КАФЕ ПАУЗА

Category: Работа

Механизми на мозокот што можат да ја саботираат вашата кариера

Погрешниот начин на доаѓање до заклучоци или когнитивната пристрасност е начин на кој мозокот ги обработува информациите и брзо донесува одлуки, но во исто време го спречува развојот на вашата кариера. Поради тоа, луѓето имаат тенденција да работат или да веруваат во нешто само затоа што останатите го прават тоа. Овој подмолен механизам е најочигледен на состаноците – на колегите им е полесно да се сложат со идеите што не ги разбираат отколку да се распрашуваат. Сепак, знаењето е најдоброто оружје за да му се спротивставите на овој ефект, па затоа подгответе се пред состанокот за да можете рамноправно да учествувате во дискусиите.rnrnrn

1. Мозокот самоволно филтрира сè што ќе слушнете на работа

rnАфирмативната пристрасност е филтер што ги предизвикува луѓето да ги слушнат сите нови информации за да ги потврдат своите претходни верувања. За да бидете успешни, првиот чекор е да се освестите. При решавање на проблемите, запрашајте се дали сте го разгледале проблемот од сите страни или сте пристрасни.rn

2. Извадете ја главата од песокот, секој проблем има решение

rnЕфектот на ној е свесно игнорирање на лошата состојба. Иако тоа ви помага да се справите со стресот, на долг рок тоа сигурно ќе ве повреди и ќе ви наштети. Затоа, извадете ја главата од песокот, признајте си дека сте погрешиле, идентификувајте ги проблеми и почнете да барате решение. Само тогаш овој ефект целосно ќе исчезне.rn

3. Забележување на потребното време за извршување на задачите ќе ви заштеди нерви

rnЗаблудата при планирањето е најочигледна кај луѓето што водат кампањи. Поради склоноста погрешно да го проценат времето потребно за да се изврши некоја задача, многумина прво се несериозни, а потоа паничат кога роковите ќе ги притиснат. За да ги спречите паничните напади, запишете колку време ќе ви биде потребно уште пред да започнете со проектот. Кога ќе завршите, запишете колку време навистина ви било потребно. Повторувајте го истиот процес за подобро да управувате со вашето време.rnrnПрочитајте кои видови луѓе не можат да напредуваат на работното место.

January 10, 2020
7 скриени трикови што ги користат работодавците во текот на интервјуто за работа

Во модерниот свет, биографијата на кандидатот и обичното интервју не се доволни во потрагата по совршен вработен. Поради тоа, работодавците користат некои трикови, а повеќето од нив се толку едноставни што кандидатот може да падне на некој од тие психолошки тестови, па дури и да не забележи дека тоа всушност е тест. Во продолжение прочитајте какви трикови користат личностите што ве интервјуираат.rn

1. Ви нудат кафе со причина

rnrnrnВо последно време, овој тест стана многу популарен кај работодавците. На почетокот на интервјуто, ќе ве одведат во кујната и ќе ви понудат шолја кафе. По интервјуто, работодавецот внимателно ќе гледа што ќе направи кандидатот со шолјата – дали ќе праша каде да ја остави, дали едноставно ќе ја остави на масата или ќе ја измие.rnrnОвој трик открива многу повеќе за карактерот и за манирите на една личност отколку одговорите на поставените прашања за време на интервјуто. Исто така, тоа може да покаже колку брзо кандидатот ќе се вклопи во тимот. Во овој случај, најдобрата одлука е по интервјуто да отидете во кујната и сами да ја измиете шолјата.rn

2. Работодавецот намерно ве остава да чекате

rnrnrnВо реалноста, тестот со кафето е „невин“ трик. Ситуацијата може да биде многу полоша ако интервјуто е закажано во 9 часот наутро, но кога ќе пристигнете во канцеларијата, работодавецот е сè уште зафатен и мора да почекате 10 минути. Потоа уште 10 минути. И потоа уште 15 минути.rnrnОвој трик може да покаже колку е кандидатот емоционално стабилен во стресни ситуации и колку навистина сака да ја добие работната позиција.rn

3. Личноста што ве интервјуира одеднаш почнува да вика

rnrnrnПовишувањето на гласот, врескањето, па дури и употребата на навредливи зборови е уште еден начин да ја проверат вашата способност за справување со стресни ситуации. Експертите ве советуваат да останете смирени и да одговорите на поставените прашања колку што е можно посмирено.rn

