Претходно
Доживејте го шармот на јапонските продавнички и ресторани преку овие илустрации
Уметницата Angela Hao ја доловува магијата и разновидноста на јапонските излози преку нејзините илустрации. Иако живее и работи во САД, таа „патува виртуелно“ низ улиците на Токио и Осака преку Google Street View, а многубројните згради покрај кои поминува ѝ служат како инспирација.
„Мојата уметност најмногу се фокусира на архитектурата. Обожавам да ги сликам излозите на продавниците. За мене најинтересниот дел од создавањето уметност е кога додавам замислени елементи во навидум обичната реалност како дрвја, лоза, саксии, животни – сите овие нешта му даваат живот на цртежот“, вели уметницата.
Ќе се согласите дека нејзините илустрации кои ја спојуваат природата со урбаниот пејзаж, содржат естетски елементи слични со оние на анимираните филмови на Студио Гибли.
Доколку ви се допаднаа овие илустрации, можеби ќе сакате да ги погледнете и неверојатни илустрации што ја доловуваат магијата на покривите во Париз.
Извор: mymodernmet.com
