Претходно
Дознајте која планета има најголемо влијание на вас според тоа колку години имате
Влијанието на планетите може да биде од големо значење за вашиот живот. Во одредени периоди од животот некои планети имаат поголемо влијание на вашето однесување и одлуките што ги донесувате. Според тоа, нашиот живот може да се подели на 8 различни периоди во зависност од тоа која планета кога има најсилно влијание.
До 7-та година
Од раѓањето па сè до седмиот роденден, најголемо влијание има Месечината, чија главна одлика е емотивноста. Поради тоа улогата на родителот во овој период има клучно значење.
Од 7 до 14 години
Во овој период најголемо е влијанието на Меркур. Поради тоа чувствувате потреба да се истражувате себеси и светот околу вас. Секој ден се менувате и се пронаоѓате во различни нешта. Ова е период кога учите одредени норми на однесување и дознавате како да се поставувате со различни луѓе.
Од 14 до 21 година
Најизразено е влијанието на Венера, која е симбол на љубовта, сексуалноста и еротиката. Поради тоа овој период се поврзува со истражувањето на сопствените емоции преку различни врски и преку надворешниот изглед.
Од 21 до 35 години
Поради големото влијание на Марс, во овој период се пронаоѓате себеси и откривате која е вашата суштина, а вашите цели и желби јасно се дефинираат. Благодарение на тоа успевате да ја установите вашата „животна цел“ и патот кој ќе ве одведе до неа. Станува збор за период во кој вашето вистинско „јас“ ја добива својата конечна форма, како на интимен така и на работен план.
Од 35 до 42 години
Во овој животен период тежнеете кон тоа да го постигнете вашиот посакуван социјален статус. Исто така, ова е период во кој припадниците на двата пола се борат со значајни телесни промени. Поради тоа овој период од животот на секој човек е прилично стресен, а најголемо влијание има Сонцето.
Од 42 до 56 години
Јупитер се истакнува со своето влијание во овој период на голема физичка и духовна трансформација поради што се донесуваат многу важни одлуки. Имено, овој период кај жените е поврзан со почетокот на менопаузата и губењето на физичката привлечност, додека кај мажите станува збор за период во кој нивните сексуални способности значително опаѓаат.
Од 56 до 70 години
Најголемо влијание има Сатурн, кој е симбол на староста, губењето на животната енергија и намалувањето на телесните функции. Од друга страна, пак, ова е и период на мудроста.
По 70 години
Овој период е поврзан со постојаната потрага по нови животни радости. Тогаш луѓето се посветуваат на различни духовни вредности и на семејството, пред сè на внуците. Најголемо е влијанието на Уран.
