта со свилено тофу.
Извор: punkufer.dnevnik.hr
