КАФЕ ПАУЗА

Tag: вибрации

3 песни што треба да им ги пуштате на вашите растенија за да растат побрзо

Наводнувањето на растенијата и оптималното ниво на светлина се едни од најважните фактори што ги одржуваат растенијата во живот, но ако сакате да растат уште повеќе, време е да станете уште понежни и поинтимни со своите растенија. Постојат одредени верувања дека музиката може да им помогне на растенијата да растат. Тоа не значи дека растенијата имаат уши, туку тие чувствуваат вибрации. Иако не е научно докажано, постои теорија дека растенијата реагираат на одредени стимулации од своето опкружување. Дури и ако сте скептични во врска со оваа теорија, нема ништо лошо во тоа ако вашите растенија слушаат неколку песни. Во продолжение ќе ги погледнете предлозите што ги препорачуваат поборниците на оваа теорија. Исто така, ако на секое растение му дадете име, поголема е веројатноста дека подобро ќе се грижите за нив.rn

1. „A Journey Through The Secret Life of Plants“ – Стиви Вондер

rnhttps://youtu.be/4avx25FdpsUrn

2. „Mother Earth’s Plantasia“ – Морт Гарсон

rnhttps://youtu.be/l0vrsO3_HpUrn

3. „Plant Music & Music for Gardens“

rnhttps://youtu.be/MjL-g1sTQ0krnrnПогледнете ги овие трикови со кои вашите растенија ќе добиваат точно онолку вода колку што им е потребно.

August 13, 2020
5 знаци дека вашите вибрации се ниски

Дали сте среќни и полни со ентузијазам? Доколку одговорот е не, најверојатно вашите вибрации се ниски. Ние сме енергија, а нашите мисли, чувства, однесувања и постапки имаат влијание на нашата фреквенција. Понекогаш, поради разни причини, запаѓаме во стапица на ниска фреквенција, ограничувајќи ги нашите моќи и потенцијали. Постојат неколку знаци кои ја рефлектираат вашата претерана „приврзаност“ со оваа материјална димензија, а во продолжение дознајте кои се тие.rnrnrn

1. Самосожалување

rnДоколку забележите дека се чувствувате невредно или инфериорно во однос на другите, ова е моментот кога физичкиот свет ве повлекол надолу. Вие не сте овде за да бидете познати, богати или успешни. Вие сте овде да научите за вашата свест. Ништо на Земјата не трае вечно – ниту парите, ниту успехот, ниту пак нашите тела. Штом ќе ја научите оваа лекција, успехот најверојатно самиот ќе дојде кај вас.rn

2. Постојано ги критикувате и обвинувате другите

rnДонекаде оваа точка е слична со претходната. Кога жалењето и вината го засенуваат вашиот потенцијал и волја, полесно е да ги обвините другите. Па доколку почнете со критикување, ова е знак дека вашата вибрација е ниска. Критикувањето може да биде корисно, но доколку постојано осудувате, тоа станува опсесија. Ослободете се од ова и преземете одговорност за вашата судбина, Ова е најмоќното нешто што можете да го направите.rn

3. Смеата ве иритира

rnДали сте помислиле или сте почувствувале дека не припаѓате кај среќните луѓе? Можеби пак мислите дека смеењето е плитко покрај сите проблеми во светот. И ова е знак дека вашата вибрација е ниска. Смеата не е само искажување радост, туку е и моќна алатка за подигнување на вашиот дух. Па, дозволете си да се смеете и уживајте во друштвото на оние околу вас.rn

4. Стравот ви го парализира животот

rnИако понекогаш стравот е корисен, понекогаш може да ве спречи да го покажете вашиот цел потенцијал. Од што навистина се плашите? Дали ви е страв од смртта? Важно е да бидете свесни дека смртта е неизбежна, без разлика дали се плашите од неа или не. Но смртта можеби е само нов почеток. Иако треба да бидете приземјени, понекогаш е добро да погледнете кон ѕвездите. Вие имате моќ да го промените вашиот живот, па не дозволувајте му на стравот да ве кочи.rn

5. Опседнати сте со материјални нешта и физички потреби

rnДали секое утро се будите со мислата како да заработите повеќе пари? А како точно ги користите овие пари? Дали ги користите за да заработите или купувате повеќе нешта, или пак ги користите за вашиот духовен развој? Повеќето луѓе погрешно ги користат парите и физичките потреби и запаѓаат во оваа стапица. Не заборавајте дека парите и физичките потреби се само манифестација на виталната енергија во вашиот живот. И парите и физичките потреби создаваат зависност. Тие се убави нешта и треба да ги цените, но научете да ги употребувате во ваша корист.rnrnПогледнете ги и останатите знаци кои покажуваат дали вашите вибрации се ниски или високи.

