Секој од нас на различен начин се справува со стресот. Затоа, од голема важност е навреме да ги препознаете знаците на евентуален стрес за да можете соодветно да реагирате. Во продолжение прочитајте ја нашата листа со знаци на прекумерен стрес и тоа во поглед на работата и работните обврски:rnrn
rnrn1. Вашиот стил на комуникација станува сè помалку директен.rnrn2. Вообичаено ја користите групната дискусија кога сакате да одлучите за нешто, но сега одбивате самите да носите одлуки и затоа се потпирате на групниот консензус.rnrn3. Сакате ред и детали, но сега гледате со недоверба на начинот на кој другите управуваат со нив.rnrn4. Вообичаено лесно наоѓате заеднички јазик со другите, но сега ја одбегнувате дури и најмалата можност да влезете во некаков конфликт.rnrn5. Вообичаено сте полни со енергија, но сега се чувствувате немирно или нетрпеливо.rnrn6. Сигурни сте во вашите способности, но сега ја префрлате вината за проблемите на другите без да размислите дали и вие имате удел или не.rnrn7. Вообичаено се предизвикувате себеси за да постигнете подобри резултати, но сега тоа го правите како резултат на самокритиката.rnrn8. Генерално фокусирани сте на задачата, но сега тој фокус ве тера да се спротивставите на секоја промена.rnrn9. Вообичаено брзо носите одлуки, но сега дејствувате импулсивно или се чувствувате исфрустрирано.rnrn10. Вообичаено сте отворени за фидбек, но сега сте чувствителни на секаков тип критики.rnrn11. Обично сакате да работите во група, но сега сте повлечени или нетрпеливи.rnrn12. Вообичаено се согласувате со другите, но сега станувате провокативни или доминантни.rnrn13. По природа сте објективни и практични, но сега емоциите ви го попречуваат процесот на расудување.rnrnОткако го прочитавте нашиот список со знаци на стрес за време на извршување на работните задачи, можеби ќе сакате да прочитате и како да останете позитивни доколку сте опкружени со луѓе кои ви предизвикуваат стрес.rnrnИзвор: themindsjournal.com
Category: Работа
-
Овие знаци ќе ви покажат дали и како стресот влијае врз вашата продуктивност на работа
-
Како да ја избегнете рутината на канцелариската работа за максимално да го живеете животот?
Уморни сте од канцелариската работа од 9 до 5 која многумина ја нарекуваат „модерно ропство“? Напорно работите, а добивате многу малку за возврат? Дали сонувате за слобода и поинаков начин на живот? Тогаш, ова е вистинскиот момент да ја преземете контролата на вашиот живот во ваши раце и да направите нешто добро за самите вас. Еве како да започнете да го живеете животот што го посакувате.rnrn
rnПоставете си јасни цели
rnНема смисла да се откажете од вашата работа доколку немате идеја каде сакате да одите и што сакате да правите. Единственото нешто што ви е потребно е некаква насока: соништа и цели. Имајте јасна претстава за тоа каде се гледате себеси по шест месеци, една година или пет години.rn
Штедете
rnКолку и да се убедувате себеси дека парите и не се најважната работа во животот, сепак тие се значаен дел од него. Управувањето со вашите финансии и заштедата ќе ви пружи можност во иднина да го напуштите работното место и да ги следите вашите соништа.rn
Откријте ги вашите способности
rnДобро би било да имате насока во животот, но исто така треба да знаете каде се истакнувате и кои се вештините што ги поседувате. Постојано работете на вашите способности и таленти, без оглед за што станува збор. Преку нивното усовршување ќе ви биде полесно да дојдете до посакуваната цел.rn
Инвестирајте во себе
rnАко веќе знаете кон што сакате да се насочите, почнете да ги правите првите чекори. Едуцирајте се, истражувајте ја областа за која сте се одлучиле и инвестирајте во курсеви и материјали.rn
Пронајдете ја работата од вашите соништа
rnИако звучи неверојатно, сепак не е невозможно. Доколку сте финансиски, но и психички подготвени за промена, нема да зажалите. Со тек на време ќе сфатите дека ова е најдобрата одлука што сте ја направиле досега.rnrnОткако ги прочитавте нашите совети за како да ставите крај на канцелариското работење од 9 до 5, можеби ќе сакате да ги прочитате и фенг шуи советите за наоѓање нова работа.rnrnИзвор: allwomenstalk.com
-
Како да се справите со негативните колеги на работа?
