Претходно
Искористете ја празничната магија: 4 идеи за патување за време на новогодишните и божиќните празници
Новогодишните и божиќните празници се најдоброто време за патување, затоа што градовите ширум светот се декорирани во полн сјај, правејќи волшебна атмосфера. Ако сте посакале да отпатувате некаде за време на овие празници, погледнете ги овие четири градови кои едноставно изгледаат прекрасно и кои, доколку можете, треба да ги посетите во овој период од годината.
1. Виена, Австрија
Празничната атмосфера во престолнината на Австрија е магична, така што ако ја посетите во некој друг период, нема да можете да доживеете нешто слично. Во текот на целиот декември улиците во Виена ги красат големи декорирани дрвја, а при шетањето можете да се насладите со печени костени и варено вино.
2. Стразбур, Франција
Овој град со други зборови се нарекува „главниот град на Божиќ“ и има причина за тоа. Стразбур е дом на првите европски божиќни пазари, чија традиција започнала уште од далечната 1570-та година. Сега, секоја година оваа празнична дестинација се оживува со концерти и голем број декорации, како и мириси на цимет и разни зачини кои се шират низ улиците.
3. Келн, Германија
Келн се наоѓа на реката Рајна и буквално оживува во текот на новогодишните и божиќните празници. Божиќниот пазар пред катедралата е најголем и најимпресивен, затоа што во негова близина има лизгалиште, музика во живо и многу светилки. Помали божиќни пазари има и во околните градови. На нив можете да пробате различна храна, да купите декорации и да вкусите варено, зачинето вино.
4. Рејкјавик, Исланд
Колку сте поблиску до арктичкиот круг, толку празниците се помагични. Во Рејкјавик, декември е еден од највозбудливите периоди во годината. Иако го карактеризираат само неколку часови дневна светлина, овој град е многу весел и светол. Тука се продава традиционална исландска храна, пушено месо, колачи со ѓумбир и варено вино.
Погледнете и: Кои градови нудат најдобра забава за дочек на Нова година?
