Претходно
Мирисно варено вино
Вареното вино е пијалак кој дефинитивно ја означува зимата. Топлото, мирисно црвено варено вино е совршено за забави и интимни прослави, затоплување во ладните зими и прекрасните снежни ноќи.
Потребно е:
- едно шише црвено вино
- 250 мл вода
- 2 стапчиња цимет
- 3-4 каранфилчиња
- 100 мл цеден сок од портокал
- 100 мл цеден сок од лимон
- 50 г шеќер
Ставете го виното во тенџере на тивок оган.
Додадете ги водата и соковите од портокал и лимон.
Потоа, додадете ги зачините и шеќерот.
Течноста не треба да врие, бидејќи ќе изветрее алкохолот, туку само да се грее 10 минути. На крај, со мала цедалка извадете ги зачините. Сервирајте го виното топло, во голема стаклена чаша.
Најважно, споделете и пијте го со пријателите.
