Хан Соло ги запознава Чубака, својот иден пилот и Ландо Карлизиан, неколку години пред да му се приклучи на Отпорот.
rn
Режија: Рон ХауардrnrnУлоги: Алден Еренрич, Емилија Кларк, Јонас Суатамо, Доналд ГловерrnrnВреметраење: 135 минутиrnrnПремиера: 25 мај 2018rnrnЈазик: англискиrnrnЖанр: акција, авантура, фантазијаrnrnНаша оценка: 7/10rnrnВаша оценка: [ratings]rnrn rnrnhttps://www.youtube.com/watch?v=dNW0B0HsvVsrnrnДа бидеме реални, Хан Соло не може да постои без Харисон Форд. Дизни дефинитивно не се согласува со моето мислење, па затоа и вложи 250 милиони долари во филм што треба да ни го претстави легендарниот Соло без никакво присуство од страна на Харисон Форд. И не можам да кажам дека изборот на актерот и самата приказна е тотално разочарување, но сепак, пред да одите да го гледате филмот, сметам дека треба да ве предупредам да ги намалите очекувањата бидејќи кога ќе излезете од кино салата нема да го имате она епско чувство што го доживеавте со сите досегашни продолженија.rnrn
rnrnПоголемиот дел од времето филмот е добар за гледање. Кога прв пат ќе го запознаеме Хан (Алден Еренрич), тој краде со цел да остане жив на темна планета на која владее грдата и злобна Лејди Проксима. Тој од неа ќе украде нешто многу вредно, со цел да си купи излез од планетата за него и неговата девојка, Кира (Емилија Кларк). Но, Хан ќе избега, а Кира ќе остане, па нејзиното спасување ќе стане неговата нова, најголема животна мисија.rnrn
rnrnНајинтересното нешто во целиот филм, според мене, е роботот L3-37! Таа е самомодификуван дроид, односно еден вид комбинација од повеќе дроиди, па затоа и имала можност самата да се унапредува. Таа исто така и постојано се бори за еднаквост на дродите, сакајќи тие да уживаат во истите права како и сите други суштества во универзумот. Тука треба да се спомнат и Чубака (Јонас Суатамо), кој без сомнение ги пополни чевлите на Питер Мејхју, и Ландо Карлизиан (Доналд Гловер) кој неочекувано ќе ве воодушеви со својот перформанс.