Можеби е одбивањето да носи капа, желбата да не излезе од автомобилот или пак, воопшто да не влезе во него, но што и да е причината (реално таа може да биде буквално сè), сите родители знаат во кој момент нивното дете оди на патот кон целосна криза.
Кога тоа ќе се случи, навистина е многу тешко да се премине од менталната реакција на физичка бидејќи тие се целосно обземени од нивните емоции кои ги манифестираат преку физички сензации и стрес. Токму затоа, во овие тешки моменти, јогата може да биде вашиот најдобар спас. Погледнете ги следниве 5 јога пози кои можат да ви помогнат полесно да ги надминете тие навидум невозможни моменти…rn
1. Здивот на пчелата
rnНајпрво, побарајте од вашето дете да земе длабоко воздух. Ова може да биде одличен начин да создадете кратка пауза која ќе ја ослободи тензијата. Доколку и вие дишете длабоко со вашето дете, ќе создадете поголем ефект. Особено ако најдете начин како да го направите тоа забавно.
Седнете на колена, вдишете и истегнете го вашиот ‘рбет така што ќе ги повлечете рацете наназад. Издишете и спуштете го вашето чело кон земјата додека испуштате звук како пчелите.rn
2. Движење како мачка
rnНаучете го вашето дете дека доволно е да помести само еден мускул со цел да го промени начинот на кој се чувствува. Многу е тешко да се најде решение кога сè околу него/неа изгледа тесно. Токму затоа погрижете се да му објасните на вашето дете дека кога чувствува фрустрација, стрес или гнев, тоа може да го намали со помош на позата на мачката.
Вдишете и погледнете нагоре, дозволувајќи му на ‘рбетот да падне надолу. Издишете и повлечете ја брадата кон вас, подигнувајќи го ‘рбетот како што прават мачките.rn
3. Седење на облак
rnОдлуката да се земе тоа што во одреден момент нè мачи и едноставно да се отпушти, може да влијае многу моќно на едно дете кое достигнало толку високо ниво на немоќност. Оваа поза може да се искористи за да се соберат сите (невидливи) фрустрации на купче пред вас и вашето дете, а потоа едноставно да се фрлат нагоре во воздухот, каде што тие никогаш нема да се вратат. Ова исто така може да биде одличен начин да ги охрабрите вашите деца да го именуваат чувството кое им е тешко, без сè уште да треба да се справат со него. За што и да станува збор, вие можете да го именувате, да соберете сѐ на куп, а потоа и да го ослободите да си оди.
Вдишете, свиткајте ги вашите колена и „собирајте“ ги невидливите облаци околу вас. Издишете и исправете ги вашите нозе, подигнувајќи ги рацете над вашата глава.rn
4. Стоење како дрво
rnСите овие вежби се наменети да му дадете на вашето дете повеќе можности во моментот кога тој/таа чувствува како да нема ниту една (освен кризата). Вие можете да предложите поместување на фокусот со оваа поза на балансирање која има многу силен ефект на стабилизирање. Токму смиреноста и концентрацијата на оваа поза може да го смири фрустрираниот ум.
Исправете се. Поставете ја едната нога на вашиот глужд или над вашето колено и балансирајте. Вашите раце можат да бидат допрени со дланките врз вашите гради или да стојат во воздух како гранки од дрво. Земете неколку пати длабоко воздух, а потоа сменете ја ногата.rn
5. Детска поза
rnТаа може да биде од голема помош во сите оние стресни моменти така што ќе му овозможите на вашето дете да се грижи само за себе. На часовите по јога, оваа поза често се користи како одмор. Таа му овозможува на детето да се склопчи и истовремено да ги истегне долниот дел од грбот, колковите и бутовите. Таа има и неверојатно смирувачки ефект врз централниот нервен систем.
Започнете на раце и колена, а потоа притиснете наназад со цел да седнете на вашите стапала и повлечете ги градите кон вашите бутови. Истегнете ги рацете пред вас или поставете ги странично покрај вашето тело. Дишете длабоко и одморете.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.