Претходно
Морничави портрети на луѓе кои не постојат направени од вештачка интелигенција
Кој вели дека роботите не можат да бидат креативни? Вештачката интелигенција повеќе не е само концепт од научно фантастичните филмови. Денес ова е технологија која може да се примени дури и во уметноста.
Истражувачите од компанијата NVIDIA објавиле портрети на луѓе генерирани со помош на вештачка интелигенција и најинтересното, а можеби и најморничавото нешто е што луѓето на фотографиите воопшто не постојат.
Оваа технологија прв пат била претставена во 2014-та година. Во тој период портретите не биле толку реалистични – биле со послаба резолуција и фотографиите биле црно-бели. Денес овие портрети се толку реалистични, што повеќето луѓе не можат да најдат разлика помеѓу нив и реалноста.
Научниците што работат на технологијата ја искористиле нивната вештачка интелигенција за да ги копираат „стиловите“ на разни вистински лица. Потоа ги комбинирале оригиналите и создавале целосно нови луѓе. Биле потребни 8 недели за „тренирање“ на вештачката интелигенција со помош на многу моќни процесори.
Но оваа револуционерна технологија не запира само на лица. Во 2014-та година, 75% од каталогот на ИКЕА содржел компјутерски генерирани фотографии.
Но како и секој напредок со технологијата, и во овој случај може да има негативно влијание. Бидејќи вештачката интелигенција има способност да креира лица, покуќнина, автомобили и недвижнина, фотографите кои ги фотографираат овие нешта можеби ќе ја загубат нивната работа во овој нов дигитализиран свет.
Од филмовите научивме дека вештачката интелигенција можеби ќе доведе до пропаст на човештвото. Па, сигурно ве интересира кои се најреалистичните закани од неа.
