Шик пунџа за секоја прилика за која ви се потребни само 5 минути

Нема потреба да посетувате фризер секогаш кога имате некој важен настан. Постојат многу фризури кои се прават за само неколку минути, а нема шанси да ги погрешите. Една од нив е и француската плетенка, која можете да погледнете како се прави во продолжение.rnrnrnrnОваа пунџа е совршен избор за излегување, за на работа или за некоја свеченост, а одлична е и доколку немате време да ја измиете косата.rnrnНајпрво исчешлајте ја косата и од десната страна земете два прамени со широчина од околу 1 сантиметар. Доколку имате шишки или сакате да оставите некој слободен прамен, издвојте го уште сега.rnrnrnrnПочнете да правите плетенка така што ќе го префрлате десниот прамен преку левиот и левиот ќе дојде долу и ќе стане „десен“. Потоа на секој „десен“ прамен додавајте уште малку коса и префрлајте го преку левиот.rnrnДобро затегнете ја плетенката во пределот зад ушите. Исплетете ја косата до вратот, па заврзете ја со ластиче.rnrnrnrnОстанатиот дел од косата повторно поделете го во два прамени и префрлајте ги еден преку друг до крајот. Кога ќе го врзувате, направите мала пунџа со ластичето така што крајот на опавчето да не биде премногу долго и да не излегува од пунџата.rnrnНа крај направете пунџа со исплетената коса и прицврстете ја со неколку шноли и вашата фризура е готова.rnrnЗа пунџата да трае подолго, прицврстете ја со повеќе шноли и фаќајте што е можно помалку коса со нив. Доколку фатите премногу коса со една шнола, таа нема да издржи и фризурата ќе се растури многу брзо.rnrnЗа подетални инструкции, погледнете го и видеото во продолжение.rnrnhttps://www.youtube.com/watch?time_continue=376&v=FZj_sZfZ4nIrnrnПробајте да ја направите и оваа превртена француска плетенка подигната во пунџа.