Претходно
Направете сами: Природен мирисен лосион за сончање со фактор 20 кој и децата ќе го обожаваат!
Факт е дека дури 84% од препаратите за сончање штетно влијаат на вашето здравје. Истражувањето кое тоа го докажало е спроведено од EWG – една од најголемите непрофитни организации во САД. Но, и сами можете многу лесно да направите домашни природни средства за сончање со ниво на фактор на заштита од 4 до 20. Овие креми, односно лосиони се природни, преубаво мирисаат и многу се хидратантни.
Токсичните хемикалии во повеќето средства за сончање го нарушуваат нормалното функционирање на ендокриниот систем, поттикнуваат создавање слободни радикали и во себе содржат канцерогени средства. Всушност, откако се кремите за сончање во масовна употреба, статистиките покажуваат зголемување на стапката на раст на карцином на кожата. Што е најлошо, мачкањето со креми со висок фактор го блокира создавањето на потребниот витамин Д, без кој човековиот организам слабее и кој е вистински борец против ракот.
Бидејќи повеќето од нас не работат надвор, потребно е многу повеќе труд за да добиеме витамин Д од дневното сонце, наместо да го избегнуваме. Тоа може да се постигне со овој природен препарат за заштита.
Потребни состојки:
- ½ шолја органско бадемово или маслиново масло (1 дл)
- ¼ шолја органско девствено кокосово масло кое има природен фактор 4 (1/2 дл)
- ¼ шолја пчелин восок (1 лажица) – може да се изостави ако го немате, инаку дава густина
- 2 лажици цинк оксид во прав
Опции: Наместо пола од количината од кокосовото масло, можете да ставите какао путер (преубаво мириса), 1 лажица течен витамин Е (одличен против стареење на кожата и како стабилизатор), 1-2 лажици шеа путер (содржи природен фактор 4-5), етерично масло по желба (кокос, ванила и лаванда се најдобри, а избегнувајте ги цитрусните).
Појаснување на состојките:
Цинк оксид: Нетоксичен минерал (за разлика од оксибензонот кој го има во многу креми за сончање) го рефлектира сонцето како огледало, односно не навлегува во крвотокот. Има најширок спектар на УВА и УВБ рефлектирачки својства, апсорбент е на УВ-зраци, има антисептичко и противгабично дејство. Содржи СПФ 20+, во зависност од количината која ќе ја ставите. Може да се набави од билни аптеки или преку интернет и не е скап. Напомена: Бидете внимателни да не вдишете од правот при подготовката.
Шеа путер: Заради својот состав е незаменлив во секојдневната нега на кожата. Содржи голема количина незаситени масни киселини (7-12%), витамини А и Е, како и висок процент на протеини и минерали. Особено е ефикасен при регенерација на клетките на кожата, има антиејџинг ефект, делува противвоспалително, па помага при разни дерматолошки состојби (псоријаза, себореја, егземи, атопичен дерматит, акни), како и во лекување на мали рани, гребаници и изгореници. Продира длабоко во кожата, па може да се користи и за превенција и третман на стрии и лузни. Исто така може да се набави од билни аптеки.
Начин на подготовка:
- Помешајте ги во тегла (со капацитет од околу 500 мл) сите состојки освен цинковиот оксид и етеричното масло. Напомена: со додавање повеќе пчелин восок ќе добиете погуста и потврда крема.
- Наполнете еден среден сад со малку вода и ставете го на тивок оган.
- Ставете капаче врз теглата и пикнете ја во тенџерето со вода. Како што ќе се загрева водата во тенџерето, така состојките во теглата ќе почнат да се топат. Затресувајте и повремено промешувајте.
- Кога сите состојки ќе се стопат, тргнете ја теглата од оган и многу внимателно, без вдишување, додадете го цинк оксидот. Измешајте го добро и потоа ставете етерично масло.
- Промешајте неколку пати додека кремата се лади за да бидете сигурни дека цинк оксидот е добро растопен во смесата.
- Прелијте го лосионот во некоја туба како оние во кои обично ги пакуваат купечките млека за сончање.
Користење и чување:
- Користете ја кремата како што би користеле која било друга крема за сончање. Одлично се размачкува и преубаво мириса.
- Оваа крема не е водоотпорна, па треба повторно да ја нанесувате по потење или капење.
- Прекривајте ги добро сите делови од кожата бидејќи таа создава механички штит, а не хемиски.
- Чувајте ја на суво и ладно место или во фрижидер.
- Најдобро е ако се искористи во рок од 6 месеци.
Уште побрз начин за подготовка на крема или лосион за сончање со фактор 20:
Земете некој природен органски лосион или млеко за тело кое не содржи цитрусни состојки, додадете 2 лажици цинк оксид и измешајте.
За кремите за лице важи истото. Измешајте пола лажица цинк оксид и малку затоплете ја кремата во топла вода. Добивате природна крема за лице со заштитен фактор.
Предупредување: Светлите лица и малите деца треба строго да се чуваат од изложеност на јако сонце, односно многу постепено да излегуваат. Дури откако ќе добијат малку пигмент, можат да го користат овој лосион.
