Космичкиот вртлог си продолжува додека нашиот дом, ситна сина точка во темнината, се движи низ просторот. Иако можеби сме заглавени овде на безбедно, тоа не значи дека не ги креваме погледите нагоре. Луѓето отсекогаш им се восхитувале на неверојатните астрономски настани секоја година. Па извадете ги календарите и обележете ги најважните моменти во 2018-та година.rnrn
rn
31 јануари: Целосна лунарна еклипса и сина супермесечина
rnПрвиот месец од годинава завршува со двоен лунарен настан. Ќе има целосна лунарна еклипса, прва на Земјата по повеќе од 2 години. Сенката на Земјата врз целото лице на месечината ќе ѝ даде посебна црвенкасто-кафеава боја. Токму поради оваа нијанса целосната лунарна еклипса го добила името „Сина месечина“. Овој настан највидлив ќе биде над Тихи Океан, пред зора ќе се гледа во западниот дел на САД и Јапонија, а за време на изгрејсонцето ќе се гледа од Јапонија, Кореја, Австралија и Филипините. Оваа месечина ќе биде и супермесечина, односно ќе биде поблиску до Земјата.rn
15 февруари: Делумна соларна еклипса
rnОваа година нема да има целосна соларна еклипса, но ќе има 3 делумни. Оние кои ќе се наоѓаат во Северна Америка ќе може да сведочат на овој настан. Сонцето ќе биде покриено околу 10% до 20%. Над Антарктикот сонцето ќе бие покриено речиси половина.rn
20 март: Лансирање на леталото TESS
rnВселенскиот телескоп на НАСА, Transiting Exoplanet Survey Satellite или TESS, ќе ја започне двегодишната мисија и ќе истражува над 200.000 светли ѕвезди во потрага по други егзопланети. Лансирањето ќе биде од Флорида на ракетата Falcon 9 на SpaceX.rn
22 април: Метеорски дожд Лириди
rnОвој метеорски дожд почнува на 14-ти и трае до 30-ти април. Највидлив ќе биде на 22-ри. Месечината ќе биде само четвртина полна, па нема да пречи во прегледноста. Најдобро време за набљудување на метеорскиот дожд ќе биде од полноќ до 5 часот наутро.rn
6 мај: Метеорски дожд Ета Аквариди
rnХалеевата комета е најпознатата комета на планетава. А трагата која ја остава резултира со овој годишен настан. Дождот не е драматичен како останатите, но ќе биде видлив неколку денови. Најдобро ќе се гледа околу 6-ти мај, и тоа на екваторот и на Јужната хемисфера.rn
13 јули: Делумна соларна еклипса
rnИ оваа еклипса ќе покрие околу 10% од сонцето. Ќе биде видлива во Мелбурн и Тасманија.rn
27 јули: Целосна лунарна еклипса
rnВтората целосна лунарна еклипса ќе биде на средината на годината и ќе биде видлива за поголемиот дел од светот. Само Северна и Централна Америка нема да може да сведочат на настанот.rn
11 август: Делумна соларна еклипса
rnТретата и последна соларна еклипса за годинава ќе нуди и најголемо покривање на сонцето. Делови од Канада, Гренланд, Исланд, Кина, Русија, Скандинавските земји и Кореја ќе видат покривање и до 30%.rn
12 август: Метеорски дожд Персеиди
rnОвој метеорски дожд е омилен помеѓу љубителите на астрономијата. Кога е највидлив може да се забележат и до 60 метеори на час. Бидејќи месечината ќе биде млада, Персеидите ќе бидат лесни за забележување.rn
21 октомври: Метеорски дожд Ориониди
rnОвој метеорски дожд го добил своето име од соѕвездието Орион бидејќи изгледа како метеорите да доаѓаат од овде. Обично се забележуваат околу 10 до 20 метеори на час, но бидејќи месечината ќе биде полна, набљудувањето ќе биде потешко.rn
Ноември: Комета 38Р/Стефан-Отерма
rnПоследен пат оваа комета поминала покрај Земјата во 1980-та година. Кометата ќе достигне перихел, односно ќе биде најблизу до сонцето на 26-ти август и би требало да биде видлива уште тогаш. Од Земјата ќе може да се набљудува до 2019-та година, но најзабележлива ќе биде во текот на ноември.rn
Ноември: Враќање на астероидот „Ноќта на вештерките“
rnОколу Ноќта на вештерките во 2015-та година, астрономите проучуваа астероид кој помина покрај Земјата на растојание поголемо само 1,3 пати од она помеѓу Земјата и месечината. Најинтересното нешто за овој астероид е тоа што наликуваше на човечки череп. Тој повторно се враќа покрај Земјата во ноември, а астероид со оваа големина нема да ни се доближи дури до 2027-ма година.rn
14 декември: Метеорски дожд Геминиди
rnОва е можеби најневеројатното шоу на годината. Метеорите се појавуваат секоја година кога орбитата на Земјата ги „сече“ остатоците од астероидот 3200 Phaeton. Месечината ќе биде само една четвртина полна, па најдобро ќе биде да се набљудува во раните утрински часови. Очекувајте и до 100 метеори на час.