4. Работодавецот има чудно барање и ве тера да скокнете низ прозорецот

rnrnrnВаквите ексцентрични барања служат за да го проверат кандидатот колку креативно може да размислува.rnrnМожете да се спасите од таквата ситуација на следниот начин: застанете на прозорецот, но скокнете на подот од просторијата каде што се одвива интервјуто бидејќи никој не ви појасни каде да скокнете. Но, можете и да го шокирате работодавецот поставувајќи му го прашањето: „Каква корист ќе има компанијата од мојот скок?“rn

5. Работодавецот одеднаш почнува да се однесува чудно

rnrnrnВо овој случај, кандидатот може да биде игнориран од работодавецот, да гледа во компјутерот, да одговара на телефонските повици или да ја напушти просторијата среде интервју.rnrnОвој трик служи за да покаже како кандидатот ќе го пренасочи вниманието на работодавецот или на кој начин ќе успее да се извлече од оваа ситуација. Една од најефикасните опции е да го замолите работодавецот да го презакаже интервјуто за друг ден.rn

6. Кандидатот се запознава со целиот тим

rnrnrnПо интервјуто, постои можност работодавецот да ви понуди да се запознаете со своите потенцијални колеги. Ова не е едноставен учтив гест, туку начин на кој работодавецот ќе дознае какви мислења имаат вработените за кандидатот.rn

7. На работодавецот ќе му падне пенкалото на подот

rnrnrnДруг тест што може да му помогне на работодавецот да забележи колку е кандидатот одговорен и добронамерен е да го испушти пенкалото на подот и да ја следи реакцијата на кандидатот. Ако кандидатот инстинктивно се наведне и го крене пенкалото, голема е веројатноста дека ќе биде вработен. Ако кандидатот му дозволи на работодавецот сам да го стори тоа, голема е веројатноста дека нема да биде вработен.rnrnПрочитајте кои видови луѓе не можат да напредуваат на работното место.

January 8, 2020
Кои видови луѓе не можат да напредуваат на работното место?

Колку и да се трудат, некои луѓе едноставно не можат да напредуваат поради своите недостатоци. Надредените не ги сакаат ваквите личности, а погледнете кои се седумте најчести видови луѓе што ги има во секоја работна околина.rnrnrn

1. Озборувачи

rnОвие личности постојано бараат информации за личниот и за професионалниот живот на колегите, а потоа ги споделуваат со останатите. Тие го поминуваат поголемиот дел од времето зборувајќи, а не работејќи, а колегите не им веруваат и се скептични кон нив.rn

2. „Да, да, може“ личности

rnОвие луѓе се совршени работници, никогаш не велат „не“ и не се жалат. Тие се љубезни, но не го кажуваат тоа што го мислат. Овие вработени немаат менаџерски вештини, така што надредените не можат да се потпрат на нив.rn

3. Вкочанети

rnСпротивно на претходните личности, овој вид луѓе одбиваат нови задачи. Тие го сакаат тоа што го прават и сакаат тоа да остане така. Не сакаат нови идеи и иновации и инсистираат на тоа дека сите треба да се придржуваат кон утврдените правила.rnrnНа овие личности им е тешко да стекнат доверба во својот тим и не им веруваат на луѓето, а тоа ги спречува да работат најдобро што можат.rn

4. Жртви

rnБез оглед на улогата на жртва, овие личности сметаат дека ништо од тоа што им се случува на работа не е поради нивна вина. Ваквите вработени не ја преземат одговорноста за пропуштени рокови и за грешките и најчесто ги обвинуваат другите колеги. Тие мислат дека правилата не важат за нив и обично тимот ја губи довербата во нив.rn

5. Личности што се прават паметни

rnОвие личности мислат дека се најпаметни и слепо се држат до своите верувања. Ако нешто не е направено како што треба, тоа е така затоа што останатите не се придржувале до нивниот план. Овие личности можат да бидат арогантни во меѓучовечките односи и за време на состаноците, но тие мислат дека се шармантни.rn

6. Личности што постојано се лутат

rnОвие личности не знаат да се контролираат, склони се кон нестабилно однесување во канцеларијата и имаат проблеми со управувањето со меѓучовечките односи. Нивните емоции постојано излегуваат на површина, а тоа вознемирува многумина.rn

7. Политичари

rnИако амбицијата (и планот за манифестирање на таа амбиција) се важни за секоја кариера, овие личности ја прикажуваат таа амбиција на поинаков начин. Целта на нивната кариера е стигнување до врвот и тие ќе го сторат тоа на кој било начин. Овие личности си ги припишуваат заслугите што не се нивни и за време на состаноците ги повторуваат информациите за да се направат попаметни.rnrnПрочитајте ги овие трикови како да преговарате за повисока плата.

