Претходно
Тајнaтa на најдобрите маратонци: Рецепт кој ја враќа енергијата
Племето Тарахумара се најдобрите ултрамаратонци во светот. Тие живеат на планината Сиера Мадре во северозападен Мексико, а за да ја откријат тајната на нивната брзина и издржливост, експертите ја истражувале нивната исхрана, начин на живот, размислувања, па дури и структура на мозок.
Тие не трчаат по атлетска патека, туку по остри карпи и недостапен терен на стрмни кањони. Никогаш не размислуваат дали нивниот паметен часовник правилно ги брои чекорите, но често се освежуваат со овој рецепт кој ние сега решивме да го споделиме и со вас. Тие јадат чиа секојдневно, бидејќи две лажици семе од чиа имаат 140 калории, 4 грама протеини, 11 грама влакна, 7 грама незаситени масни киселини, калиум, натриум, калциум, цинк, магнезиум и антиоксиданти што им е потребно за да имаат сила. Нивната диета е заснована на грав, авокадо и зеленчук и прават пијалаци со чиа семе. Понекогаш тие додаваат малку мед.
Потребни состојки за пудинг со чиа:
- 3-4 суви урми
- 1 лажица семе од чиа
- 1 лажица масло од кокос
- 1 лажица сок од лимон
- 1 лажица мед
- 1/4 лажичка сол
- 1 лажичка какао или 1 лажица природен сок од цреша
Начин на подготовка:
- Потопете ги урмите преку ноќ. Другиот ден исечкајте ги и измешајте ги со останатите состојки.
- Чувајте го во фрижидер или замрзнувач.
Можеби ќе сакате да го пробате и овој вкусен пудинг со семе од чиа и банана.