Токсичното работно место може да се манифестира преку негативната енергија и негативните колеги. Во продолжение прочитајте ги нашите совети за како да преживеете на работното место кога работите ќе излезат од контрола.rnrn
rn1. Фокусирајте се на себе и она што е во ваша контрола
rnЗапомнете кои сте и што ви е важно. Зошто сте тука? Можеби поради унапредување на сопствената кариера или обезбедување подобра материјална состојба за вашето семејство. Откријте ги сопствените вредности и не дозволувајте негативноста на другите луѓе да ве попречи во намерите. Останете посветени на вашата вистина и вашите приоритети докрај доколку сакате да се справите со негативната енергија на работа. Фокусирајте се исто така и на работите кои се во ваша контрола. Само тие го заслужуваат вашето време и внимание.rn
2. Не дозволувајте да бидете вовлечени во туѓа драма
rnАко луѓето околу вас се негативни или озборуваат, напуштете ја просторијата и прекинете го разговорот. Доколку тоа не е можно, обидете се да го пренасочите разговорот кон други, попозитивни теми или едноставно молчете и обидете се да мислите на нешто убаво.rn
3. Не озборувајте
rnОзборувањето не остава позитивен впечаток врз другите. Можеби се чини примамливо да се зборува зад нечиј грб, но на крајот на краиштата тоа нема да ви донесе ништо добро. Поставете си цел дека ќе се обидете да се контролирате секогаш кога ќе сакате да кажете нешто негативно за другите.rn
4. Не се спуштајте на нивното ниво
rnОстанете доследни на своите принципи и не дозволувајте другите да ве повлечат надолу. На тој начин ќе научите и да бидете подобра личност и ќе сфатите дека во животот постојат поважни работи на кои треба да се фокусирате.rnrnОткако прочитавте како да се справите со негативните колеги, можеби ќе сакате да прочитате и кои 10 совети ќе ви помогнат да бидете посреќни на вашето работно место.rnrnИзвор: themindsjournal.com
-
6-те најголеми грешки што ги правиме при давање отказ
Давањето отказ е сложен процес сам по себе кој не завршува во моментот откако ќе доставите известување за оставка. За вас ги издвоивме најголемите и најчестите грешки при давање отказ според експертите за човечки ресурси.rnrn
rn1. Рушење на мостовите кои би можеле да ве поврзат со подобро работно место во иднина
rnИако со текот на годините, колегите можат да заборават на што точно сте работеле заедно, никогаш нема да заборават каков впечаток сте им оставиле. Важно е да оставите добар впечаток при напуштање на работното место. Замислете, можеби некој од истите колеги во иднина ќе биде одговорен токму за вашето резиме и одлуката дали да ве вработат или не.rn
2. Ја споделувате со другите веста за вашето заминување, а сè уште не сте сигурни дали ќе добиете ново работно место
rnПред да си дадете отказ осигурете се дека ви е загарантирано новото работно место. Бидете внимателни на кои луѓе ќе им ги доверите вашите планови, без разлика на фактот дека сте во одлични односи со нив.rn
3. Прерано известување
rnПравилото е да го известите работодавачот две недели до еден месец пред заминување, но и не е задолжително во сите случаи. На пример, за време на пандемијата, за некои вработени отказниот рок траел и помалку време. Според некои експерти, освен ако не сте менаџер или извршен директор и постои вистинска деловна причина да имате подолг отказен рок, еден месец е сосема доволен.rn
4. Работите премногу откако сте дале изјава за отказ
rnЗа време на вашите последни денови на старото работно место сакате да си ги завршите во целост своите работни обврски и за колегите да не ве паметат како некој кој не ги извршил своите должности докрај. Во исто време, не сакате да работите прекувремено за работа што набргу ќе ја напуштите. Голема грешка е да се преоптоварувате себеси во последните денови и експертите ви препорачуваат да бидете искрени со вашиот шеф во однос на тоа што можете да сработите во преостанатото време.rn