January 3, 2020
Трикови како да преговарате за повисока плата

Го поминавте интервјуто за работа, работодавачот е задоволен со вас, но останува уште една ставка, а тоа е платата. Секогаш деликатна тема за разговор, веројатно и најнепријатната, каде што работодавачот секогаш се труди да помине подобро, а тоа значи дека вие добивате помалку пари. И вашата цел е да поминете подобро, па ако треба да преговарате за повисока плата, овие седум психолошки трикови ќе ви помогнат во тоа.rnrnrn

1. Дозволете му на работодавачот прв да понуди

rnДодека работодавачот не спомне за тоа, не спомнувајте ни вие.rn

2. Не се распрашувајте многу за просечната плата

rnВеројатно имате информации за просечните плати во таа компанија уште пред да отидете на интервју. Секоја компанија има финансиски лимит што ќе го потроши за вас, а секогаш ќе ви понудат помалку, но ако вие ја спомнете највисока бројка што работодавачот ја има замислено, тогаш сте елиминирани. Поради тоа, бидете тивки и дискретни додека ја истражувате финансиската моќ на компанијата.rn

3. Подобро е да кажете приближна бројка, отколку директна цифра

rnСекогаш започнете со „би се согласил на плата помеѓу толку и толку“, отколку „нема да работам за помалку од таа сума“. Тоа остава подобар впечаток, имате основа за преговори, ќе ја видите реакцијата на работодавачот и сè уште сте во предност затоа што испраќате позитивни сигнали за продолжување на преговорите.rn

4. Кажете необичен и закружен број

rnЕкспертите откриваат дека е многу подобро да користите необични или непарни броеви, па кога вашиот работодавач ќе ве праша за колкава сума би се согласиле да работите, подобро речете 950 евра наместо 1.000 евра. Притоа, секогаш имајте го предвид бројот три.rn

5. Користете ја можноста за контрапонуда

rnАко работодавачот ве праша дали би се согласиле со месечна плата од 1.000 евра, вие кажете 1.200. Но, оваа можност можете да ја искористите само еднаш. Ако тој во рече 1.100 евра, прифатете ја понудата.rn

6. Изгледајте возбудено, но не премногу

rnТреба да покажете ентузијазам и задоволство, но ако претерате, ќе изгледате како да сте излегле од екстремен очај. Работодавачот секогаш сака личност која е подготвена и сериозна во врска со намерите.rn

7. Секогаш кажувајте ја точната плата што сте ја земале на претходното работно место

rnОвие работи можат многу лесно да се проверат, а на никој не му е потребен лажго во работното опкружување. Освен тоа, сигурно не сакате да ја започнете новата работа со ставка „лажеше во биографијата“.rnrnБонус совет: Имајте доза на ароганција во ставот. Не е важно дали вашата плата ќе биде подобра, а вашата позиција полоша или обратно од претходното работно место – подгответе се однапред и секогаш директно кажувајте што сакате.rnrnПогледнете која боја на облека треба да ја носите на интервју ако сакате да ја добиете работата.

December 30, 2019
Ако сакате да ја добиете работата, носете ја оваа боја на облека на интервјуто

Постојат многу упатства што ќе ве советуваат што да облечете на интервју кои се дефинитивно добра почетна точка. Исто така, направени се многу истражувања за психологијата на боите за да се открие како луѓето ги перцепираат, но сепак, искуствата се многу субјективни. Луѓето имаат лични асоцијации со одредени бои и вие треба да го носите она што ве прави да се чувствувате моќно, но сепак, треба да внимавате што ќе облечете за да не ја изгубите можноста за вработување само затоа што сте оставиле лош прв впечаток. Поради тоа, погледнете каков впечаток оставаат следните бои.rnrnrn

