Писмо од бившата девојка: Драга моја замено, постојат неколку нешта што треба да ги знаеш…

Драга моја замено,

Постојат неколку нешта кои треба да ги знаеш, со оглед на тоа што ти си сега предмет на неговите желби. Немој да се изненадиш од тоа колку брзо ќе се заљубиш во него. Немој да се нервираш поради мојот профил на Фејсбук на кој сѐ уште има наши фотографии. Тие сега му припаѓаат на минатото. Немој да се изненадиш ако не сака да зборува за својата бивша девојка. Дури ни на пријателите не им кажа кога раскинавме. Не сум ни сигурна дека сите негови пријатели знаат за нашето раскинување.

Тоа беше убава љубовна приказна, но не грижи се, таа остана во минатото. Ти си неговата иднина. Иако не се знаеме, сигурна сум дека не ме сакаш. Меѓутоа, ние две имаме нешто заедничко што нѐ спојува.

Не грижи се, нема да го барам или да му ги лајкувам неговите објави на социјалните мрежи. Не можам да ти ги кажам сите тајни, а нема ни тој. Но, верувај дека постои причина поради која не ги изразува премногу своите емоции и не го кажува она што толку очајно сакаш да го слушнеш.

Ќе те разгали со мали знаци на внимание и подароци, но тој не е расипник. Многу мудро ги троши парите. По насмевката ќе забележиш дека сè уште живее детето во него.

Ќе видиш дека тој е еден од ретките кои повеќе сакаат да гледаат филмови отколку да излезат во град.

Некогаш ќе го видиш и пијан, но и лут. Како што сигурно си забележала, темпераментен е, затоа не сфаќај сѐ лично. Кога ќе пројде бурата и нерасположението, биди сигурна дека ќе се врати со насмевка и бистри сини очи, а на тој поглед не ќе можеш да одолееш.

Кога ќе се заљуби, ќе направи сѐ што ќе го замолиш, но не очекувај постојано да ти повторува дека те сака. Можеби нема да мисли на тебе во секој момент, но биди сигурна дека многу често ќе му бидеш во мислите.

Тој има големи соништа, но многу често се откажува од нив. Твоја задача ќе биде секојдневно да му повторуваш дека е згоден, паметен и дека може да оствари сѐ што сака. Нема да ти верува, но ти сепак не престанувај да му го кажуваш тоа.

Со него, ќе го запознаеш светот на поинаков начин. Кога ќе му кажеш нешто што во тој момент нема да му се допаѓа, ќе забележиш дека едната веѓа му е подигната и дека те гледа без да трепне.

Кога ќе излегувате во град, во дискотеки и клубови, нема да можеш а да не го забележиш неговиот поглед на тебе. Ќе те гледа како да си единствена на светот. Да, тогаш одново ќе се заљубиш во него!

Ќе има мигови кога ќе ти ја отвори душата и ќе ти признае грешки од минатото, но немој да го осудуваш.

Поради сите тие грешки од минатото, тој е сега подобра личност и биди среќна што те нашол. Се надевам дека ќе го сакаш онака како што заслужува. Се надевам дека и тој ќе те сака (а можеби веќе и те сака) длабоко и страсно како што верував дека ме сака мене.

Се надевам дека е искрен кон тебе како што никогаш не бил кон мене, но најмногу се надевам дека ќе ти пружи бајковита врска на каква што јас се надевав.

Запамети дека не те мразам, само сум ти љубоморна. Драго ми е што уште некој доби шанса да го доживее она што го доживеав јас.

Еден ден, се надевам дека ќе те сретнам. Како што веќе напишав, нас две нѐ поврзува нешто силно, нешто што само ние ќе го разбереме.

Нему важно му е каква е девојката како личност, па потоа физичките карактеристики. Мора да признаеш дека тоа е ретка карактеристика.

Од тебе барам само едно: немој да го повредиш како што тој ме повреди мене. Верувам во карма, верувам дека луѓето ќе го добијат она што го заслужиле, но никогаш никому не сум му посакала такво патење, особено не нему.

Ти си сега со човекот од нашите соништа и не лажам кога ти кажувам дека се надевам дека ќе ви успее.

Бившата девојка.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?