Претходно
Оваа двојка го изградила замокот од нивните соништа… На тркала!
Датум: 29 јун 2016
Коментари: 0
Колкумина од нас сонуваат да живеат во палата од бајките, или, пак, да патуваат низ светот? Едно семејство од Нов Зеланд, Џастин, Џола и нивниот син Пико, нашле начин да ги прават и двете работи со тоа што стариот камион го претвориле во подвижен замок.
Џастин и Џола многу патувале и отсекогаш сакале да се чувствуваат како дома каде и да одат. Токму поради тоа тие одново го изградиле стариот камион со сопствени раце.
Нивниот замок-камион е снабден со сѐ што е потребно. Воглавно функционира на соларни батерии. Тие користат специјални корита кои се наоѓаат во посебни садови прицврстени за камионот за да ја собираат водата од дождот. Камионот го загреваат со помош на соларни батерии.
Кога семејството е во движење, целиот нивен дом може да се собере: Покривот се вовлекува навнатре и кулите се собираат од страните на камионот. И тие се подготвени да тргнат!
Кога седат на едно место, камионот се проширува доволно за да им обезбеди простор за удобно живеење внатре.
Неверојатната спална се подигнува на врвот од камионот, токму над возачкото и совозачкото седиште.
Како што патуваат низ Нов Зеланд, оваа двојка постојано го надградува замокот на тркала со цел да го направи вистински прекрасен дом кој ќе трае вечно.
Нивната креативност навистина не познава граници и можеби ќе ве инспирира да ја разбудите вашата фантазија и да почнете да живеете живот како од бајките.
