Претходно
Како да ги прифатиме промените во животот и предизвиците што тие ги носат?
Промените доаѓаат во многу форми во животот, но понекогаш може да биде навистина тешко да се прилагодиме на овој животен процес. Без разлика дали станува збор за привремена или длабока промена, нашето прифаќање е од клучно значење.
Понекогаш се случува да не ни одговора промената бидејќи имаме тенденција да се чувствуваме безбедно во она што е предвидливо и познато. Еден дел од нас се спротивставува на промените затоа што се плашиме од нив. Но, таква е природата на нештата. Промената ја претставува динамиката на нејзиниот циклус на мирување и повторно раѓање.
Есента може да се смета за вистински „учител“ кога станува збор за промените. Како што ветрот почнува да дува и лисјата се откинуваат од дрвјата, природата се подготвува за нејзината метаморфоза. На тој начин и вие можете да го искористите ова време за да го отфрлите она што ви е непотребно. Потоа, кога ќе дојде пролетта, можете да се подготвите за сопственото повторно раѓање.
Есента е време за размислување за вашите приоритети. Тоа е можност за позитивна промена и шанса да им ставите крај на сите верувања кои ве ограничуваа досега.
Запрашајте се: „Што е тоа што ме мачи? Како да се ослободам од товарот кој ја притиска мојата душа?“ Ова ќе ви го олесни товарот и ќе ви даде енергија. Освен тоа, ќе увидите дека есента може да ви понуди подлабоко искуство во поглед на вашата сопствена трансформација, духовност и радост.
Меѓу другото, важно е да се грижите и да се негувате себеси. Грижата за себе ќе ви помогне да ги прифатите промените и ќе го поттикне вашиот внатрешен раст.
Есента е идеално време и за собирање на плодовите од вашата работа и вашиот живот. Тоа е моќен период на трансформација и опуштање. Можете да ги искористите спокојните есенски утра за медитација која ќе ви помогне со претстојните периоди на промени. Запрашајте се што е тоа што повеќе не ви служи и какви промени ви се потребни во животот. Преку балансирањето на умот, телото и душата ќе можете полесно да го пронајдете внатрешниот мир и благосостојба. Со секоја клетка од вашето тело заблагодарете му се на животот за сите досегашни искуства. Пронајдете го сопствениот мир во вашето опкружување, препуштете му се на универзумот и обидете се да уживате во малите нешта од вашето секојдневие.
Откако прочитавте за промените во животот, можеби ќе сакате да прочитате и за 7-те начини за да се справите со животните предизвици.
Извор: themindsjournal.com
