Во постапокалиптичен свет, каде што градовите се движат на тркала и се консумираат помеѓу себе за да преживеат, две личности се среќаваат во Лондон за да се обидат да сопрат заговор
rn
Режија: Кристијан РиверсrnrnУлоги: Хера Хилмар, Роберт Шихан, Хјуго ВивингrnrnВреметраење: 128 минутиrnrnПремиера: 13 декември 2018rnrnЈазик: англискиrnrnЖанр: акција, авантура, фантазијаrnrnНаша оценка: 8/10rnrnВаша оценка: [ratings]rnrn rnrnhttps://www.youtube.com/watch?v=IRsFc2gguEg&t=2srnrnСмртоносни машини е адаптација на серијата книги од Филип Рив, и е нешто што досега без сомнение немате видено на големото платно. Настаните се развиваат во каллива пустина каде што луѓето едвај наоѓаат храна и гориво. Да, оваа околина можеби малку наликува на филмот „Лудиот Макс“ (Mad Max), но приказната е далеку поуникатна. И ако добро размислите, веднаш ќе сфатите дека може да биде и алегорија за начинот на руралните области се постојано заплашувани од урбаната доминација, во нашата сегашна реалност.rnrn
rnrnДејството се одвива во далечна иднина, после војната позната како „60 минути“ која го довела човештвото до работ на своето истребување, а светските метрополи избегале од своите локации. Да, добро прочитавте. Во оваа замислена иднина, постојат градови-предатори што демнат на тркала и ги „консумираат“ малите гратчиња, притоа асимилирајќи ја целата популација и сè што тие поседувале. Така и почнува овој филм – во првата сцена гледаме како Лондон „голта“ мало баварско рударско гратче.rnrn
rnrnКако што веќе спомнав, соголениот свет на Смртоносните машини умира, и човештвото е на работ на изумирање поради сопствената ароганција. И покрај сè, оваа ароганција сè уште е доминантна. Тоа можете да го забележите во решителноста на секој град да ја оствари својата замислена судбина да стане алфа предатор во светот на „општински Дарвинизам“. Гледајќи го овој филм, вие ќе се чувствувате како постојано да седите на работ од столчето, бидејќи со секоја минута ќе станува многу повозбудлива авантура!