May 16, 2019
Мелодија за регенерација: Оваа лековита фреквенција го зајакнува емотивното и физичкото здравје

Старите цивилизации отсекогаш користеле вибрации за исцелување на телото и емоциите. Тие „магични“ вибрации кои се невидливи за нашите сетила, имале благотворно влијание на емотивната и физичката состојба преку звукот.rnrnrnrnСè има оптимална вибрација (фреквенција), а сите вибрации создаваат резонанса, односно звучни бранови во одреден простор. Кога ќе се соедините со таа резонанса, ние сме избалансирани. Сите органи и клетки во нашето тело ги апсорбираат и ги емитуваат звуците со одредена резонантна фреквенција.rnrnИмајќи го ова на ум, ви претставуваме музика со фреквенција 528, која исто така се нарекува и фреквенцијата на љубовта. Според досегашното искуство на многумина, таа има чудесен ефект на човечката психа. Оваа фреквенција ја користеле и древните свештеници и исцелители за да воспостават рамнотежа во телото на нивните пациенти.rnrnhttps://www.youtube.com/watch?v=hdmvMc7TZn0rnrnДоктор Риф со помош на оваа мелодија и во комбинација на Шумановата резонанса, редовно го исцелува и чисти телото од токсини. Музиката од 528 Hz претставува биоенергетско истелително средство за здравје и долговечност. Се верува дека оваа лековита фреквенција помага да ги вратиме ритамот и хармонијата во нашиот систем.rnrnОд друга страна пак, доктор Хоровтиц, водечкиот лидер во испитување на ефектите на фреквенцијата 528, верува дека мелодијата со неа може да го активира и најголемиот потенцијал на личноста што ја слуша.rnrnДали вие имате некакво искуство со оваа мелодија? Или пак, дали би сакале да пробате да ја слушате за да видите што би се случило?rnrnСлушнете ја и оваа волшебна ерменска музика за релаксирање.

February 16, 2019
Моќта на законот за привлекување: Дали во вашиот живот владеат високи или ниски вибрации?
Сè е составено од енергија која се разликува во количината и квалитетот. Она што е најважно е што таа вибрација, висока или ниска, може да влијае на начинот на кој го користите законот за привлекување. Со неа можете успешно да ги манифестирате своите цели.rnrnrnrnВисоката вибрација е поврзана со позитивноста, љубовта, сочувството и мирот. Ниската вибрација е поврзана со стравот, тагата и депресијата. Колку е повисока вибрацијата, толку сте поспособни да ги манифестирате вашите желби. Постојат неколку начини за подигање на вашата вибрација, но важно е да знаете каква е онаа што ја имате во моментот.rn

Кога е можно е да имате ниска вибрација?

rn
- Се чувствувате како да немате вистинска насока. Се чувствувате парализирано кога мислите на иднината.
- Се обидувате да ги потиснете чувствата како љубомора и завист.
- Иако сметате дека физички сè е во ред со вас, сепак се чувствувате уморно и после квалитетен сон.
- Не знаете што сакате од животот и кои се вашите главни цели.
- Чувствувате дека не ве интересира што ви се случува, или пак повеќе се грижите за другите отколку за себе.
- Секогаш се чувствувате виновни за нешто.
- Можете да се опишете како цинична личност.
- Размислувате како да сте центар на универзумот и не размислувате како вашите постапки влијаат на другите.
- Премногу се жалите.
- Тешко ви е да ја видите убавината во животот.
- Имате многу лоши навики кои сакате да ги промените, но се чувствувате како никогаш да нема да се случи тоа.
- Постојано се карате со другите.
- Немате физичка кондиција и немате енергија за тренинг или спорт.
- Вашиот ум постојано наоѓа негативни страни во вашите планови.
- Тешко ви е да простите, без разлика дали станува збор за себе или за некој друг.
- Ги трошите ресурсите на другите, па секогаш ви се потребни повеќе.
rn

Кога е можно да имате висока вибрација?