5. Не си оставате доволен простор помеѓу работните места
rnДо моментот кога ќе си дадете отказ од работата што очајно сакате да ја напуштите, веројатно е дека ќе имате многу непроспиени ноќи и ќе бидете постојано под стрес. Доколку веднаш се префрлите на друго работно место нема да имате време за одмор. Експертите ви препорачуваат пауза од барем една недела додека одново да ги наполните батериите.rn
6. Не сте подготвени за денот кога ќе доставите известување за вашиот отказ
rnСамо затоа што сте дале известување за отказ, не значи и дека ќе го добиете веднаш. Понекогаш пак, се случува денот со известувањето за отказ да биде и последниот работен ден на вработениот со што се остава впечаток дека тој е всушност отпуштен. Во некои случаи, вработените наишле на одмазда од страна на менаџерите кои преостанатите работни денови им ги претвориле во пекол. Доколку истото се случи и со вас, единствена утеха би ви било сознанието дека нема вечно да е така.rnrnОткако прочитавте за најчестите и најголемите грешки при давање отказ, можеби сакате да прочитате и зошто вработените даваат отказ поради лошите шефови, а не поради работата.rnrnИзвор: huffpost.com
-
Совети за кариера што ќе ги запомните во рок од 3 секунди
Знаеме дека ви се потребни корисни совети што се однесува до вашиот напредок во кариерата, но немате секогаш време да читате обемни книги и статии. Денес за вас избравме неколку кратки, деловни совети што можете да ги прочитате за неколку секунди. Без разлика дали барате работа, пишувате CV, сакате да го подобрите односот со колегите, или едноставно барате општи совети за кариера, вие сте на вистинското место!rnrn
rnrn1. Првиот впечаток се создава за помалку од 30 секунди.rnrn2. Сакате да ја зголемите вашата харизма? Работете на вашето позитивно размислување.rnrn3. И најуспешните лидери во светот имаат чувства, па можат да изразат гнев и бес во некои ситуации.rnrn4. Работата не се одразува само во пошироката слика, туку и во пријатен разговор со колегите.rnrn5. Секогаш е потребно време за „успехот преку ноќ“.rnrn6. Бидете љубезни, и на работа и во приватниот живот.rnrn7. Секоја личност која ќе ја сретнете е потенцијална врата за нова можност – приватна или професионална.rnrn8. Престанете да се извинувате.rnrn9. За да ве гледаат како лидер треба да знаете како да се справите во разни околности.rnrn10. Работодавците не ги интересира на кој факултет сте дипломирале.rnrn11. Ако испратите CV во понеделник имате поголеми шанси да се вработите.rnrn12. Вашето CV треба да биде многу јасно и прецизно во поглед на вашите достигнувања – надополнете го со факти и бројки.rnrn13. Ако сакате да кажете некому кој сте, CV-то никогаш нема да биде доволно.rnrn14. Во мотивациското писмо, работодавците сакаат да читаат не само за вас, туку и за себе.rnrn15. Тајната на доброто мотивациско писмо: преправајте се дека пишувате на некој кој веќе ве сака и почитува.rnrn16. Во мотивациското писмо нема место за пароли и изреки.rnrn17. Не сте квалификувани за работата што ја посакувате? Не извинувајте се за тоа во пропратното писмо.rnrn18. Донесете три копии од вашето CV, бележник и пенкало на интервјуто за работа.rnrn19. За време на телефонското интервју, станете и насмевнете се, иако никој не може да ве види.rnrn20. Првата работа што треба да ја направите додека истражувате за потенцијалниот работодавач е да откриете што го издвојува од конкуренцијата.rnrn21. Најпродуктивните луѓе знаат како да ја балансираат и својата енергија, а не само времето.rnrn22. Дали имате неколку слободни минути, а сакате да бидете продуктивни? Избришете ја апликацијата што ви го одвлекува вниманието.rnrn23. Лошо опремената канцеларија може да се одрази негативно врз вашата креативност и продуктивност.rnrn24. Ако му кажете на колегата дека нешто не знаете ќе направите голем чекор во кариерата.rnrn25. Стравот од јавно говорење се надминува со вежбање, време и правење план.rnrn26. Дали сакате работодавците да ве забележат? Направете своја официјална веб-страница.rnrnОткако прочитавте кои се нашите кратки, а корисни совети за вашата кариера, можеби ќе сакате да дознаете и кои 6 книги морате да ги прочитате доколку сакате да напредувате во вашата кариера.rnrnИзвор: wannabemagazine.com -