Сината боја асоцира на работа

rnНе можете да погрешите ако облечете сина боја и според повеќето рабодотавци, сината е најдобрата боја за интервју за работа. Оваа боја остава впечаток на самодоверба и на компетентност и е боја што ја сакаат повеќето луѓе ширум светот.rn

Црвената боја води кон романса

rnЦрвената боја е храбра, впечатлива и на многумина им стои одлично. Таа е исто така моќна боја, а многумина ја поврзуваат со опасност и со романтика, па не е добро да ја носите кога сте во потрага по работа. Црвената боја навистина ќе ве истакне, но не на начин каков што сакате вие.rn

Сивата и црната ви помагаат да се вклопите

rnДали некогаш се чувствувате како да сте под радар? Облечете се во сива, суптилна и елегантна, но сепак не толку впечатлива боја. Истото важи и за црната – од една страна, таа се поврзува со авторитет и со софистицираност, но од друга страна, може да се смета за безбедна боја при облекување. Но, ако целата комбинација ви е во црна боја, тоа може да укажува на страв од излегување од комфорната зона. Ако некаде треба да настапите сами, црната боја е добар избор за балансирање и за постигнување авторитет. Но, ако сакате да се истакнете меѓу другите, размислете за похрабра боја.rn

Зелената е креативна

rnЗелената боја ги смирува сетилата и дава чувство на удобност. Оваа боја психолошки се поврзува со „повторното раѓање“ и со креативноста. Ако сакате специфична нијанса на зелена боја што може да има особено позитивно психолошко влијание, тогаш одберете тиркизна боја, комбинација на сина и зелена, која покажува стабилност и авторитет.rn

Розовата покажува позитивност

rnКога сте во друштво, носењето розова боја ќе го ублажи вашиот изглед и ќе ви ја подобри комуникацијата, а комбинирањето розова боја со некоја потемна и похрабра боја ќе ве направи попристапни. Оваа боја е добар избор ако сакате да оставите позитивен впечаток. Но, ако сакате да оставите силен впечаток, треба да изберете некоја потемна и поизразена боја.rn

Со жолтата боја бидете вимателни

rnКога станува збор за жолтата боја, пристапете ѝ со претпазливост. Од една страна, жолтата боја е позитивна и забавна и ве прави да изгледате разиграно, но, од друга страна, разиграноста можеби не е она што се обидувате да го постигнете во работната средина. Жолтата боја не им се допаѓа на многумина, но тие што ја сакаат, реагираат многу позитивно на неа.rn

Белата означува организираност

rnАко сте сигурни дека сте вид човек што спаѓа во оваа категорија, облечете бело на интервјуто за работа. Нема подобар начин да им покажете на другите дека сè што правите е сериозно.rnrnПогледнете како да откриете која е вашата работа од соништата.

December 18, 2019
Дали го работите тоа што го сакате? Еве како да откриете која е вашата работа од соништата

Велат дека кога ќе го пронајдете она што вистински уживате да го правите, никогаш нема да имате чувство дека работите.rnrnrnrnУште како деца, многумина од нас чувствуваат одредена страст кон некоја професија. Со текот на времето, некои од нас ги менуваат своите интереси, но она што ќе го препознаеме како професија од нашите соништа некаде во текот на средното образование, во голема мера го поставува патот за развој на нашата идна кариера. Сега, кога веќе сме оствариле одреден успех, честопати се прашуваме, дали е тоа токму она што самите сме си го посакале?rnrnНашата личност созрева со текот на годините, а тоа со себе носи одредени промени во нашето размислување. Нема потреба да се обесхрабрувате ако сè уште барате работа, но ако сакате да си го олесните процесот, обидете се на следниве начини да си помогнете во потрагата.rn

Истражете ги своите вештини

rnОткријте во што сте навистина најдобри, а потоа забележете ги своите вештини. Размислете која професија ќе ви донесе најголем успех имајќи ги предвид сите вештини што ги поседувате, а кога ќе го сторите тоа, дадете сè од себе за да уживате во тоа што го правите најдобро, па дури и ако таквиот ангажман бара целосен пресврт во вашата кариера.rn

