Претходно
Креативна амбалажа што го покажува негативното влијание на цигарите врз вашите заби
Ефектите од пушењето се сериозни и тие може да нанесат штета речиси на секој орган во телото. Покрај тоа што пушењето е штетно за самата личност, исто така тоа влијае и на луѓето околу неа. Меѓу другото, пушењето влијае на вашиот мозок, срцето, белите дробови, стомакот, кожата, коските, а исто така и на забите и на усната шуплина. Расипаните и жолти заби, лошиот здив како и други посериозни болести може да бидат предизвикани токму од пушењето. Денес сме сведоци на различни реклами и кампањи кои ги прикажуваат негативните ефекти, а оваа креативна амбалажа е нешто што без сомнение ќе ве замисли.
Имено, со ова треба да се подигне свеста за штетните последици од пушењето, а истото е прикажано на многу креативен начин.
Како што ги вадите цигарите, така недостига и по еден заб од фотографијата на жената. Па, која фотографија ви се допаѓа повеќе?
Можеби токму ова ќе предизвика и вие да се откажете од оваа штетна навика!
