Кога човек се соочува со сопствените демони…
rn
Режија: Мајк ФланаганrnrnУлоги: Карен Гилан, Брентон Твејтс, Кејти СакофrnrnВреметраење: 104 минутиrnrnЈазик: англискиrnrnПремиера: 11 април 2014rnrnЖанр: хорор, трилерrnrnНаша оценка: 8/10rnrnВаша оценка: [ratings]rnrnrnrnМоментот кога сакате да седнете да гледате филм и сакате тоа да биде хорор може лесно да ве наведе да му се препуштите на „Огледало на смртта“, но прашање е колку тоа ќе го задоволи вашиот апетит за страшни сцени. Не дека ги нема во овој филм, напротив, но малку се и се ставени во служба на градење и засилување на тензијата. „Огледало на смртта“ е повеќе трилер отколку хорор, филм којшто претставува освежување во поглед на оригиналноста на приказната и начинот не нејзиното раскажување, но плашењето на гледачот овој пат е во втор план.rnrn
rnrnПриказната е пренесена преку патувања од сегашноста во минатото и назад во текот на целото дејство. Таа започнува кога 21-годишниот Тим е пуштен од психијатриска установа каде што ја поминал целата своја адолесценција поради тоа што го убил својот татко веднаш откако овој ја убил неговата мајка. Неговата сестра Кејли е пресреќна поради неговото излегување, не само поради тоа што го сака својот брат туку и поради тоа што сега тие ќе можат да го исполнат своето ветување – да докажат дека одговорноста за злосторствата лежи кај демон кој се крие во огледало кое тогаш стоело во нивната куќа.rnrn
rnrnКако што веќе спомнавме, филмот постојано ве носи напред-назад во времето со цел подобро да ги разјасни настаните што се случиле во таа ноќ пред 11 години кога членовите на ова семејство почнале да убиваат меѓу себе. Истовремено, тоа служи и да го објасни евентуалното влијание на огледалото во сите тие настани. Тоа е еден од начините на кои „Огледало на смртта“ ги избегнува хорор клишеата. Вториот начин е играта со умот на гледачот, не дозволувајќи му да биде сигурен што е реалност а што илузија. Ниту главните ликови не можат секогаш добро да ја перципираат стварноста, така што нивната одлична глума секако дека има удел во тоа.rnrn
rnrnСè на сè, „Огледало на смртта“ е интересен филм којшто ќе им се допадне на оние кои бараат добра мешавина од жанрот хорор со психолошки трилер. Ако ви се допадне, може да ве израдува тоа што крајот е така направен што може од него да се очекуваат и повеќе продолженија.rnrn
rnrn rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.