8 совети за брз напредок во кариерата
Дали размислувате за вашиот професионален раст? Би сакале ли да се истакнете, но не знаете како? Самодовербата во она што го работите и учењето нови работи ќе ви помогне поефикасно да напредувате во кариерата. Во продолжение прочитајте ги нашите 8 совети што треба да ги практикувате за да бидете успешни на вашето работно место.rnrn
rnНикогаш не престанувајте да учите
rnЗнаењето е една од најмоќните алатки не само во работата, туку и во животот. Ќе ви помогне да го подобрите начинот на кој размислувате и ги извршувате обврските. Денес, образованието е подостапно од кога било. Информирајте се, читајте, гледајте филмови и серии, следете ги актуелните настани во земјата и светот.rn
Бидете организирани
rnНаправете си свој распоред според кој ќе ги извршувате секојдневните обврски. Ова може да ви помогне да развиете добри навики, што од друга страна пак, ќе ви помогне да бидете поорганизирани и попродуктивни.rn
Бидете тимски играч
rnНе бидете себични. Луѓето ќе ве ценат повеќе доколку соработувате со другите, наместо самостојно да ги извршувате задачите. Тоа оди рака под рака и со тоа дали вашите колеги ве почитуваат и може да создаде силна врска помеѓу вас. Кога ќе видат колку сте успешни како тимски играч, ќе посакаат и самите да го постигнат истиот ефект.rn
Ценете го вашето здравје
rnЗдравјето е најважната работа за секого што може да влијае и врз кариерата. Грижата за себе е од најголема важност, затоа треба да се храните здраво и редовно, да се одморите, да имате социјален живот, и да ги правите работите што сакате за да постигнете ментална и физичка рамнотежа. Сето тоа ќе допринесе да зрачите со својата позитивна енергија на вашето работно место и на тој начин да ги инспирирате и колегите.rn
Фокусирајте се на резултатот
rnАкцентот ставете го на резултатот, а не на времето поминато во извршување на задачите. Тоа ќе ви помогне да се фокусирате на квалитетот на сработеното.rn
Комуницирајте
rnИзразете ги вашите идеи. Самодовербата е особина што може да ви биде од голема корист. Кога ќе покажете дека сте самоуверени, повеќе луѓе ќе ви обраќаат внимание и внимателно ќе ве слушаат. Отворената комуникација значи дека се грижите за вашата работа и дека работите ги сфаќате сериозно.rn
Побарајте помош
rnИ оние со самодоверба и оние кои сè уште работат на тоа, секогаш кога нешто не им е јасно треба да побараат помош. Тоа не е знак на некаква слабост или незнаење, туку желба за учење нови работи. Никој не се родил совршен, па доколку побарате помош значи дека целите кон тоа да ги развивате вашите способности. Тоа може да значи и желба за соработка со колегите.rn
Уживајте
rnШто и да работите, без разлика дали е тоа работата од вашите соништа или привремена работа што ќе ви помогне да се стекнете со посакуваната кариера, секогаш уживајте во она што го правите. На тој начин ќе се стекнете со повеќе самодоверба и професионално ќе ги извршувате работните задачи.rnrnОткако ги прочитавте нашите совети за како да постигнете брз кариерен напредок, откријте и кои 6 книги морате да ги прочитате доколку сакате да напредувате во вашата кариера.rnrnИзвор: wannabemagazine.com
-
Како да ги дешифрирате најчестите фрази во огласите за работа?
