Претходно
10 причини зошто Лавот е вашиот најдобар пријател
Доколку сѐ уште немате пријател во знакот Лав, тогаш време е да пронајдете. Тие се силни, горди личности, а се и најдобри пријатели. Лавот е пријател којшто ќе ве охрабри кога ви е тешко, ќе ве покани да излезете, ќе ви помогне да флертувате и многу други работи. Лавовите се топли, енергични и возбудливи луѓе. Тие сакат да се дружат, а и покрај тоа што природно се егоцентрични, пријателството со Лавот е врска што ќе трае со години. Погледнете кои се причините поради кои вреди да го имате Лавот покрај себе.
1. Со нив никогаш нема да ви е здодевно
Тие кажуваат шеги и знаат да се забавуваат. Со еден збор, тие се социјални луѓе и може да се справуваат со секој. Ако сте пријател со Лав, сигурно веќе знаете дека во нивно друштво никогаш не ви е досадно и дека честопати тие умеат да ве насмеат, дури и кога не ви е до смеење.
2. Тие ја искажуваат љубовта преку подароци
Лавот го сака она што го сака и ја споделува таа љубов со пријателите. Лавовите обожаваат да ја покажуваат љубовта преку подарување. Сакаат нивните пријатели да знаат колку тие се грижат за нив, па честопати љубовта ја изразуваат во форма на убаво завиткан подарок. Колку повеќе се дружите со нив, ќе сфатите дека тие постојано ќе ви покажуваат колку им значите, на каков било начин.
3. Може да уживаат и во мрзливоста
Иако Лавовите се познати како знак кој постојано сака да е во центарот на вниманието, сепак и тие се изморуваат. Лавот е знак којшто најмногу спие, па затоа неретко од нив можете да слушнете дека се мрзеливи и дека сакаат да останат дома, гледајќи некој филм. Па, доколку некогаш сакате да поминете еден мрзлив и опуштен ден, побарајте го Лавот.
4. Секогаш ќе ве штитат
Никој нема таков гнев како Лавот чијшто пријател е во опасност. Тој е доверлива личност, па без разлика на сѐ, секогаш ќе стои зад вас. Ако некој му се спротивстави на некој близок член од семејството или пријателите, Лавот ќе им се спротивстави во секое време. Тие личните односи ги сфаќаат сериозно, па затоа се обврзуваат на секаква заштита.
5. Ви помагаат да излезете од зоната на удобност
Спонтаноста е главна особина на секој Лав. Тие сакаат да истражуваат, но што е најважно, сакаат да истражуваат со вас. Не сакаат да бидат сами, туку го сакаат друштвото на пријателите, особено кога влегуваат во непознати авантури. Доколку честопати не сте сигурни дали треба да направите нешто, Лавот со сигурност ќе ве охрабри во тоа.
6. На убав начин ќе ви ги кажат работите онакви какви што се
Лавовите се премногу искрени личности. Ако не се согласуваат со нешто што го правите, тие со сигурност ќе ви го кажат тоа. Тоа не е затоа што тие сакаат да ве повредат, напротив, затоа што се грижат за вас. Понекогаш може да делуваат грубо и непријатно, но тоа е затоа што ви го посакуваат најдоброто. Тие го признаваат проблемот и прават сѐ што е во нивна моќ за да ви помогнат.
7. Умеат да ве расположат
Лавовите не сакаат да ги гледаат оние околу нив нерасположени. Тие сакаат сите да се забавуваат, па затоа ќе направат сѐ што е во нивна моќ за да ве насмеат. Покрај другото, тие се и флертувачи. Го користат својот шарм и смисла за хумор за да го добијат оној кој го сакаат, а во тоа им помагаат и на нивните пријатели.
8. Со нив ќе поминете прекрасно време
Доколку сте на забава со Лав, бидете сигурни дека нема да ви биде досадно. Бидејќи тие се социјални личности, ќе ве запознаат со сите нивни пријатели и никогаш нема да сакате да си заминете. Ако некогаш отидете надвор од градот со Лав, очекувајте долга ноќ помината со смеење и незаборавни моменти. И секако, еден куп селфи фотографии!
9. Ќе научите да бидете толерантни и трпеливи (на потежок начин)
Да бидеме искрени, доколку сте пријател со Лав, има голема шанса тие многу да зборуваат за себе. Токму затоа и брзо ќе научите како да бидете толерантни кон другите луѓе. По спријателувањето со Лавот ќе сфатите дека трпението понекогаш е клучна работа за да добиете нешто.
10. Тие ве ценат вистински
Лавовите умеат да сакаат вистински. Не само тоа што умеат да ве сакаат, туку и вистински ве ценат. Тие сакаат да слушнат сѐ за вас, за вашата животна приказна, соништата, вашите страсти и што ве прави среќни. Откако ќе се спријателите со Лав, вие имате пријател засекогаш. Знаејќи дека Лавовите се тврдоглави, нивната тврдоглавост се манифестира и во желба да се задржат пријателите во близина.
Лавовите не судат, туку сакаат, а што е подобро од ова?
