Божиќниот пост почнува на 28 ноември: Што се јаде, кога е дозволена риба и како да постите без да бидете гладни

Сподели

На 28 ноември почнува Божиќниот пост, еден од четирите големи пости во годината. Трае 40 дена, сè до Бадник, 6 јануари. Многумина го почитуваат целосно, а други постат само последната недела пред Божиќ.

Реклама
Реклама

Што значи да се пости

Во постот не се јаде месо, млеко и млечни производи, јајца. Се јадат грав, леќа, компири, ориз, зеленчук, овошје, ореви, тестенини без јајца и посни колачи.

Реклама
Реклама

Вода, масло или риба

Според црковниот календар, не е секој ден ист:

  • среда и петок – на вода, без масло
  • вторник и четврток – на масло
  • сабота и недела – дозволена е риба
  • на Воведение, 4 декември, исто така се јаде риба

Последната недела пред Божиќ постот е најстрог. Ако не сте сигурни, правилата за секој ден ги има во црковниот календар.

Реклама

Како да постите без да бидете гладни

Гравот, леќата и наутот се одличен извор на протеини и долго ве држат сити. Јадете повеќе помали оброци, наместо еден голем. Не заборавајте ги оревите, бадемите и сусамот, а за појадок пробајте овесни снегулки со овошје.

Внимавајте на тестото

Многу луѓе во постот се гојат, а не слабеат. Причината е пржениот компир, лебот, пецивата и посните колачи. Пост не значи дека смее неограничено тесто и шеќер.

Кој не треба строго да пости

Бремените жени, доилките, децата, постарите и хронично болните не треба строго да постат. Црквата вели дека постот е пред сè духовен, а не диета. Ако имате здравствени проблеми, договорете се со лекар.

Постот не е само храна. Тоа е време за мир, трпение и добри дела.

Најново

Може ќе ве интересира