Tag: флерт

Некои луѓе се природно пријателски настроени, без разлика со кого треба да комуницираат. Исто така, често ваквата дружељубивост може да биде протолкувана како флерт, иако такво нешто воопшто не постои. Помеѓу дружељубивоста и флертувањето постојат многу сличности и затоа воопшто не е чудно што може да дојде забуна.rnrnrnrnРазмислете убаво, дали стоите преблиску до личноста со која разговарате? Дали можеби воспоставувате нетипичен контакт со очите? Всушност, ако не сакате да флертувате, тогаш воопшто не ни испраќате такви знаци. Што е тоа, во тој случај, што прави спротивната страна да помисли дека е предмет на интерес кај соговорникот? Генерално, мажите се оние кои во најголем процент сметаат дека жената соговорник има флертувачки намери, додека пак жените уште почесто го потценуваат однесувањето на мажите, односно не препознаваат кога некој флертува со нив.rnrnЗа да се препознаат сигналите и да се избегнат непријатни ситуации, експертите советуваат да ги следите овие знаци и да заклучите дали соговорникот флертува со вас:rn

1. Воспоставуваат подолготраен контакт со очите

rnОбрнете внимание на погледот на соговорникот за да заклучите дали е само пријателски настроен и љубезен или има и други намери кон вас. Еден од најјасните знаци на флертување е подолгиот, пролонгиран и интензивен контакт со очите кој кажува дека намерите се многу повеќе од пријателски. Така, ако погледот трае краток момент, проследен со лежерно „Здраво“, тогаш се работи за љубезна личност, што е многу различно од она кога ќе ве погледнат длабоко, ќе ве поздрават, а можеби и дури физички ќе се приближи повеќе од вообичаено. Тогаш со сигурност се работи за флерт.rnrnrn

2. Воспоставуваат физички контакт

rnОва е уште еден невербален знак дека флертот постои. Доколку забележите дека личноста сака да оствари физички контакт, ви ги допира рамениците, сака да ве држи за рака, но и да биде блиску до вас, може да биде знак дека се работи за флерт. Исто така, постојат и нијанси во интензитетот на физичкиот контакт, но лесно е да се забележи кога некој сака да биде близок со вас, отколку оние кои се непристојни и немаат разбирање за концептот на личен простор. Доколку ги немате истите чувства и намери, треба навреме да дадете до знаење дека не сте заинтересирани.rn

3. Поставуваат поконкретни и поинтимни прашања

rnФлертувачот има агенда која не постои кај пријателот. Пријателските разговори се полежерни, додека флертувачките сакаат да дознаат конкретни информации и ќе се обидат да остварат зближување. Ќе препознаете по неумесното, но неизоставно прашање во вакви ситуации: „Дали се гледаш со некого?“rn

4. Обрнете внимание на контекстот на разговорот

rnНајпрво, самиот тон на разговорот може да даде речиси точна информација за неговата позадина. Луѓето кои флертуваат не разговараат за времето надвор, за омилените филмови или за тоа како им поминал денот на работа. Тие прашања ги поставуваат за да можат да започнат разговор, но потоа ќе преминат на доста поинтимни теми. Тогаш веќе можете да бидете сигурни дека соговорникот има повеќе од пријателски намери кон вас.rnrnrn

5. Препознајте ги овие невербални знаци

rnКолку и да се чинат наивни, знаците како играње со косата, гризење на усните и местење на облеката упатуваат јасна порака дека другата личност сака да ве привлече. Некои од овие потези соговорникот ги прави потсвесно, без да знае дека всушност на некој начин ве заведува.rn

6. Ве почестува со по некој комплимент

rnНема личност која не сака комплименти, но од самата содржина на кажаното може да се препознаат и намерите на другиот. Доколку комплиментот е проследен со некој од погоре наведените знаци, како што се физичката блискост и обидите за заведување, тогаш веќе е јасно дека соговорникот е заинтересиран за вас.rn

7. Ќе укажат дека се сингл

rnВо текот на разговорот ќе дојде до момент во кој на некој начин спонтано ќе го откријат љубовниот статус (или ќе кријат дека се во врска). Во зависност од вашата желба ќе можете да го поведете разговорот во насока која е соодветна на намерите, односно доколку сте заинтересирани да одговорите на флертот, да ја откриете вистината за тоа дали сте во врска или не. Секако, во секој момент можете да укажете доколку сте во врска и не сте заинтересирани за овој флерт, споменувајќи го партнерот или споделувајќи ситни моменти од претходни состаноци.rnrnПрочитајте и колку добро флертува секој од хороскопските знаци.