rn
- Вие сте личност која размислува за себе и ги разбирате вашите мотиви, чувства и мисли.
- Живеете во сегашниот момент наместо опсесивно да размислувате за минатото или да се грижите за иднината.
- Имате стабилно расположение. Вие сте личност со емоционална рамнотежа.
- Дисциплинирани сте и секогаш ги извршувате своите обврски.
- Имате изразена емпатија.
- Често сте благодарни за она што го имате, за луѓето и за искуствата во вашиот живот.
- Вие сте грижлива личност и можете да се грижите и за себе и за другите.
- Многу сте креативни и полни сте со инспирација.
- Вие сте во хармонија со вашето тело и знаете што му е потребно.
- Не се грижите премногу за пречките, особено ако тие не се во ваша контрола.
rnПогледнете ги и знаците на предупредување кои ви ги праќа универзумот.
October 15, 2017
„Квадратно дишење“ за позитивни вибрации и смирување на умот

Во потрага по едноставен начин за смирување на напнатоста во текот на стресниот работен ден, оваа техника на дишење можете да ја применувате каде било, па дури и на своето работно место. Тоа е едноставен и ефикасен начин да се смирите и да уживате во неколку минути мир коишто ќе си ги посветите себеси.rnrnrnrnДишењето се состои од четири фази за кои најчесто не сме свесни. Кога дишеме позабавено, ќе забележиме дека по секое вдишување и издишување, доаѓа до лесно задржување на здивот. Така, имаме вдишување, задржување на воздухот по вдишувањето, издишување и мала пауза по издишувањето.rnrnrnrnСите четири фази се важни за ритамот на дишењето, пренос на кислородот и регулацијата на „прана“, односно животната витална енергија. Квадратното дишење или „samavritti pranayama“ е една од ретките техники на дишење којашто внесува рамнотежа во вдишувањето и издишувањето. „Sama“ на санскрит значи еднаков, а „vritti“ промена, бран, модификација…rnrnОвој начин на дишење ја подобрува концентрацијата, помага при медитацијата и ја регенерира животната и психичката енергија, вклучувајќи ги и чакрите. Без оглед дали сакате да се наполните со енергија или да го смирите умот, оваа вежба дава одлични резултати.rnrnЗа почеток можете да ја користите шемата 4-4-4-4 секунди (вдишување, задржување, издишување, задржување), како што е прикажано на сликата погоре. Тоа претставува еден круг од вежбата. Слободно можете да го покачувате броењето сè додека тоа ви претставува пријатно чувство, а не заморување.rnrnСо текот на времето, можете да ја зголемите должината на ритамот на вдишување и издишување на 6 или 8 секунди. Но, внимавајте, сè што е над 8 секунди е за напредни практиканти.rnrnrnrnОвој начин на дишење не зависи од посебни надворешни фактори, туку сè што треба да направите е следното:rnrn1. Држете го ‘рбетниот столб исправен во текот на целата постапка. Очите треба да бидат затворени.rnrn2. Дишете низ двете ноздри. При задржувањето на воздухот држете ги ноздрите затворени со мудрата Вишну (показалецот и средниот прст на раката се свиткани, со палецот ја затворате десната, а со домалиот прст левата дупка од носот – оваа мудра е прикажана на фотографијата погоре). Доколку сте на работното место и не сакате да го привлечете вниманието на вашите колеги, дишете без затворање на носот.rnrn3. Визуализирајте квадрат. Следете го ритамот на дишењето низ квадратот во правец на стрелките на часовникот.rnrn4. Наместо броење, можете ментално да повторувате „Ом“. Со други зборови, наместо да броите до 4, во текот на сеансата 4 пати повторете „Ом“). Тоа помага во откривање на менталната длабочина, а подоцна може да се поврзе и со отчукувањата на срцето.rnrn5. Дишете природно! Опуштете го целото тело и не правете ништо под притисок.rnrn6. Сконцентрирајте се на внатрешниот мир. Неколку минути заборавете на сè околу себе и целосно предајте се на дишењето.rnrnДишете барем 5 минути на овој начин и ќе се изненадите какво дејство има оваа едноставна техника.

July 1, 2016
Еве ги одговорите на прашањето: Зошто вашата батерија на мобилниот телефон брзо се празни?

