Претходно
10 народни лекови кои не би требало да ги пробувате
Пред развојот на медицината, луѓето немале друг избор освен да измислуваат нивни лекови и третмани за лекување болести и повреди. Пред само еден век некои семејства имале ограничен пристап до лекови поради големата оддалеченост на докторите. Кога посетата на доктор не доаѓала предвид, луѓето ги користеле голем број народни лекови.
Денес науката ни овозможува поефикасни и побезбедни алтернативи, но многу од народните лекови сѐ уште се во употреба. Погледнете зошто многу од нив ви прават повеќе штета отколку што ви помагаат.
1. Путер за изгореници
Се изгоревте на жешкото тенџере на шпоретот? Подобро не го вадете путерот. Додека многу луѓе веруваат дека путерот ја намалува болката од изгореници, овој „лек“ може само да предизвика повеќе штета. Нанесувањето путер на изгореница вклучува и нанесување на бактерии, а ова може да доведе до инфекција. Путерот, мелемите и слично, исто така може да ја заробат топлината под кожата со тоа влошувајќи ја изгореницата и правејќи ја штетата поголема. Топлината ќе ги оштети слоевите кожа кои се наоѓаат подлабоко и навидум малата рана може да остави поголема трага.
Слојот од путер исто така ќе им ја отежни работата на професионалците кога ќе сакаат да ја испитаат изгореницата, притоа одложувајќи го третирањето на истата. За среќа, справувањето со изгореници е едноставно. Доколку се изгорите ставете ја раната под ладна вода за да ја намалите болката и веднаш барајте професионална нега.
2. Свеќа во увото
Имате зголемено лачење на ушна маст, но не сакате да одите на доктор? Додека свеќата ветува дека ќе го тргне вишокот маст, професионалците препорачуваат воопшто да не се користи, особено не кај деца. Обожавателите на овој третман користат шуплива свеќа за да стават жежок восок во увото, што создава негативен притисок и ја извлекува ушната маст. За жал, не само што нема никакви докази кои го подржуваат ефектот, туку пријавени се многу повреди од овој третман, од зацврстување на восокот и блокирање на ушниот канал, па сѐ до изгореници и оштетување на ушните тапанчиња.
Ако чувствувате дека вашите уши се затнати, треба да знаете дека вашето тело има ефикасен систем за отстранување на вишокот маст. И најважно, само докторите треба да чепкаат во вашите уши. Овде спаѓа и користењето стапчињата за уши, кои треба да ги чувате подалеку од вашиот ушен канал.
3. Олово во прав
Труењето со олово има трагични последици вклучувајќи интелектуална неспособност, болести и смрт. Додека бојата со олово е еден начин децата да бидат изложени на него, народните лекови со олово биле најголемата причина за ова, и тоа сѐ до 2008 година. Лекувањето со олово се користи кај децата за болки во стомакот или во забите. Овој портокалов прав, кој децата го консумираат орално, содржи до 90% олово, што го прави екстремно опасен најмногу поради фактот дека кое било количество на олово во крвта е опасно.
4. Горење вошки
Многу векови луѓето се справувале со вошките така што ја полевале главата со бензин, керозин и други опасни запаливи хемикалии. Можеби овој третман помага да се ослободите од паразитите, но сепак има и бројни опасности од него – изгореници, лузни, па дури и смрт.
Не заборавајте дека е потребна многу мала искра за да запалите некои горива, па полевањето на вашето тело со нив не е баш најдобра идеја. Дури и ако не се запали, горивото е премногу грубо за да го нанесувате на вашата кожа. Имајте на ум дека денес постојат многу побезбедни опции за ослободување од овие паразити.
5. Колоидно сребро
Колоидното сребро се користи за неверојатно голем број болести, од иритации на кожата, па до третирање на ХИВ вирусот. Се состои од сребрени капки растворени во некаква течност и може да се прима орално или да се нанесе директно на кожата. И покрај тоа што некои тврдат дека овој продукт е безбеден затоа што е природен, овој лек не е ефикасен за ниту една болест.
Покрај тоа што не лечи ништо, колоидното сребро има многу сериозни несакани ефекти поради начинот на кој се акумулира во телото. Евентуално, насобраното сребро ќе предизвика болест позната како аригирја, која прави кожата да има сино-зелена боја. За да биде уште полошо, оваа нијанса не може да се тргне, оставајќи ги жртвите со перманентна чудна боја.
6. Лекови за труење
Речиси секое народно верување поврзано со труење е грешка и речиси секој лек за труење прави повеќе штета отколку самиот отров. На пример, присилувањето на некој да поврати откако внел отров е грешка, бидејќи многу отрови, особено корозивните супстанци, предизвикуваат многу повеќе штета кога се исфрлаат на овој начин. Што ако голтнете малку сода бикарбона за да ги неутрализирате отровите? Уште полоша идеја, бидејќи големата количина на сода бикарбона може да биде фатална.
Другите опции, кои вклучуваат пиење млеко, јадење путер или живи јајца, не се многу штетни, но баш и нема да му помогнат на некој кој има стомак полн со отров. Во вакви ситуации заборавете на народните лекови и веднаш упатете се во болница.
7. Решенија за вдлабнатината на главата кај новороденче
Ако сте поминале време со новороденче, сигурно сте запознаени со мекото место на врвот на неговата глава. Додека оваа мекост на черепот е сосема нормална, многу култури сметаат дека некои работи може да направат да се вдлабне и да предизвика сериозни повреди или смрт.
Во Мексико, мајките се плашат да го тргнат бебето од дојката или шишето премногу брзо бидејќи им е страв дека тоа ќе предизвика „caida de la moerlla“, односно вдлабена фонтанела. Ако се случи ова, некои од третманите вклучуваат тресење на бебето или држење на бебето наопаку. Сите овие „лечења“ можат да бидат опасни, и за ова вдлабување потребна е медицинска нега. Тоа може да биде причинето од неухранетост или дехидрирање.
8. Чадење на ушните канали
Познат народен лек во САД е користење тутун за лечење на болки во увото. Додека повеќето верзии на овој третман се со повлекување дим од цигара или „дување“ на димот во болното уво, екстремната верзија е ставање тутун во самото уво.
Се разбира, ова никако не помага со болката во увото. Ставање на што било во ушниот канал, вклучувајќи и тутун, е нешто што треба да го избегнувате бидејќи повеќе ви штети одошто ви помага.
9. Лечење со замрзнато месо
Во светот на цртаните најдобар начин да третирате помодрено око е да му ставете живо замрзнато месо. Во некои случаи ова е логично, месото ќе ја „извлече“ течноста, ќе го намали отокот и ќе ја намали болката. Но сепак ова не е добра идеја. Бактериите во местото можат да предизвикаат болни инфекции со тоа влошувајќи ја состојбата на обичната модринка. Наместо месо, ставете ќесе со замрзнат зеленчук.
10. Третмани при растење на забите
Кога се соочени со бебе кое плаче, многу луѓе би направиле сѐ за да го смират, особен ако тоа е во болки. Во многу култури, најдобар лек за болното непце на бебето е втривање малку виски на него. Според експертите, ова е нешто што не смеете да го правите бидејќи не постои безбедна количина на алкохол за малите деца. Наместо алкохол, протријте ги непцата на бебето со ладна и влажна крпа или користете ладни, не замрзнати играчки со оваа намена. Доколку вашето бебе навистина има многу болки, најдобро е да го посетите вашиот доктор.
Погледнете некои од природните лекови од ореви кои се безбедни, и кои можете да ги направете сами.
