Жена без факултетска диплома си го менува животот и му покажува на светот колку е важна уличната интелигенција
rnРежија: Питер Сегал
Улоги: Џенифер Лопез, Ванеса Хаџинс, Мајло Вентимиглија
Времетраење: 103 минути
Премиера: 21 декември 2018
Јазик: англиски
Жанр: комедија, романса
Наша оценка: 7/10
Ваша оценка: [ratings]
https://www.youtube.com/watch?v=YsVo5necW6Q&t=17s
Станува збор за комедија за професионалниот свет, каде што Џенифер Лопез ја има главната улога – Маја. Таа е 40-годишна жена која е прескокната за унапредување поради младо момче со магистерска во областа на бизнисот. Со оглед на тоа што Маја има само општо образование, за неа напредокот во кариерата едноставно веќе не е опција. За среќа, нејзината пријателка од работа има дете-гениј, кое ќе ѝ фалсификува резиме и ќе ѝ направи профил на Фејсубк, претставувајќи ја како амбициозната жена што не дозволува никој и ништо да ја запре – жената што таа си ветила дека никогаш нема да стане. Токму ова и ќе ѝ помогне да добие добра работа, за прв пат во нејзиниот живот.
Овој филм без сомнение не е нешто што е досега невидено, ниту пак ни нуди приказна со многу неочекувани пресврти. Комедијата следи типично стереотипно сценарио, па точно ќе знаете како ќе заврши уште во првите неколку минути од филмот. Сепак, тоа што го прави овој филм интересен за гледање е неверојатниот избор на ѕвезди – од самата Џенифер Лопез до Ванеса Хаџинс и Мајло Вентимиглија – вие едноставно ќе уживате во нивните неверојатни актерски способности и пред да трепнете, ќе стигнете го крајот – добро расположение и весели. Зарем тоа не е сè што ни е потребно од еден филм?