Претходно
Шеа путер: Чуда прави за целото тело!
Во поглед на козметичките производи, една од ретките состојки кои вистински го негуваат телото од глава до пети е шеа путерот. Никогаш нема да погрешите доколку го изберете ова средство, бидејќи крајниот резултат е секогаш свиленкава, мека и мазна кожа.
Шеа путерот се добива од маснотиите на јаткастите плодови на шеа дрвото кое потекнува од Западна Африка. Се карактеризира со присуство на витамините А,Б, Е и Ф. Покрај витамини, содржи и состојки кои ја одржуваат еластичноста на кожата. Постои и верзија на шеа путер која се користи и при готвење. Сепак, главната примена ја наоѓа во козметиката како лосион или хидратантен крем. Во продолжение прочитајте ги неговите придобивки.
1. Ја хидрира и омекнува кожата
Составот од триглицериди, витамини и масни киселини го прават шеа путерот еден од најдобрите производи за хидратација на кожата. Масните киселини кои ги содржат придонесуваат за неговата мазна структура која лесно се апсорбира и ја омекнува кожата. Како резултат на тоа, во зимскиот период го спречува нејзиното пукање, а во летниот период ја штити од негативното влијание на UV зраците.
2. Ја штити кожата
Шеа путерот ја задржува влагата во кожата и на тој начин ја штити зацврстувајќи ја нејзината бариера.
3. Ја навлажнува косата
Шеа путерот е идеален како маска или регенератор и може да се користи за нега на суви и испукани врвови.
4. Го подобрува изгледот на старата кожа
Истражувањата покажале дека шеа путерот делува во полза на здравото стареење на кожата. Витаминот Е, присутен во путерот, е силен антиоксиданс кој е растворлив во масло и кој може да помогне во борбата против слободните радикали и оксидативниот стрес. На тој начин шеа путерот ја враќа еластичноста на кожата и помага при задржување на нејзиниот младешки изглед.
Откако прочитавте за придобивките од шеа путерот, можеби ќе сакате да прочитате и како антиоксидансите да станат дел од вашата рутина за нега на кожата.
Извор: mindbodygreen.com