Пред да аплицирате за работа, прво го читате огласот што вклучува непотребен сет фрази и нејасни изјави. Овие вообичаени фрази може ненамерно да откријат многу за приоритетите на компанијата, за нејзиниот идеален кандидат за работа и каков вид личност ѝ треба на таквата организација. Во продолжение прочитајте што значат најчестите фрази што ги сретнувате во огласите за работа.rnrn
rn1. „Динамична средина“
rnОваа фраза обично значи дека има многу работа и дека работите секогаш се одвиваат брзо, под постојани кратки рокови, па затоа треба да бидете подготвени за брза работа. Ќе мора да учите брзо и да работите брзо, а вашето работно место може да биде загрозено ако не сте во можност да ги следите останатите.rn
2. „Самоиницијативност“
rnБарањето самоиницијатива може да значи дека ќе добиете многу кратка обука и дека за многу брзо време ќе мора да ја работите својата работа независно и брзо.rnrnОва може да се смета за црвено знаме за некој што е релативно нов во тој вид работа бидејќи нема да имате многу време да научите сè. Но, оваа работа е идеална за лидер кој има слично искуство и е подготвен да ги реализира своите идеи.rn
3. „Флексибилност“
rnПонекогаш потенцијалниот работодавец ќе каже дека сака да бидете флексибилни, но тука повеќе станува збор за компромис отколку за флексибилност. А, кога се мисли на компромис, тоа значи дека вие губите секогаш, односно дека ќе сторите што и да побараат затоа што сте флексибилни.rn
4. „Неограничен платен годишен одмор“
rnИ покрај тоа што звучи одлично, оваа фраза во суштина испраќа порака дека вашите претпоставени мислат дека сте возрасни и дека ќе се однесувате соодветно, така што нема да земете еден месец одмор, особено не уште првата година.rnrnНајдобро е да откриете колку денови одмор земаат вашите колеги, во кој дел од годината и во кој дел од годината има најмногу работа во вашиот сектор.rn
5. „Конкурентна плата“
rnКога ќе ја видите фразата „конкурентна плата“, тоа не значи дека не можете да преговарате за вашата плата.rnrnАко имате повеќе искуство и ако понудите нешто што не се наоѓа често на пазарот, вашата моќ за преговарање ќе се зголеми, треба да стоите цврсто и да преговарате за подобри услови.rn
6. „Различни должности“
rnОд вас се очекува да извршувате најразлични задачи, кои генерално не се дел од вашата работа. Оваа фраза може да биде засилена со зборовите „и други задачи по потреба“ што се појавува на друго место во огласот за работа.rnrnОва може да се смета за црвено знаме за кандидатот кој ја цени структурата на однапред определен сет одговорности и не сака да биде затрупан со многу задачи. Но, ова може да биде идеална работа за луѓето кои сакаат динамична работа и постојани промени.rn
7. „Работа под притисок“
rnНајверојатно ќе имате многу проекти и задачи одеднаш, кратки рокови што воопшто нема да бидат реални, а раководството на компанијата е свесно за тоа и затоа бара луѓе кои можат да се справат со тоа.rnrnПовеќето луѓе издржуваат една до две години на вакви работни места и ретко напредуваат.rnrnЗа да успеете во таква средина, мора да ги прифатите несовршеностите затоа што „ќе мора да произведувате работи на просечно ниво“.rn
8. „Страст“
rnСтраста не значи дека треба да бидете вистински ентузијастични за работата, но мора да се појавите на интервјуто подготвени за да ја покажете својата стручност во таа област.rnrnДури и ако не сте страсни за таа работи, направете истражување за да покажете дека сте многу заинтересирани за работата.rn
9. „Решавање проблеми“
rnАко ја видите оваа фраза во оглас за работа, веројатно ќе слушнете прашања во интервјуто како „колку време ви беше потребно за да ја приспособите својата стратегија“ или кое било друго прашање што бара да го објасните процесот на решавање проблеми на работа.rnrnАко видите ваков вид стандардно барање, треба да предвидите кои се предизвиците со кои се соочува деловната улога за која сте аплицирале и да бидете подготвени да објасните како ќе ги решите потенцијалните проблеми.rnrnПрочитајте кои 5 реченици што ќе ви ги каже работодавецот на интервјуто откриваат дека не сте ја добиле работата.