Доколку ви се чини дека останувате без батерија побрзо отколку што ви требало време за да ја наполните, тогаш внимавајте на овие неколку работи кои можеби се причините за тоа. Погледнете кои може да бидат.rnrnrn

1. Зголемена ви е светлината на телефонот

rnКолку повеќе е зголемена светлината, толку повеќе батеријата се троши. Затоа наместете ја светлината на вашиот телефон така што ќе ја намалите до степен да не ви влијае на видливоста, а воедно ќе ви овозможи подолго траење на батеријата.rn

2. Апликациите коишто ги користите

rnАпликациите коишто ги користите на телефонот може да имаат поголемо влијание на трошење на батеријата за разлика од некои други. Затоа најдобро е во поднесувањата да проверите кои апликации повеќе ја празнат вашата батерија и да ги затворите доколку не ги користите.rn

3. Известувања

rnВерувале или не, постојаните известувања кои ги добивате од Фејсбук или Инстаграм може да влијаат на брзото празнење на батеријата. Затоа исклучете ги, бидејќи и така немате потреба да го проверувате вашиот телефон на секои 5 минути.rnrnrn

4. Вибрации

rnВибрацијата ја троши вашата батерија повеќе, отколку ако вашиот телефон е ставен на нечујно или пак на звук. Затоа користете некоја од овие две опции за да не морате да го полните вашиот телефон на секој час.rn

5. Не го исклучувате wi-fi сигналот

rnДоколку вашето wi-fi е константно вклучено, немојте да се чудите зошто вашата батерија побрзо се празни. Најдобро е да го вклучувате само тогаш кога навистина ви е потребен.rn

6. Не го вклучувате авионскиот режим

rnДоколку знаете дека ќе треба да го користите вашиот телефон подолго време, а нема да ви бидат потребни праќањето и добивањето пораки и повици, тогаш одберете го авионскиот режим. Тој ќе ја зачува вашата батерија на подолго време.rnrnrn

7. Автоматско надградување на апликациите

rnСекој кој има паметен телефон знае дека некои апликации одвреме-навреме самите се надградуваат, но тоа истовремено влијае на батеријата. Затоа исклучете ја оваа опција за да немате проблеми со траењето на вашата батерија.rn

8. Вклучена ви е опцијата за пронаоѓање локации

rnДоколку опцијата за пронаоѓање на локацијата каде што моментално се наоѓате ви е постојано вклучена, ете ви уште една причина за батеријата побрзо да ви се испразни. Исклучувајте ја оваа опција во моментите кога воопшто не ви е потребна.

July 23, 2015
12 знаци кои покажуваат дека животот во моментов ви е во полн ек

Сите сме во суштина сочинети од енергија, a нашите вибрации претставуваат движење на нашата енергија низ просторот. Нашите вибрации се важни бидејќи влијаат на начинот на кој го живееме нашиот живот.rnrnrnrnСпоред законот на привлекувањето, ние ги креираме своите животи врз основа на нашите вибрации. Најпросто кажано, кога поседуваме високи вибрации, ние создаваме повеќе од она што го сакаме во животот. Кога нашата енергија е на ниско ниво, ние создаваме повеќе работи кои не ги сакаме.rnrnВажно е да се напомене дека вибрациите со текот на времето се менуваат и дека нема ништо лошо во тоа некој да има ниски вибрации, бидејќи и тие се вредни. Ниските вибрации ни даваат сигнал дека нашите размислувања и нашето однесување не ни помагаат да стигнеме таму каде што сакаме да бидеме, а тие сигнали можат да бидат исклучително корисни ако за нив сме свесни.rnrnСекако дека е корисно да знаеме и кога поседуваме високи вибрации со цел да можеме што подолго да уживаме во тие моменти.rnrnОва се 12 знаци на високи вибрации. Дали ги забележувате во последно време?rn

1. Едвај чекате да се разбудите и да го започнете денот

rnКога функционираме на високи вибрации, сè во животот ни делува возбудливо. Ако едвај чекате да скокнете од кревет и да го започнете новиот ден, сигурно сте на висока вибрациона фреквенција.rn

2. Се чувствувате здраво

rnНашите тела се физички манифестации на нашите вибрации. Висококвалитетната енергија е поврзана со високофункционално тело, што ги намалува, па дури и ги елиминира повредите и болестите.rn

3. Се чувствувате силно

rnКога нашата енергија е на високо ниво, се чувствуваме како да можеме да поместиме планина. Дури и најголемите проблеми тогаш изгледаат решливи, а најголемите предизвици остварливи.rn

4. Можете да комуницирате јасно и ефективно

rnКога нашите вибрации брзо се искачуваат, нашите зборови патуваат лесно и со мал напор. Тогаш можеме да комуницираме со другите на јасен начин, бес лапсуси и грешки.rn