Во последно време, многу се зборува за сексуалното вознемирување. Многу жени почнаа јавно да говорат за нивните негативни искуства. Некои момци реагираа бурно на сето ова, бидејќи сметаат дека во денешно време не се знае што е прифатливо, а што не кога станува збор за флертувањето. Момците не знаат како да им пристапат на жените без да бидат обвинети за сексуално вознемирување. Сепак, и покрај недоразбирањата, несомнено е дека постои јасна граница помеѓу флертувањето и сексуалното вознемирување. Во продолжение прочитајте како да им пристапите на непознатите девојки, без притоа да оставите лош впечаток…rnrnrn

1. Не почнувајте со коментар за нивниот физички изглед

rnЖените се човечки суштества, а не сексуални објекти. И жените го сакаат сексот, но тоа не е на нивната листа на приоритети. Ако ѝ пристапите на некоја девојка со тоа што ќе го искоментирате нејзиниот физички изглед, таа ќе помисли дека телото е единственото нешто што сте го забележале кај неа и дека само сакате да ја однесете во кревет. Тоа веднаш ќе ја натера да заземе заштитнички став. „Имаш прекрасни очи“ е излитена реченица која не функционира повеќе.rn

2. Внимавајте на нивниот говор на тело

rnОва не е толку тешко колку што си мислите. Ако девојката се повлече и се оддалечи од вас, тоа значи дека не се чувствува пријатно и треба да ја оставите на мира! Доколку има ставено слушалки, тоа исто така значи дека ѝ треба простор и дека не сака да разговара со никого. Знаците се очигледни, само треба да им обрнете внимание.rn

3. Доволно е да бидете директни и да почнете со обично „Здраво“

rnОва можеби ви звучи премногу едноставно, но понекогаш наједноставните решенија се и најдобрите. Трикот лежи во тоа да бидете навистина дружељубиви. Ова функционира, бидејќи се работи за природен начин да се започне разговор и не претставува закана.rn

4. Не заборавајте на правилата за обично муабетење

rnОва можеби ви звучи здодевно, но на тој начин ќе ја наведете да поразговара со вас, па затоа вреди да се жртвувате. Фокусирајте на она што ви е заедничко моментално: Изложбата што ја посетувате, местото каде што се наоѓате, па дури и временските услови. Ваквите секојдневни теми ќе ви помогнат да започнете пријателски разговор, колку и да ви звучат здодевно.rnrnrn

5. Во ред е да бидете нервозни, но неприфатливо е да бидете полни со себе

rnСосема разбирливо е доколку не можете да ја скриете вашата нервоза кога ѝ пристапувате на некоја девојка. Никој нема да ви замери поради тоа, дури може и да биде симпатично. Но, немојте да бидете полни со себе и да се однесувате како да сте ги освоиле сите жени на кои сте им пристапиле. Тоа нема да ви помогне да оставите позитивен впечаток.rn

6. Немојте да го претворате флертот во некаква цел

rnСакате да започнете разговор со некоја личност, а не да освоите награда. Девојките се човечки суштества исто како и сите останати момци со кои секојдневно комуницирате. На жените им е одбивно кога знаат дека се предметот на нечии желби. Но, го почитуваат тоа кога ги сметате за луѓе кои се можеби интересни и вреди да се поразговара со нив. Размислувајте за ова на следниов начин: Вашата цел нека не биде да влезете во нечии гаќички, туку да дознаете нешто што ќе ја издвои таа личност од останатите.rn

7. Разговарајте со неа како да е обичен човек

rnЕден интересен трик: Немојте да им пристапувате на девојките со реченици што не би ги употребиле на друг маж. Сигурно првото нешто што би му го кажале на непознат маж не би било „Ми се допаѓаат твоите очи! Многу се убави“. Разговарате со човек. Однесувајте се нормално, бидете љубезни и не бидете арогантни.rn

8. Бидете реални

rnНајверојатно нема да ја запознаете љубовта на вашиот живот на улица или во автобус. Таквите работи се случуваат само на филмовите. Најдобро е да ѝ пристапите на девојка која веќе подолго време ве интересира, ја гледате на факултет, во теретана или на некое друго заедничко место. Постојат големи шанси дека убавината не е единственото нешто што сте го забележале кај неа, туку дека има и други работи што ве привлекле. На тој начин, ќе имате што да кажете и нејзе нема да ѝ претставува проблем да разговара со некого кого го видела претходно. Само немојте да ја следите и зјапате со недели.rnrnДоколку сѐ уште не знаете како да им пристапите на девојките кои ве интересираат, прочитајте го овој прирачник за изгубени момци.

Тешко е да се препознае дали некој флертува со вас, особено ако се работи за срамежлив човек. Срамежливите луѓе многу тешко се отвораат и речиси никогаш не се осмелуваат да го направат првиот чекор. Сепак, постојат одредени суптилни знаци по кои можете да препознаете дали срамежливите дечко или девојка отспротива флертуваат со вас…rnrnrn

Суптилни гестови

rnСрамежливиот дечко нема да ви пее серенада под прозорец. Можеби само ќе ви испрати една насмевка од другиот крај на просторијата. Тој ќе се обидува да воспостави контакт со очи, но веднаш ќе го тргнува погледот. Дали забележавте дека онаа срамежлива девојка постојано поминува покрај вас? Можеби на тој начин се обидува да ви покаже дека е заинтересирана за вас.rn