Размислете за чувствата што ги имате кон вашето моментално работно место

rnРазмислете за тоа како се чувствувате додека секој ден одите на работа. Ако се чувствувате мотивирани да давате сè од себе секојдневно, тогаш сте на вистинското место, но ако се чувствувате исцрпени и немирни и повеќе не сте среќни на работното место, тоа дефинитивно е знак дека во моментов сте на погрешно место и вашата кариера е доведена во прашање.rnrnАко се чувствувате незадоволни од вашата работа, не се задоволувајте само со фактот дека работите. Вие заслужувате многу повеќе и имате право да се борите за повеќе.rn

Усовршете се

rnКога ќе сфатите дека не сте задоволни од вашата кариера, изберете друга област во која ќе можете да ги надополнувате своите знаења, така што ќе имате поширок спектар на можности во потрагата по совршена работа.rn

Поставете си цели

rnМногу е важно да ги визуелизирате целите кога станува збор за вашата кариера, затоа што само кога точно знаете што сакате, ќе знаете што да барате. Ако пред себе не поставите јасни цели, многу лесно може да ја промените вашата работа или да изберете уште една што повторно нема да ве направи среќни.rnrnЗначи, ако забележите дека не сте задоволни од вашата кариера, никогаш не е доцна повторно да се пронајдете во некоја професија, важно е само да му пристапите на избирањето работно место систематски и со одредена одговорност кон себе, што е идеално за вас според вашите желби, цели и вештини.rnrnДоколку сакате, може да прочитате и за четирите работни места за парови кои сакаат да работат заедно.

December 13, 2019
На кариерата на жените не ѝ штетат децата, туку мажите

Жената мора да помине низ многу препреки за да изгради успешна кариера. Новите истражувања кои се бават со оваа проблематика покажуваат дека мајчинството не е толку голема пречка за успешната кариера на жените, колку нивните мажи.rnrnrn

Престанете да ги обвинувате мајките за проблемите што ги создаваат татковците

rnЕден од најголемите модерни митови за мајчинството е дека раѓањето деца ќе ѝ наштети на кариерата на жената. На жените упорно им се кажува дека треба да избираат помеѓу работата и децата или дека треба да се борат и да балансираат во нивните најпродуктивни деловни години.rnrnНо, во пракса се покажува дека мајчинството или децата не ги спречуваат женските кариери и нивните лични амбиции, туку мажите кои одбиваат да ја извршат нивната улога во семејството.rnrnАко татковците ги извршуваат истите домашни работи што мајките секогаш ги прават, женските кариери би можеле да „цветаат“ на начин на којшто никогаш не сме замислувале. Но, за да дојдеме до тоа, прво треба да престанеме да ги гледаме проблемите на работното место на мајките како проблем на балансирање со обврските и да започнеме да зборуваме за тоа колку тоа што мажите ги запоставуваат своите домашни обврски им го отежнува успехот на жените.rnrnДа, веќе знаеме дека мажите денес работат повеќе отколку претходните години. Татковците велат дека поминуваат околу осум часа неделно со своите деца, што е трипати повеќе од нивните татковци во 1965 година.rnrnСепак, фактот дека мажите прават повеќе денес, не значи дека прават доволно. Иако има одреден напредок, мајките сепак поминуваат скоро двојно повеќе време со своите деца, околу 14 часа неделно. Но, родителството не е „опиплива“ работа што може да се пресмета. Пример, лесно е да се каже кој подготвува ужина за на училиште и кој ги носи децата наутро, но некој треба да ги подготви и кога одат на екскурзија или да биде со нив кога купуваат долна облека или нови патики.rn

Колку татковци знаат точно да кажат кој број чевли носи нивното дете?