-
Пријавете се и уживајте: Наместо работа од дома, може и од „смарагдниот остров на Карибите“
Карипскиот остров Монтсерат, кој слободно можеме да го наречеме рај, им ги отвори вратите на дигиталните номади, односно на сите оние кои можат да работат од удобноста на својот дом. Кој сака, можеби би можел да размисли да го направи овој остров свој дом за една година.rnrn
rnrnИдејата и желбата е да им овозможат на заинтересираните да испробаат совршен деловен и приватен баланс, бидејќи тука, кога ќе завршите со вашата работа, ве очекуваат егзотични плажи и богата културна понуда. Со ограничувања поради пандемијата, воопшто не се сомневаме дека голем дел од дигиталните номади наскоро ќе се преселат во Монтсерат.rnrn
rnrnСепак, нешто треба и да се плати. За да аплицирате за дозвола, треба да дадете 395 евра за едно лице или 595 евра за целото семејство (до 4 члена). Кандидатите треба да покажат доказ за вработување и да имаат годишен приход од најмалку 52 000 евра што секако ќе елиминира значителен број апликанти.rnrnОстровот се наоѓа во источниот дел на Карибите и зафаќа вкупна површина од 39,5 квадратни километри. Покрај веќе неверојатните плажи, тој е украсен со одлична мрежа на пешачки патеки, но и активен вулкан – Софриере Хилс.rnrnСите потребни информации за една година уживање во Монтсерат, ќе ги најдете на овој линк.rnrnДали знаевте дека на португалскиот остров Мадеира се отвора првото село за дигитални номади? -
5 совети кои ќе ви помогнат да се релаксирате по работното време
Кога нема физичко растојание помеѓу домот и работното место, границата станува сè повеќе заматена и често се случува работниот ден да не заврши кога треба. Сè се сведува на друг мејл или завршување на некои обврски што сигурно може да почекаат до утре. Покрај тоа што станувате од работната маса, постојат и други процедури кои можат да ви го олеснат завршувањето на работниот ден.rnrn
rnЗапишете ги плановите за следниот ден
rnМоже да ви се случи вечерта да се грижите за тоа како ќе ги постигнете сите обврски што ве чекаат следниот ден и дека оваа вознемиреност ќе ве изеде. Еден начин да го победите ова е да бидете добро организирани, односно да запишете на парче хартија или на телефон што треба да завршите. Со оваа листа, ќе бидете поподготвени следниот ден и нема да ја поминете вечерта нервозно потсетувајќи се на сè што ве чека.rn
Направете вечера
rnДа, тоа е нешто што ве прави уште поизморени, но ќе ве ангажира во секоја смисла и ќе го окупира вашиот мозок. Исто така, мирисот на свежа храна за време на готвењето е нешто што секогаш радува и релаксира. Можете да планирате оброци за следниот ден и да заштедите време.rn
Прошетајте
rnПо станувањето се препорачува вежбање, но вашето тело и ум ќе ви бидат благодарни ако одите барем на прошетка. Тоа е замена за таа физичка промена помеѓу работата и домот и секако е здрава навика. За време на прошетката, треба да размислите за тоа што сте постигнале и за што сте благодарни, за да добиете чувство за остварување и исполнување.rn
Пронајдете ново хоби
rnПрепораката што веројатно сте ја слушнале повеќе пати во претходната година воопшто не треба да се игнорира. Новото хоби секако ќе ви донесе нова димензија по работата, без разлика дали станува збор за некаков вид цртање или сликање, плетење, правење оригами или сложувалка. Можете дополнително да го окупирате вашиот мозок со решавање енигматски задачи, особено со судоку или забавен квиз.rn
Сменете ја облеката
rnСите веќе ја научивме лекцијата дека останувањето во пижами цел ден не е добар потег кога станува збор за одвојување на работата и слободното време. Можеби не носите костум, но неопходна е некаква промена. Истото важи и за вечерните часови, бидејќи со промена на облеката си сигнализирате себеси дека работата е завршена и дека сега е време за некои забавни активности и релаксација.rnrnПрочитајте ги и овие 5 едноставни навики за зголемување на продуктивноста и намалување на стресот.