5. Финансиски сте стабилни

rnСо добрата енергија доаѓа и изобилството во нашиот живот. Кога ни се високи вибрациите, имаме поголеми шанси да добиеме некаква награда и пари.rn

6. Имате пријатни односи со другите луѓе

rnСè е полесно на високи вибрации, дури и нашите односи се поубави. Во таквите моменти ги третираме другите луѓе со љубезност и почитување, дури и ако вообичаено сме воздржани кон нив.rn

7. Сè ви оди како подмачкано

rnВисоките вибрации ве одржуваат во оптимална состојба и продуктивност. Се чувствувате совршено урамнотежено, непреоптоварено, ниту здодевно. Често се чувствувате како да сте „во елемент“.rn

8. Времето брзо ви проаѓа

rnКога сè тече како подмачкано, времето брзо минува. Како што велат старите, времето лета кога се забавуваме, а кога се забавуваме, тоа значи дека сме на високи вибрации. Многу луѓе забележуваат дека времето брзо им поминува како што стареат. Некои веруваат дека тоа е заради тоа што се зголемува енергијата на целата планета.rn

9. Изразувате љубезност и љубов без причина

rnЛуѓето со високи вибрации просто емитуваат љубов кон својата околина. Тие природно шират насмевки, прегратки и љубезност без воздржување.rn

10. Имате интуитивни моменти

rnКога сме во состојба на висока енергија, ние ги примаме информациите кои доаѓаат преку границите на нашите 5 сетила. На пример, можеме изненадно да добиеме визија или одговор на некое прашање за иднината. Високите вибрации се поврзани со повисоки нивоа на знаење и разбирање.rn

11. Се чувствувате среќни и полни со елан

rnВаквите емоции укажуваат на тоа дека создавате позитивна енергија. Тие исто така се едни од најочигледните обележја на високи вибрации.rn

12. Се трудите да изгледате најдобро

rnНашата енергија влијае на нашиот изглед и на тоа колку се грижиме за себе. Кога се чувствуваме добро, нашата кожа повеќе сјае, нашата коса е посјајна и избираме поубава облека.rnrnАко покажувате знаци на високи вибрации, секоја чест. Продолжете да го правите тоа што го правите бидејќи се движите во вистинската насока.rnrnСепак, ако вашите вибрации не се доволно високи како што би сакале, не грижете се! Сетете се дека вашата енергија постојано ги менува вибрациите и дека свесно можете да го промените правецот во кој сакате да се движите.rnrnИсто така мора да запомните дека ниските вибрации секогаш се резултат на негативно размислување. Запрашајте се заради што имате негативни мисли и обидете се да се ослободите. Однесувајте се како вашите вибрации да се веќе на високо ниво: ширете љубов, пронајдете рамнотежа во сè што правите и постојано имајте природна широка насмевка на лицето.

May 17, 2015
Екран на допир кој ви го возвраќа допирот

Технолошката компанија „Senseg“ развива систем со кој екраните на допир ќе можат буквално да ви возвратат со допир. На пример, ако позадината на вашиот смартфон или ајпад е песочен пејзаж, кога со прстот ќе поминете преку екранот, ќе добиете чувство дека допирате вистински песок. Истото ќе се случи со која било друга вдлабнатина или испакнатина што ја гледате пред вас, на вашите уреди.Проектот на компанијата е наречен „Почувствувај го екранот“ и е базиран на ултраниска електрична струја. Таа создава привлечна сила меѓу екранот и вашиот прст, ја повлекува неговата кожа и ви овозможува реално чувство на она што го гледате на фотографијата.rnrnВо системот има инкорпорирано електростатично поле, кое произведува различни степени на триење, а главната тајна на компанијата е во трајниот и неверојатно тенок слој на екранот, кој ги пренесува електро-вибрациите и може да го собере во речиси секој уред. Тој може лесно да се прилагоди на секоја површина, без разлика дали е таа мазна, рапава, крива, мека или тврда.За разлика од уредите за контролирање видеоигри, овој екран нема подвижни делови во него, така што тој е сосема тивок, без вибрации и со брзо реагирање на вашиот допир. Во моментот системот е во рана развојна фаза, но се очекува да стане достапен на пазарот веќе наредната година. Во меѓувреме, преку следното видео погледнете како функционира прототипот, кој неодамна го промовираше компанијата:rn

rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

January 18, 2012
9 етички грешки што ги правиме со смартфоните

Денес сè повеќе луѓе се корисници на паметни мобилни телефони. Колку што се тие интересни за нивните сопственици, толку знаат да предизвикуваат зависност и занесеност, па не ретко се причина за оставање лош впечаток.rnrnДали сте вие од оние луѓе кои твитаат под маса на здодевните состаноци? Дали го ставате телефонот секогаш на масата, дури и кога сте на ручек или вечера, па вашиот смартфон го сервирате како дел од приборот? Дали го поставувате вашиот најнов Фејсбук-статус додека другите ви зборуваат? Ако се препознавате, вие имате премногу близок однос со вашиот телефон. Ние не замеруваме, но некој може да ви замери доколку ги преминете границите на учтивото однесување. Еве ги најчестите грешки.rn

1. Мулти-таскинг

rnНемојте да праќате СМС или да читате имејл-пораки додека разговарате со некого. Ако седите со некој на иста маса и истовремено пишувате порака, тоа ѝ покажува на личноста пред вас дека не ви е важна. Исто така, таа ќе почувствува дека не сакате да ѝ посветите време.rn

2. Брзо пишување

rnСекоја порака што ја праќате е продолжение на вашата личност, како персонално, така и професионално. Не пишувајте пораки со изговорот дека брзате. Вложете екстра време за да ја проверите секоја порака што сакате да ја пратите, исто како да праќате службен имејл од вашата канцеларија.rn

3. Вклучени вибрации

rnВибрациите го одвлекуваат вниманието бидејќи сите можат да ги чујат. Исклучете ги звуците на вашиот телефон и оставете го во џебот или во чантата додека сте на состанок. Доколку очекувате важен повик, кој мора да го прифатите, културно е да се извините и потоа да го направите разговорот надвор од просторијата, каде што нема да пречите никому.rn

4. Читање в скут

rnЧесто се случува да го држиме телефонот во нашиот скут, божем за да не се познава дека читаме. Но, единствено не се познава телефонот, но наведнатата глава ја издава акцијата. Ваквата пракса прави да изгледате незаинтересирано и ве спречува во редовното одржување контакт со очите на другите присутни. Исто така, ова е непристојно и остава многу лош впечаток за вас.rn

5. Долги говорни пораки

rnОва важи за сите корисници на мобилни телефони, не само за оние кои користат смартфони. Ако не ја добиете личноста што ја барате, сосема ОК е да оставите говорна пошта, но ако на неа подоцна ѝ треба лист и пенкало за да ги запише сите детали кои вие сте решиле да ги споделите, едноставно е премногу. На ова треба да го додадеме и фактот дека не смеете да зборувате неразбирливо додека оставате пораки со својот глас. Најдобро е да бидете кратки и јасни, кажете за што сакате да зборувате и евентуално оставете дополнителни информации за начинот на кој може да ве контактираат.rn

6. На втора линија

rnКога разговарате со некој и ви ѕвони втората линија, може за кратко да се префрлите на другиот повик, но не смеете да заборавите на личноста со која прво сте го започнале разговорот. Ако решите да го прифатите повикот, учтиво е да замолите да ве причекаат за момент, а потоа веднаш да се вратите назад. Во спротивно, доколку очекувате дека разговорот на втората линија може да потрае, културно би било едноставно да се извинете дека мора да прекинете и да кажете кога точно ќе се јавите за да го довршите разговорот.rn

7. Повратни мелодии

rnПовратните мелодии не се за професионалците. Можеби ви звучи забавно, но ако сакате да ве сфатат сериозно, не пуштајте го Еминем да рапува после звучниот сигнал кога некој ќе го повика вашиот број.rn

8. Зборување пред други луѓе

rn

Извинете се и тргнете се настрана за да го прифатите повикот. Немојте да разговарате пред други луѓе, особено во професионална средина. Тоа е безобѕирно кон луѓето околу вас.

rnrn

9. Прекинување лице в лице комуникација

rnПогоре кажавме дека не треба да се занимавате со вашиот смартфон додека сте во присуство на други луѓе, но ова уште повеќе важи додека сте во среде муабет. Да го прекинете соговорникот наведнувајќи ја главата и почнувајќи порака е едноставно премногу грубо. Ова покажува дека пораката ви е поважна од човекот кој е пред вас и му става до знаење дека сте незаинтересирани за разговорот.Прочитајте како да се однесувате културно во комуникацијата преку Скајп.

April 18, 2011