rnОвој вид „невидлива“ работа скоро секогаш им припаѓа на жените, а ретко зборуваме за тоа како тоа влијае на нивните кариери. Замислете наместо да имаат глава полна со списоци што треба да се пазарува, посета на заболекар, екскурзија, жените да имаат простор да размислуваат креативно за нивната работа или за некоја друга страст.rnrnЗа мајките, самата слобода да размислуваат е привилегија!rnrnСтудиите, исто така, покажуваат дека татковците сè уште имаат значително повеќе слободно време од мајките кои своето слободно време го користат за да извршуваат домашни обврски и да минуваат време со своите деца, додека татковците ги користат за хоби и за релаксација. И ова влијае на кариерите: знаеме дека луѓето кои имаат повеќе слободно време и време за креативни активности имаат подобри резултати на работа.rnrnИ, како тоа да не е доволно, многу работни места имаат и „казни за мајчинство“. На мајките им е многу потешко да најдат работа од жените кои немаат деца, а и платите значително им се намалуваат по породувањето. Една студија од 2017 година покажала дека разликата во платите скоро во целост се должи на мајчинството. Од друга страна, мажите се чини дека добиваат повеќе пари откако ќе добијат деца. Индивидуалната и системската дискриминација врз мајките останува непроменета, и тоа во голема мера влијае на способноста на жените да постигнат некои резултати во општеството.rnrnНо, соочувањето со дискриминацијата на работното место е директно и што е уште поважно, конечно, жените ја препознаваат и ја пријавуваат кога е неопходно. Иако е општо познато дека мажите поминуваат помалку време во грижа за децата, многу луѓе сè уште ги осудуваат ваквите практики. На пример, постојано слушаме за тоа дека жените едноставно „подобро се грижат“.rnrnЛуѓето треба да престанат да веруваат дека жените ги прават повеќето од домашните работи затоа што така сакаат. Тоа од нив се очекува за да не ги осудуваат ако не го прават тоа, а најмногу од сè, затоа што е неверојатно тешко да се најде партнер кој е подготвен да изврши еднаков дел од работата дома.rnrnЗатоа, треба да престанеме да зборувате дека мајчинството е она што ги спречува женските кариери. Институцијата родител не ве спречува да имате успешна работа. Ниту вашите деца не се причината да не успеете. Поентата е дека нема шанси за еднаквост во кариерите сè додека има нееднаквост дома.rnrnМожеби сакате да прочитате и за 5 кризи низ кои минува секоја жена во животот.

November 19, 2019
Четири работни места за парови кои сакаат да работат заедно

Можеби е тешко да најдете огласи за две работни места во ист бизнис и да бидете сигурни дека и двајцата ќе се вработите истовремено. Но, има многу други можности за оние парови кои сакаат да работат заедно. Веќе планиравте свадба заедно, па зошто да не испланирате и заеднички бизнис. И знаете што велат, паровите кои заеднички ги плаќаат даноците, остануваат заедно!rnrnrn

Водење сопствен бизнис

rnНе треба да ве изненадува фактот што на врвот на листата е отворањето заеднички бизнис. Вие двајцата можете да бидете коменаџери или косопственици, но водењето бизнис ќе ви овозможи и да поминувате повеќе време заедно.rnrnГолема е бројката на нови отворени бизниси секоја година и постојат некои проценки дека некаде помеѓу 20-30% од овие нови бизниси се отворени од парови.rnrnМоже да купите веќе постоечки бизнис или да отворите нова компанија.rnrnЕдниот од вас може да работи со клиентите, да пронаоѓа производи, да држи обуки, а другиот може да ја води деловната страна од работата како книговодство, подготвување буџетска рамка, ангажирање вработени и друго.rnrnМожете да создадете ваш сопствен бизнис преку Интернет и да продавате производи, да понудите услуги или да ги правите и двете работи истовремено. Треба да започнете со привлечен домен и да го регистрирате, да направите веб-страница и да научите оптимизација или да ангажирате некој што ќе го прави тоа за вас. Без разлика дали ќе изберете да имате онлајн продавница или вистинска продавница, вашето присуство на Интернет е подеднакво важно.rnrnТреба да ги знаете вашите меѓусебни предности и маани и да се вложите целосно за вашиот бизнис да се развива и расте.rn

Одржувачи на имоти

rnАко сакате да патувате и да видите нови места, тогаш оваа позиција може да биде за вас. Одржувачите на имот го прават токму тоа: водат сметка за имотите. Овие имоти обично се места што ги поседува некој што не е на својот имот во текот на целата година. Тоа може да бидат фарми, куќи, земјоделски површини и многу други работи.rnrnРаботата би требало да биде релативно лесна: да водите сметка имотот да не се запали и изгори. Можеби ќе треба да научите и како да се грижите за некои растенија, да обработувате земјоделски површини, да одгледувате животни, па затоа бидете спремни да учите нови нешта.rnrnНедостатоците на оваа работна позиција може да бидат оддалеченоста од урбаните средини и немањето контакт со повеќе луѓе подолго време. Тоа може да ве претвори во досадна двојка.rnrnНекои луѓе патуваат низ светот и се фокусираат само на недвижен имот, како куќи. Ако ваквиот животен стил ви прилега, може да се обидете.rn

