Претходно
8 тајни за беспрекорна кожа од жените во Азија
Многу жени од Азија изгледаат помладо отколку што навистина се. Некои сметаат дека нивниот младешки изглед е дар од природата, додека други веруваат дека изгледот е резултат на постојаната грижа. Погледнете некои од триковите кои жените од Азија ги користат за грижа на нивната кожа.
1. Користете го методот „4-2-4“ кога го миете лицето
Многу жени од Азија го користат овој метод. Прво 4 минути нанесуваат хидрофилно масло на лицето. Потоа 2 минути нанесуваат крема за прочистување. Останатите 4 минути го мијат лицето со вода.
2. Сунѓер од коњак
За да ја исчистите кожата внимателно, можете да користите специјален сунѓер направен од коренот на растението коњак (познато и како ѓаволски јазик). Прво накиснете го сунѓерот во топла вода за да го омекнете. Потоа нежно чистете го лицето со кружни движења почнувајќи од челото кон брадата.
3. Темелно чистете го лицето еднаш неделно
Се тврди дека жените во Азија користат дури 17 продукти за грижа на кожата на лицето! Сите специјални продукти за убавина се нанесуваат по овој редослед: Прво продуктите со лесна текстура, потоа оние погустите и на крајот најгустите креми. На овој начин вашата кожа може максимално да ги апсорбира состојките од секој продукт.
4. Заштитете го лицето од УВ зраците во текот на целата година
Дали имате забележано дека Јапонките носат темни очила и чадори за сонце дури и кога е облачно? Ова не е само мода. Ова е ефективен начин да ја заштитат кожата од штетните сончеви зраци дури и кога е облачно. Многу од нив користат и креми со заштитен фактор за да ја заштитат кожата од стареење.
5. Користете вода од ориз
Со векови жените од Азија користеле вода од ориз за да го подобрат изгледот на нивните кожа и коса. Редовното миење на лицето со вода од ориз ќе ја направи вашата кожа мека и ќе ѝ ги подобри бојата и тонот. Оваа волшебна состојка може да ја подобри состојбата и на вашата коса така што можете со неа да го плакнете шампонот.
6. Користете зелен чај и чај од нане
Зелениот чај и чајот од нане се постојано присутни во грижата за лицето кај жените од Азија. Овие состојки ги има во многубројни маски за лице, креми против стареење, масла и уште многу други продукти. Редовното користење зелен чај и чај од нане ќе ја направи вашата кожа поздрава.
7. Претворете ги продуктите во пена пред да ги нанесете на лицето
Многу жени од Азија избегнуваат директно да ги нанесуваат продуктите на нивната кожа. Наместо тоа, тие ги ставаат во малку вода и директно го потопуваат лицето во неа.
8. Направете ја кожата беспрекорна
За најдобри резултати потребно е да направите пилинг на кожата и да нанесете маска за избелување. Земете половина лажица шеќер и една лажица прав од сандалово дрво и измешајте ги. Ќе ви треба и половина домат за пилингот. Нежно тријте ја кожата со доматот и мешавината што ја направивте околу 5 до 10 минути. Стиснете го доматот за правилно да го нанесете сокот. После пилинг измијте ја кожата со вода.
За да направите маска за избелување, изрендајте еден компир а потоа исцедете го сокот од него. Ставете 2 лажици брашно од ориз во еден сад и додајте 1 лажица мед, 4 лажици сок од компир и 3 лажици сок од лимон. Измешајте ги состојките добро. Нанесете дебел слој од маската на вашата кожа и оставете да делува 30 до 40 минути. Потоа нежно масирајте околу 5 минути. Исплакнете со млака вода.
Погледнете ги и овие практични совети за блескава кожа на лицето.
