Претходно
Овие знаци ќе ви покажат дали и како стресот влијае врз вашата продуктивност на работа
Секој од нас на различен начин се справува со стресот. Затоа, од голема важност е навреме да ги препознаете знаците на евентуален стрес за да можете соодветно да реагирате. Во продолжение прочитајте ја нашата листа со знаци на прекумерен стрес и тоа во поглед на работата и работните обврски:
1. Вашиот стил на комуникација станува сè помалку директен.
2. Вообичаено ја користите групната дискусија кога сакате да одлучите за нешто, но сега одбивате самите да носите одлуки и затоа се потпирате на групниот консензус.
3. Сакате ред и детали, но сега гледате со недоверба на начинот на кој другите управуваат со нив.
4. Вообичаено лесно наоѓате заеднички јазик со другите, но сега ја одбегнувате дури и најмалата можност да влезете во некаков конфликт.
5. Вообичаено сте полни со енергија, но сега се чувствувате немирно или нетрпеливо.
6. Сигурни сте во вашите способности, но сега ја префрлате вината за проблемите на другите без да размислите дали и вие имате удел или не.
7. Вообичаено се предизвикувате себеси за да постигнете подобри резултати, но сега тоа го правите како резултат на самокритиката.
8. Генерално фокусирани сте на задачата, но сега тој фокус ве тера да се спротивставите на секоја промена.
9. Вообичаено брзо носите одлуки, но сега дејствувате импулсивно или се чувствувате исфрустрирано.
10. Вообичаено сте отворени за фидбек, но сега сте чувствителни на секаков тип критики.
11. Обично сакате да работите во група, но сега сте повлечени или нетрпеливи.
12. Вообичаено се согласувате со другите, но сега станувате провокативни или доминантни.
13. По природа сте објективни и практични, но сега емоциите ви го попречуваат процесот на расудување.
Откако го прочитавте нашиот список со знаци на стрес за време на извршување на работните задачи, можеби ќе сакате да прочитате и како да останете позитивни доколку сте опкружени со луѓе кои ви предизвикуваат стрес.
Извор: themindsjournal.com