Мисионерска работа

rnОва не мора да биде само религиозна дејност, иако можеби имате таков впечаток. Но, тоа би можело да биде и работа со деца од ризичните групи или семејства кои се во социјален ризик. Постојат луѓе од многу места во светот на кои им е потребна ваквата помош.rnrnНекои од овие места се во големите градови, додека други се доста оддалечени, како центрите за рехабилитација. Овие работни места бараат многу труд, но ако имате отворен ум и срце и сте подготвени да помогнете тогаш вреди да се обидете.rn

Менаџирање на магацин

rnМожеби ова е „најоткачениот“ предлог на листата, но има многу магацини што нудат работа за парови. Зошто? Бидејќи им треба некој што ќе биде во магацинот во секое време, спремен да работи со клиенти кои ќе доаѓаат да остават нешто или да одберат нешто што им треба.rnrnМногу од овие работни места нудат и дополнителна заработка како бонуси, но тоа, исто така, значи дека можеби нема да можете да го напуштите магацинот кога ќе посакате. Исто така, би можело да ви биде тешко да ги разликувате работата и приватноста.rnrnЗа секоја од овие можности можеби ќе ви бидат потребни и дополнителни квалификации, па затоа размислете пред да се одлучите на ваков чекор.rnrnРаботењето заедно со партнерот си носи свои предности и предизвици. А погледнете кои работи треба да ги знаете пред да се откажете од работата за детето.

November 12, 2019
Дали треба да се дружите со колегите од работа?
Пријателството на работа може да го намали вашиот стрес и да придонесе за проширување на вашите видици, за релаксација и да биде добра основа за доживотни деловни врски, па дури и за партнерства.rnrnrn

Да се дружите со вашите колеги од работа или не?

rnОдговорот на ова прашање не е едноставен. Речиси е невозможно да се употребат одговорите „да“ и „не“ во средина каде што работат многу луѓе. Но, прво да дефинираме што се подразбира под дружење со колегите.rnrnДружење е кога развивате добар колегијален или пријателски однос со колегите, што барем делумно се протега и во приватниот живот. Пријателството можете да го одржувате со заеднички ручек за време на паузите, со пијалак по работното време или да се дружите во слободното време во кое не мора да бидат вклучени и членовите од вашето семејството.rnrnАко избегнувате блискост и дружење, ќе ве сметаат за чудни, антисоцијални и аутсајдери, што не е некоја завидна позиција и може многу лошо да влијае врз вашата кариера. Не заборавајте дека многу често со колегите на работа поминувате повеќе време отколку со семејството и со пријателите.rnrnДружењето со колегите по работното време може да биде многу корисно за вашето психичко задоволство, а исто така може да ви даде до знаење на кои колеги можете да се потпрете, а на кои не и на кои колеги можете да им верувате, а на кои не можете.rn

Што не смеете да пропуштите?

rnНастани што во никој случај не треба да се пропуштат:rn
- Сите видови дружење и забава за вработените
- Новогодишна забава
- Еднодневна или викенд екскурзија со вработените во компанијата
- Роденденска забава
- Забава за збогување со колега/колешка
rnТреба да бидете присутни на повеќето друштвени настани што се организираат од компанијата во којашто работите. Се разбира, може да има причини зошто некогаш нема да можете да отидете на одредена забава, но постојаното одбивање да присуствувате на ваквите настани значи непочитување на колегите и на претпоставените, па дури и занемарување на вашата работа. Така, сето ова може да биде контрапродуктивно. Ако не сакате да бидете дел од заедницата на одредена компанија, дефинитивно треба да си го поставите прашањето зошто воопшто работите во таа компанија.rn

