Претходно
ТВ серија: Бетвуман (Batwoman)
Кејт Кејн бара правда за Готам како Бетвуман
Главни улоги: Руби Роуз, Елизабет Анвејз, Рејчел Скарстен
Жанр: акција, авантура, криминал
Креатор: Керолин Драјс
Премиера: 6 октомври 2019
Број на сезони: 1
Времетраење: 40 минути
Јазик: англиски
Наша оценка: 6/10
Ваша оценка: 
(3 гласа, просек: 8,67 од 10)
Loading...
Универзумот на Ероу добива нов суперхерој. Овој пат, таа ни доаѓа од еден од најпопуларните градови во околината – Готам! За прв пат на малите екрани ние имаме можност да го погледнете животот на Кејт Кејн, односно Бетвуман, која решава да го облече костумот на Бетмен и да ги преземе нештата во своите раце.
Иако е освежувачко да се види олку моќен женски карактер во овој свет, сепак оваа ТВ серија не ги задоволува сите критериуми за да се најде на истата висина како Ероу (Arrow), Флеш (Flash), Легендите на утрешнината (Legends of Tomorrow) и Супергрл (Supergirl). Причините се повеќе, но онаа што најмногу се издвојува е самата актерка која ја доби главната улога.
Руби Роуз е одлична актерка, но изгледа многу вкочането како Бетвуман. Барем сега засега. Таа не успева да ја освои публиката со шарм како Стивен Амел (Ероу), Грант Гастин (Флеш) или пак, Мелиса Беноа (Супергрл). Сите тие внесоа нешто уникатно во својата улога, нешто по што се препознатливи сега. Дали и Руби Роуз ќе успее да го направи истото, останува на времето да покаже.
