Претходно
Никогаш нема да ги задоволите другите, затоа бидете свои!
Понекогаш сакате да му покажете на светот колку сте беспрекорни со надеж дека сите ќе ве сакаат и прифатат. Но, не можете да им угодите на сите, ниту треба да се трудите.
Вашата убавина лежи во вашата ранливост, вашите емоции, вашите автентични несовршености. Кога го прифаќате она што сте, наместо да бидете онакви какви што мислите дека другите сакаат да бидете, вие се отворате за вистински врски, вистинска среќа и вистински успех. Немате потреба да се докажувате бидејќи …
1. Луѓето кои вреди да ги импресионирате сакаат да бидете тоа што сте
Подобро е да ве мразат поради тоа што сте, отколку да ве сакаат поради она што не сте. Всушност, единствените врски што ќе траат се оние кои ве прават подобра личност без да ве променат и кои не ве спречуваат да пораснете. Игнорирајте ги споредбите и очекувањата со кои се соочувате. Единствената личност со која треба да се споредувате сте вие самите. Докажете си себеси, а не на другите. Вистинските луѓе ќе ве сакаат поради тоа.
2. Никој друг не знае што е најдобро за вас
Не губете се во потрагата да бидете прифатени од другите. Одете самоуверено по вашиот пат и не очекувајте некој друг да го разбере вашето патување, особено ако не го поминал истиот пат. Дозволете им на луѓето да ве прифатат такви какви што сте или воопшто да не ве прифатат. Блеснете додека вашата страст и сила произлегуваат од вас за време на вашето патување – нека не ве задржуваат мислењата на другите.
3. ВИЕ сте единствената личност која може да ви го промени животот
Ваша одговорност е, и само ваша, да сфатите дека сте способни, без разлика што ви се случило до овој момент во животот, да донесете одлуки што ќе ја променат ситуацијата или ќе го променат вашето размислување за неа. Не дозволувајте мислењата на другите да влијаат на овој факт. Она што сте способни да го постигнете целосно зависи од тоа што ќе одберете да направите со вашето време и енергија. И затоа престанете да размислувате за тоа што мислат сите други. Само продолжете да ја живеете својата вистина.
4. Животот не е трка – нема што да докажувате
Многу луѓе сакаат први да стигнат до врвот на планината и да викнат: „На врвот сум!”. Но, вистината е, всушност, дека целата среќа и раст се случуваат додека се качувате, а не додека седите на врвот. Уживајте во патувањето обраќајќи внимание на секој чекор. Не брзајте низ животот и не пропуштајте ги важните моменти. Заборавете каде се сите други во однос на вас. Ова не е трка. Ќе ја достигнете целта, чекор по чекор, не одеднаш. Оставете ја настрана потребата да се докажувате пред другите и само така ќе го расчистите патот за да го постигнете она што ви е важно. Понекогаш треба да се потсетите дека не мора секогаш да го правите она што го прават другите.
5. Патот до сите големи работи поминува низ неуспеси
Постојано поминувате низ промени. Не мора секогаш да сте во право, само треба да не се грижите кога грешите. Грешките се дел од процесот. Ако премногу се трудите да ги импресионирате луѓето со вашата „совршеност“, ќе го спречите вашиот развој. Ќе го поминете целото ваше време гледајќи на одреден начин наместо да живеете на одреден начин. Невозможно е да се живее без понекогаш да се прават грешки, освен ако не живеете толку внимателно што навистина воопшто не живеете, туку само постоите. Ако премногу се плашите да направите грешка во присуство на други, нема да можете да го направите она што е неопходно за да бидете успешни во вашите очи.
Откако ги прочитавте овие совети зошто треба да бидете свои и да престанете да се докажувате пред другите, можеби ќе сакате да прочитате и како да бидете горди на себе и на она што сте.
Извор: atma.hr