Бидете дел од тимот

rnМногу колеги по работното време одат заедно на ручек, на кафе или на пијалак и одвреме-навреме сигурно и вие ќе добиете покана за роденден, за скара, за спортски натпревар, па дури и за свадба. Се разбира, сето ова не е во описот на вашето работно место, што значи дека немате обврска да појдете. Но сепак, потрудете се да присуствувате барем на дел од нив.rnrnВашето прифаќање на поканата за ручек, за пијалак или за забава значи дека се чувствувате како дел од тимот, но и дека колегите ве сметаат за дел од своето друштво или сакаат да станете дел од него. Ако сте срамежливи и тивки не значи дека треба да ги избегнувате поканите за дружба. Никој не очекува од вас да бидете во срцето на забавата и на разговорот или во центарот на вниманието, туку да бидете дел од целината како и сите други.rnrnЗапомнете дека во такви ситуации секогаш можете да дознаете корисни информации поврзани со работата, со колегите и со претпоставените што можат да ви помогнат при извршувањето на работата. Со оглед на тоа што во едно такво опкружување се зборува поотворено, значи дека можете да зборувате за одредени проблеми на работа, да решите некои спорови, да креирате стратегии итн. Исто така, добрите идеи многу често се раѓаат во порелаксирано опкружување.rnrnУште неколку причини зошто е добро да се дружите:rn
- Можете слободно да го искажете вашето мислење на пријателски начин и во пријателска околина
- Нема да се чувствувате нелојално и негативно
- Можете да кажете работи што ви лежат на душа
- Можете да дознаете што навистина се случува зад затворени врати
rnИако дружбата со колегите е пожелна, на работа постојат и токсични луѓе од кои треба да се држите понастрана.
November 4, 2019
Ова ќе бидат најбараните работни позиции во 2020 година

Загрижени сте за сигурноста на вашата работа? Можеби треба да размислите за промена на професијата. Како што знаеме, светот станува исполнет со технологија, и поради тоа сите работни позиции имаат технолошки елемент. Не сите бараат да знаете програмски јазици, но сепак треба да имате мало предзнаење.rnrnrn

1. „Блокчејн“ програмер

rnСе смета дека ова ќе биде најбараната позиција во 2020. Тоа е така бидејќи инфраструктурата со крипто-валутите е во развој.rn

2. Физиотерапевт

rnПотребата за физиотерапевти се зголеми оваа година и трендот ќе продолжи и во 2020.rn

3. Дигитален и видео маркетер

rnПотребата за овие позиции е висока во маркетинг индустријата и ќе стане уште поголема бидејќи видеото станува сѐ повеќе популарно. Видеото се користи за зголемување на онлајн корисниците на начин во кој содржината не може да биде пренесена сама од себе.rn

4. Управувач со дронови

rnОва е сосема нова област и се смета дека ќе биде доста успешна. Компаниите бараат квалификувани матуранти и средношколци да управуваат со дронови бидејќи потребата од дроновите се зголемила во последниве години.rn

5. Проект менаџер за Интернет безбедност

rnСе смета дека ќе има нови 3,5 милиони работни позиции во оваа област. Проект менаџерите за безбедност кои имаат малку искуство може да заработуваат дури и 66 илјади долари годишно како почетна плата.rn

6. Техничари за безбедност, пожар и услуги

rnОваа работна позиција вклучува инсталација на сигурносни системи, аларми против кражби, аларми против пожар итн.rn

7. Финансиски технолози

rnФинансискиот сектор постојано се развива и се очекува да се зголеми за 11% до 2026. Според фирмата „Арора“, овој пораст ќе биде фокусиран на технолошката страна на финансискиот дел од бизнисот.rn

8. Адвокати и правници

rnСе смета дека адвокатите и правните лица кои имаат искуство од барем три години ќе бидат многу барани следната година. Овие позиции ќе бидат барани од страна на правните фирми и корпорациите.rn

9. Домашни негуватели

rnСпоред статистиките, голем број од луѓето кои се над 65-тата година имаат потреба од домашна нега до крај на нивниот живот. Работната позиција како домашен негувател е многу поценета отколку работењето во старечки дом.rn

10. Менаџер за социјални мрежи и маркетинг

rnМаркетинг автоматизација, зголемување на маркетингот и водењето социјални мрежи се само некои од работите кои не ни постоеја пред пет години. А сега, тие се во прв план при развивањето на бизнис!rn

11. Програмер, компјутерски инженер, истражувач на податоци и аналитичар

rnВеќе нема потреба да работите во фирма за технологија за да мора да ги работите овие позиции. Овие позиции се присутни во речиси секоја поголема фирма.rnrnЗа многу од овие работни позиции е доволен само компјутер, па дознајте зошто истражувачите се сложни дека луѓето кои работат од дома се посреќни!

October 24, 2019