Претходно
Функционални работни катчиња во мал простор
Не секој располага со доволно голем станбен простор за уредување на посебна канцеларија. Но, доколку работите од дома, и тоа како ви е потребно ваше лично, работно катче, каде слободно ќе можете да ѝ се препуштите на вашата креативност и да уживате во вашето парче слобода. Доколку не знаете како би го постигнале тоа, се надеваме дека следниве совети ќе ви помогнат во реализацијата.
Поделете го работниот простор од дневната соба
Потрудете се да го изолирате работното катче од дневната соба со одредено парче мебел. На пример, соодветно голем плакар и слично, притоа внимавајќи на естетиката. Ваквото изделување позитивно ќе влијае врз вашите професионални достигнувања.
Најдете соодветно биро
Доколку имате слободен ќош, пронајдете го соодветното биро, што би се вклопило таму. Или пак, тоа може да биде едноставно потпрено на ѕидот. Што и да правите, размислувајте на функционалноста. Не ви е потребен огромен работен простор, сѐ додека имате одлично биро.
Потребните работи нека ви бидат при рака
Без разлика дали ќе поставите и неколку полици над самото биро, внимавајте сѐ што ви е потребно за работата да ви биде при рака и лесно достапно. Секако, зборуваме за најразлични документи, папки, канцелариски прибор, лаптоп итн. Некои од работите распоредете ги на полиците, некои ставете ги на самото биро, а другите пак, наредете ги во украсни кутии, кои одговараат на боите и сензибилитетот на вашиот дом.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