Се однесуваат чудно

rnСрамежливите луѓе не се чувствуваат воопшто пријатно додека флертуваат, па може да почнат неконтролирано да се смеат и да петелчат. Понекогаш кажуваат работи што не треба и одговараат чудно на обични прашања. Сфатете го ова како знак дека се заинтересирани.rn

Стануваат нервозни

rnВие сте кажале „Здраво, како си?“, а срамежливите поединци исплашено ве погледнале, се збуниле и промумлале нешто. Тоа значи дека сте ги направиле нервозни, а тоа е знак дека најверојатно им се допаѓате.rn

Флертуваат онлајн

rnМожеби сте забележале дека вашите срамежливи симпатии се поотворени онлајн отколку во живо. Тие ги лајкнуваат вашите објави и ви коментираат на фотографиите. Но, сепак понекогаш им треба време за да смислат добар одговор на пораките. Немојте да мислите дека не се заинтересирани, ако не ви одговорат веднаш.rn

Не сакаат да зборуваат за себе

rnНа срамежливите луѓе не им е пријатно кога целото внимание е насочено кон нив. Па затоа, тие постојано ќе ви поставуваат прашања поврзани со вашиот живот и вашите интереси. На овој начин, тие ќе се спасат, а вие ќе зборувате цело време. Внимавајте на оваа замка!rn

Случајно ве допираат

rnАко вашите срамежливи симпатии постојано наоѓаат можност да ве допрат за рамо или за рака, тоа се нивните знаци на флертување. Но, за да бидете сигурни, обрнете внимание како се однесуваат со други луѓе. На некои поединци физичкиот контакт им доаѓа многу природно.rn

Се отвораат кога ќе испијат малку повеќе алкохол

rnТоа не значи дека треба да ги опијаните, но алкохолот навистина им помага да се опуштат малку. Ако се најдете во ситуација каде што има алкохол, обрнете внимание на тоа како вашата симпатија реагира на флертот. Сигурни сме дека ќе бидат многу посигурни во себе!rnrnАко се обидувате да започнете врска со срамежлива личност, запомнете дека таа можеби го чека вистинскиот момент за да ви каже како се чувствува. Или можеби не знае како да ви каже дека ѝ се допаѓате, без да звучи глупаво. Доколку ништо не се случува помеѓу вас, а не сте сигурни како се чувствува вашата симпатија, прашајте. Сигурно и вие сте малку срамежливи, но некој мора да преземе нешто. Зошто да не бидете тоа вие?rnrnСуптилните знаци се тешки за препознавање, но постојат и некои очигледни знаци дека тој флертува со вас.

Луѓето кои се во сериозна врска или брак честопати се прашуваат дали флертувањето со други лица доаѓа предвид. Генерално, се верува дека доколку не дојде до никаков физички контакт, флертувањето е сосема безопасно. Флертот се смета за пријателски начин на давање и добивање внимание што може секому да го разубави денот.rnrnrnrnСите сакаме да се потсетиме на нашите доблести, а флертувањето го нуди токму тоа. Ни ја зголемува самодовербата, а нема човек што не ужива во тоа. Од тој аспект, флертувањето е здраво и воопшто не треба да се грижите за него. Но, која е подлабоката вистина што се крие зад ова навидум наивно однесување?rn

Флертот е еден вид на компензација

rnПартнерите кои се во сериозна врска или брак по некое време не си разменуваат толку многу комплименти како на почетокот. Флертот на работа или на други места може да послужи како компензација за овој недостаток. Нормално е на партнерите да им недостасува безгрижната разиграност што била присутна на почетокот од нивниот однос. Тоа не значи дека тие ќе извршат неверство со личноста со која флертуваат, но може да е показател на тоа дека нешто не е во ред со врската или бракот. Флертот како средство за компензација и бегство од несреќната врска треба да се воочи и да се спречи навреме пред да прерасне во прељуба.rn

Како да препознаете дали флертот излегол надвор од контрола?

rnПостои разлика меѓу флертот и освојувањето, но границата меѓу нив е многу тенка и лесно е да се премине. Па, како да препознаете за што точно станува збор? Главното правило е дека за време на флертувањето не треба да постојат необични физички контакти како што се допири со рацете додека, на пример, едниот посегнува по кафе и тоа трае подолго одошто треба или ракување кое се одвива на истиот начин.rnrnСѐ се сведува на тоа дали вие чувствувате дека има нешто погрешно во односот помеѓу вашиот партнер и некоја друга личност и дали однесувањето е премногу „пријателски“ настроено. Доколку забележите дека вашиот партнер или сопружник многу често флертува со разни личности, но не флертува со вас, не ја игнорирајте ситуацијата, туку разговарајте за проблемот.rnrnКолку порано се справите со тоа, толку поголеми се шансите дека ќе го спречите потенцијалното неверство. Држете ги очите отворени и разговарајте искрено за сето она што ви пречи во вашата врска или брак. Добрата комуникација е темелот врз кој се гради секоја успешна љубовна врска.rnrnДоколку сакате повеќе да се информирате за оваа тема, прочитајте сѐ што треба да знаете за флертувањето.