Поучна приказна: Како треба да реагирате на зависта, злобата и навредите од другите луѓе?

Некогаш многу одамна си живеел еден стар, но мудар самурај. Тој имал група млади ученици кои ги подучувал на воени вештини, но и на мудрости. Еден ден, за време на обуката, дошол еден млад војник кој бил познат по својата грубост и суровост…rnrnrnrnНеговата омилена тактика била провокацијата: Го навредувал противникот кој го губел трпението, го прифаќал предизвикот, но во бесот правел грешка по грешка и секако, на крајот ја губел борбата.rnrnТака се случило и овој пат: Војникот извикал неколку навреди и започнал да ја набљудува реакцијата на самурајот. Самурајот мирно продолжил со своето предавање. Ова се повторило неколкупати. Кога самурајот никако не реагирал ниту по трети пат, војникот луто си заминал од предавањето.rnrnОстанатите ученици внимателно и со љубопитност ја набљудувале оваа ситуација. Откако војникот си заминал, еден ученик не издржал и почнал да зборува:rnrn„Учителе, зошто ги толериравте неговите напади и навреди? Требаше да го предизвикате на борба!“rnrnМудриот самурај одговорил:rnrn„Кога некој ќе ви донесе подарок и вие не го прифатите, тогаш чиј е подарокот?“rnrn„На тој што го донел подарокот“, одговориле учениците.rnrnСамурајот се насмевнал: „Истото важи и за зависта, мразењето, навредите и злобата. Сѐ додека не ги прифаќате, тие ѝ припаѓаат на личноста која ги носи во себе!“rnrnАко ви се допадна оваа приказна, прочитајте ја и оваа која ќе ве убеди дека секое лошо носи и нешто добро!