Претходно
Најчудните куќи во светот што можете да ги изнајмите, но не се евтини
Куќа во форма на хот-дог, романтична колиба на дрво до чии соби се стигнува со висечки мостови, НЛО куќа – ова се најчудните куќи во светот.
„Wienermobile“ – Еванстон, САД
Ова е всушност куќа на тркала во форма на хот-дог.
Сопственикот Оскар Мајер користи вакви возила за да го промовира својот бизнис со месо, а едно од возилата уредил како куќа на тркала и ја изнајмува за 120 американски долари за една ноќ.
Оваа куќа е опремена со кревет, мала бања, два стола и фрижидер полн со колбаси.
НЛО – Јужен Пемброкешир, Велика Британија
На југот на Велика Британија можете да најдете „вонземјанска“ куќа што може да се изнајми преку „Airbnb“. Не само што изгледа космички однадвор, туку и однатре. Може да собере четири лица.
Внатре има брачен кревет, два единечни кревети и трпезарија. Покрај тоа, објектот има голем монитор на кој можете да играте класични вонземјански игри како што се „Defender“ и „Space Invaders“.
Цената за една ноќ во овој вселенски брод е 110 евра.
Дрвена куќа и сауна (Wood House & Sauna) – Олдеберкооп, Холандија
Оваа уникатно направена куќа се наоѓа во природа и има сè што ви треба за удобен престој.
Има спална соба со брачен кревет, кујна, бања, тераса, а покрај куќата се наоѓа нејзината помала реплика во која има сауна.
Цената за една ноќ е 125 евра, а може да се изнајми преку „Airbnb“.
Изолирана куќа на дрво – Атланта, САД
View this post on Instagram
Престојот во оваа куќа од дрво е нешто што никогаш не се заборава, но тоа искуство не е евтино и чини околу 350 евра за едно ноќевање.
Целата куќа е направена од дрво. Просториите се посебни целини поврзани со висечки мост.
Куќа школка (Casa Caracol) – Островот на жените, Мексико
View this post on Instagram
Ако „Малата сирена“ е вашиот омилен филм на Дизни, тогаш ќе се чувствувате како Ариел во оваа симпатична куќа во Мексико.
Куќата наликува на две огромни школки и е наменета за четири лица. Напред има базен и скара, а внатре има дневна соба, кујна, две спални соби и луксузна бања.
Едно ноќевање чини околу 220 евра.
Погледнете кои се 6-те најголеми природни чуда на светот.