-
5 едноставни навики за зголемување на продуктивноста и намалување на стресот
Издржавме и пристигнавме скоро до 2021 година, можеби единствената за која никој не те праша „Каде одиш за Нова година?“ и тоа е со добра причина. Време е да влеземе во следната година ментално и физички организирано, да йа ставиме на прво место грижата за себе и да бидеме, колку што можеме, позадоволни од себе.rnrn
rnrnАко работите од дома, треба да вклучите работни практики и да вежбате мали трикови што ја зголемуваат продуктивноста, ги подобруваат перформансите и му донесуваат мир на умот.rnrnИскористете го почетокот на годината за новогодишни резолуции со цел да ја зголемите вашата енергија, ефикасност и да го отстраните стресот од работниот ден. Еве пет основни навики што треба да ги вметнете во вашата дневна рутина за да ги направите месеците пред вас попродуктивни и помалку стресни.rn1. Поставете рекорд
rnПоставете време за рутинска задача. На пример, колку време ви треба за да подготвите појадок? Да прочитате и да одговорите на 12 пораки? Или да подготвите неделен извештај? Свртете ги овие рутински задачи во конкуренција со самите себе и видете колку брзо можете да ги решите. Ќе бидете изненадени колку можете да постигнете за еден ден, наместо да „влечете“ две задачи до крајот на работното време.rn
2. Бизнис аутфит и дома
rnОблечете се во облека што ќе ве направи самоуверени, професионални и продуктивни. Има неколку истражувања и докази кои ја поддржуваат теоријата дека облеката влијае на тоа како се чувствуваме и се однесуваме. Според д-р Нина Васан, психијатарка и клинички асистентка на Медицинскиот факултет на Универзитетот Стенфорд облеката ја обликува вашата ментална состојба и продуктивност. Кога сте заглавени дома цел ден, она што го носите може да го постави тонот на она што го правите. Облечете го парчето во кое најдобро се чувствувате психички да се подготвите за работа.rn
3. Организирајте го просторот
rnСредете го вашиот работен простор, архивирајте ја вашата е-пошта или сортирајте ги зачините по азбучен ред. Потоа застанете за момент, одвојте време да си честитате за добро завршената работа и само тогаш преминете на првата задача на списокот. Докажано е дека секоја успешно завршена задача, дури и ако станува збор за редење на теглички со зачини, ни дава мотивација за следната.rn
4. Подигнете го нивото на енергија
rnГо слушате ова цело време, но со причина. Многу е важно да се движите! Во студија на Универзитетот во Џорџија, истражувачите ги поделиле субјектите во три групи: низок интензитет, умерен интензитет и контролни групи (оние без вежбање). За време на шестнеделниот експеримент, двете групи за вежбање пријавиле зголемување на нивото на енергија во споредба со контролната група. Дури и оние со помал интензитет на вежбање пријавиле помал замор. Трчајте по скалите, шетајте низ зградата или направете неколку јога пози или пилатес.rn
5. Прославете ги вашите успеси
rnВо домашна работна средина, тешко е да добиете потврда и пофалби што често сте ги чуле во канцеларијата. Поминаа деновите кога колегите можеа да ве тапнат по грбот за време на пауза или вашиот шеф може да ви честита на „одличната презентација“ додека одите покрај неговата канцеларија. На вас е да ги признаете и прославите вашите достигнувања и успеси.rnrnПрочитајте и како да ја задржите самодовербата откако ќе ја изгубите работата?